ربي يفتح عليكم محتاجتكم في حاجة ساهلة برك تلفتلي أنا 
جربت مرتين الدجاج بالاكياس لكن خرجلي لاباس بيه مش هايل بزاف و العايلة ماعجبهمش قالولي راه ملق بمعنى مش مقرمش 
انا حابة نقطع الدجاج و نحمر اجزاء منو على حسب العائلة تاعي 
امانة لي عندها معلومات مفصلة تقولي و لها مني جزيل الشكر 
ديري شوي فرينة في الكيس وديرالدجاج متبل ولما يطيب من جهة قلبيه على الوجه الاخر ان شاء يفيدوك الاخوات اكثر
نظن لازم تحمريه بعد ما يطيب في الاكياس
السلام عليكم
تبعي طريقتي اختي وان شاء الله يعجبهم
كي ديري الخلطة تاعك تع الدجاج دخلي لدجاجة في كيس الشواء طبعا راكي عملتي شوية زيت مع الخلطة ضيفي شوية ماء اقفلي الكيس تاعك وعملي ثقوب من الفوق وطيبيها في الفرن الآن رايحة تحمارلك غير من الفوق كي تحسي الدجاجة طابت والمرق عقد خرجي الدجاجة جيبي اناء ،بالمقص قصي زاوية من الكيس وافرغي الصوص في الاناء ادا محتاجة تزيد تعقد رديها فوق النار وعاودي رجعي الدجاجة في الفرن وقلبيها كيما حبيتي في الأطراف حتى تحمار كليا هاد الطريقة جبتها من راسي ومعتمدة عليها والدجاج كل سمانة يطلبوا مني عايلتي نديرهلهم
ادا افادتكي طريقتي ما تنسيش تدعيلي
اختي الكريمة جيبي اطراف الدجاج حطيهم في اناء وديري عليهم هذه الخلطة ملح +فلفل أكحل +كمون +كسبر مطحون +كروية عصير نصف ليمونة اذاماكانش شوية خل + زيت +ثوم مرابي +ورقة رند وحكي هاذوك الطراف مليح ومن بعد فرغيهم في الكيس المخصص للشواء اربطيه ثم اثقبيه بالسكين حطيه في مول و لا بلاطو و دخلي للفرن بعد ما تشوفي الدجاج طاب اجبديه فرغي هذيك الصوص ومزقي الكي من أعلى و رجعيه يكمل يتحمر يجيك كيما لي يتباع برا و هذيك الصوص اقلي بطاطا على شكل دوائر وسقيهبيها او مع روز مفور وهذه الطريق مجربتها أكثر من مرة ومضمونة بإذن الله و انشاء الله تجربيها وتدعيلي و لك بالمثل
mrc lbnat mem ana ndir haka ki ytib nahih wnhmrou yji mhamr whayal
بعد مايطيب في الصاشي نحيه بالكل يعني فرغيه في بلا وحطيه يحمار في الفور
