مرحبا اخواتي الكريمات بغيتكم تفيدوني أختي خطوبتها قريبة وامانيش عارفة انواع القاطو اللي نديرها حبيت ناخد رايكم ياريت تقترحوا عليا واش نقدم انا نحب حاجة الهمة فماتبخلوش عليا شكون يعرف بالاك نعجبهم ويخطبوني انا هههههههههههههههههههههههههه راني نستنى في ردودكم 
استنايني دقيقة ونرجع ليك
اي انواع قاطو
خيري واش تحطي مع القازوز وممبعد نوعين ولا ثلاثة مع القهوة
وممبعد قاطو لاتاي
انا هذا واش قاتلي ماما…….نتمنى نكون افدتك ولو بالقليل
شكرا
مبروك على اختك و العاقبة ليك
المهم تقدري اديري الفنيد شباب و حلو بزاف + مشكلة في مكان البقلاوة ( حلوى واحدة معسلة) + les cornets أو biscuit roulé+ القريوش للشاي المهم يكون بسيط وشباب و حلو
و في العرس ديري راييييييييييييك
ألف مبروك
ديري لي زيكلار ولا لي تارتولات
مع العصير والقهو ديري مقروط بقلاوة غريبية
ونوع اخر
ومع التي ديري مكسرات
تفكرت حاجة تقدري ديري la genoise ديريها حبات مدورين و صغار نوعا ما مغطيين بالشوكولا
و راهم يديرو لي بروشات نتاع الفاكية يعني تقطعي الفاكية مربعات و ادخليهم في أعواد خشبية كيما نتاع المشوي وتقدميهم مع القازوز ولابعدو (فراولة موز عنب تفاح كيوي ……)
وهذا دعاء مأثور عن بعض الصالحين
اللهم اني اسالك باني اشهد انك انت الذي لااله الاانت .. الاحد الصمد الذي لم يلد ولم يولد ولم يكن له كفوا احد اقضي حاجتي .. انسي وحدتي .. فرج كربتي..اجعل لي رفيقا صالحا كي نسبحك كثيراونذكرك كثيرافانت بي بصير .يامجيب المضطر اذا دعاك..احلل عقدتي ..امن روعتي ..ياالهي من لي الجا اليه اذا لم الجا الي الركن الشديد الذي اذا دعا اجاب .هب لي من لدنك زوجا صالحا ..اجعل بيننا المودة والرحمة والسكن..فانت علي كل شي قدير .يامن قلت لشي كن فيكون..ربنا اتنا في الدنيا حسنة وفي الاخرة حسنة ..وقنا عذاب النا وصلي اللهم علي سيدنا محمد وعلي اله وصحبه وسلم.
وعن اصل دعاء التيسير هذا يقول الشيخ المنجي: انه دعاء ماثور عن بعض الصالحين عندما كان هناك رجل صالح في ضيافة رجل عنده سبع بنات ولم تتزوج منهن واحدة، فقال له: انا ادلك علي بعض كلمات سمعتها من الصالحين وطرفا منها لبعض الصحابة والتابعين وعلمه الدعاء ثم يقول والد البنات السبع عن نفسه : والله لبركه هذا الدعاء مامر العام الا وبناتي جميعهن في بيوت ازواجهن.[I
|
المشاركة الأصلية كتبت بواسطة ضيف مسعودة
 مبروك على اختك و العاقبة ليك
المهم تقدري اديري الفنيد شباب و حلو بزاف + مشكلة في مكان البقلاوة ( حلوى واحدة معسلة) + les cornets أو biscuit roulé+ القريوش للشاي المهم يكون بسيط وشباب و حلو و في العرس ديري راييييييييييييك ألف مبروك |
شكرا اختي الله يسلمك ممكن تعطيني وصفة الفنيد
السلام عليكم ورحمة الله
اذا كانت شوفة برك اعملي
حلويات تكون بسيطة
واذا كانت خطوبة رسمية
انا حسب تجربتي الشخصية
عملت فخطوبتي اول حاجة
لي صالي و موناد
اما القاطو
انا عملت ملبس وواحد تاع الشيكولا ما يطيبش
وباقلاوة ومقروض واحد عملتو بابيويجي باللوز
لي باغكيت تاع المكسرات
وربي يكمل لختك والعقوبة ليك ان شاء الله في اقرب وقت
ششششششكر ا على افادة
مساء الخير اختي كلشي مبروك على اختك و العقوبة ليك
عندي غسات مليحة خدمتها صحبة اختي في خطوبتها نشاله تعجبك و تجربيها المهم ما نطولش عليك
المقادير: 4بياض بيض +كاس نشا + كاس سكر رطب + 5 ملاعق اكل كاكاوو + 2باكي خميرة +فاني + رطل زبدة رطرية شويا +فرينة
التزيين : شوكولا تذوبيها في حمام مائي مع شويا زبدة و حليب الا حبيتي + بريون + مربى المشمش
الطريقة: تخدمي الزبدة مع السكر مليح و مباعد تزيديلهم البيض و تخلطيهم مليح بيدك .و تزيديلهم باقي المكونات الجافة ( العجينة تكون متماسكة)
ابسطي العجينة على طاولة سمك 1 سم وتجيبي كاس و تشكلي بيه دوائرمن العجينة و تطيبيها في الفور.
تلصقي كل زوج حبات من القاطو بالكوفتير و تغمسيها في الشوكولا الذايبة (جهة وحدة فقط) و تخلي الشوكولا تشيح و مباعد رشيها بالبريون
