سلام حبيباتى واش راكم انشاء الله تكونو بخير اليوم جبتلكم عصير لديد لاطفالكم غنى بالحديد و المغنيزيوم ساهل و بسيط ما تحكموش عليه حتى تجربوه لكن ماتقولوش بلى بادنجان صدقونى واحد ما راح يعرف
نحتاجو
حبتين بادنجان من النوع الطويلو انتاع هاد الوقت ما فيهش الزريعة قطعى الراس و دوقيه لانو احيانا يكون مر لازم يكون حلو فوريهم حتى يطيبو مليح برديهم و اطحيهم مع 2 ملاعق كاكاو من النوع الجيد و 5 ملاعق سكر فانيلا و نصف لتر حليب و تبقى هاد المقادير حسب الدوق ممكن تزيدو و تنقصو على دوقكم
جربوه و ادعولى و لصاحبة الوصفة الاصلية شكرا
ملاحظة البادنجان فويه و ارحيه بالقشرة
الله يــعــطيـــك الصــحة حــــــــــــبيـــبة
الله يــعــطيـــك الصــحة حــــــــــــبيـــبة
</div>
يعطيك الصحة
والله نستعرف بيك درتي الكوراج وجربتيه أنا والله مانجرأ 
بصح كيفاش عصير الرمان اللذيذ الرائع ماعجبكش وعجبك عصير الباذنجان 
على العموم نحب النجرب كل ماهو جديد وغريب بصح ماعنديش الاولاد لمن نشربو ؟
راني نستعفر باللي راكي شجاعة 
بصح ماقلتيلناش كيفاش جاي طعمو يعني في واش يشبه
من مكوناته يبان مليح يعطيك الصحة رانيا
عصير جديد يبان شباب
يعطيك الصحة
أول مرة نسمع بيه حقيقة … يبالي مليح وكي يتحط مالازمش نقولو بلي راهو بذنجان هههههه
حاسة طعمو يغلب عليه الكاكاو و يجي بذوق الشيكولا
يعطيك االصحة طوكيو
قوليلي ماعندكش وصفة جو تاع فلفل حااااااااااااار ههههههه
انشاء الله حبيباتى جربوه يجى كما لى يتباع فى العلب و البادنجان عندو طعم محايد يعنى ما يغلبش الكاكاو العكس
نرحوه بالميكور ولا بالرحوية تاع اليد؟؟؟؟؟
لالا اختى بالخلاط الكهربائى
و الله أول مرة نسمع بعصير الباذنجان
تعطيك الصحة اختي على الوصفة
