طلبي بسيط علي صعيبة ساهلة عليكم و جزاكم الله كل خير
أريد طريقة عمل وسادة إلي تجي مدورة وفي الوسط من الجهتين قفلة مغلفة بنفس القماش satin
أتمنى أنكم فهمتوني
مشكورين في كل الأحوال
اختي اذا كنتي على القفلة كيفاش تعمليها
فتركبيها بلاستيك رقيق وتجبدي مليححتى يخرج من الجهة الاخرى
ثم تركبي القفلة الثانية من الجهة المقابلة في نفس لاستيك وتعقدي وتخفي العقدة خلف القفلة
وانتهى ..
ان شاء الله نكون افدتك
هذا واش عرفت خخخخخ
راني حابة كامل الوسادة كيفاش يعملوها وهي يحطوها كديكور في الصالون والله أعلم
مشكورين
رانى فهمتك تحوسى على لي بوف بالسوموكس ادخلى هذا الرابط الخاص بيه وتلقاي مبتغاك انشاء الله https://www.djelfa.info/vb/forumdisplay.php?f=313
جزاك الله كل خير
ادخلى قسم الاعمال الفنية الموجود بقسم الاشغال اليدوية والتجارب المنزلية وابحثي في المواضيع
جزاك الله كل خير فتح الرابط ووجدت ما كنت ابحث عنه منذ فترة طويلة
في ميزان حسناتك اختي
الحمد لله بارك الله فيك
اختي الكريمة السلام عليكم اولا هزي قياس وسادة البونج لمدورة الى حابة تخيطيلها غلاف وزيدي عن القياسالوسادة حوالي 5سم وبالطبع راح تقصي الكتان عن اثنين يعني يعود عندك دائرتان من القماش ومن بعد تجملي الدائرتين بمكينة الخياطة وابقي نصف الدائرة من القماش مفتوحة وادخل فيها وسادة البونج لمدورة اوتحبي تحشها بالبونج المقطع اطراف يتباع في السوق وسكري الجزء الي بقاء مفتوح بيديك ومن بعدروحي الي يبيع حوايج الخياطة في السوق واعطيه طرف من القماش الي خيطتي منه الوسادة وقوليله يغلفلك بيها القفايل واشري من عندها نصف ابرة خشينة وخيط الشمع الى يخيط بيه الصبابط ومن بعد ثبتي الخيط في القوفلة الاولة مليح وادخليه وسط الوسادة وشدي مليح ثم الصقية من الطرف الاخر بالقفلة الثانية وشدي مليح واعقديه خلف القفلة
نتمنى انك فهمتيني وان ما فهمتيش حاجة عاودي اسألي وراح نجوبك
بارك الله فيكما أخت سمية وأم عدي على مروركما الطيب
