طريقتكن في تحضير المعكرونة و السباقيتي 2024.

هذي طريقتي في تحضير المعكرونة

إليكم رابط الموضوع

https://www.djelfa.info/vb/showthread.php?t=1410658

عجبتني الفكرة

أنا عندي طريقتين الأولى حمراء بالكريات اللحم المفروم

و الثانية بكريمة الفراش و كفتة الدجاج والشامبنيو وهي لي نعملها دائما لأنها لذيذة و لاتقاوم حتى زوجي يفرح كي نطيبها و ياكلها غذاء و عشاء

للأسف مصورتهم بالتفصيل باش نعملهم موضوع و لكن ماعنديش الوقت مع أولادي وداري

اقتباس:

المشاركة الأصلية كتبت بواسطة oum anas 69 أنا عندي طريقتين الأولى حمراء بالكريات اللحم المفروم و الثانية بكريمة الفراش و كفتة الدجاج والشامبنيو وهي لي نعملها دائما لأنها لذيذة و لاتقاوم حتى زوجي يفرح كي نطيبها و ياكلها غذاء و عشاء للأسف مصورتهم بالتفصيل باش نعملهم موضوع و لكن ماعنديش الوقت مع أولادي وداري

اعطينا الوصف يا ام انس

مشكوووووووووووووووووووووووورة

السلام عليكم ورحمة الله وبركاته

اما انا اختي فكل مرة نحضرها بطريقة

الاولى نسلق المكرونة في ماء مغلي مع شوية ملح وشوية زيت ومن بعد صفيها نفرغ عليها شوية ماء بارد باش ما تتلصقش ومن بعد ندهنها بشوية زبدة
نخلطها بالتون انتاع لصوص تومات وشهية طيبة

الثانية نحضر اللحم المطحون كما تحضره جميع الاخوات كما احضر لصوص بيشاميل
والتحضير لصوص بيشاميل المكرونة اللحم الفرماج المكرونة لصوص بيشاميل واخيرا الفرماج المرحي والى الفرن وبالصحة والراحة

اما الثالثة عوض التون الكبدة انتاع الدجاج انطيبها مع شوية ثوم مهروس = فلفل اسود=ملح= شوية قصبر ناعم= شوية كمون =شوية طماطم مركزة=ورقة رند اذا كان موجود وطبعا شوية زيت ونطيبها على نار هادية حتى تطيب مع التحراك من حين لاخر بلا مانمرقها

ومن بعد تحبي تخلطيها مع المكرونة او ان تضعيها فوقها وكل واحد وذوقه بصحتكم
اما الرابعة المكرونة طبعا طايبة ندهن البلا بشوية زبدة ونفرغها فيه ونفرغ عليها لصوص بيشاميل ومن فوق الفرماج رابي

وبالصحة على قلوبكم

واش رايك حنونة

وبارك الله فيك على الطرح المفيد اختي

اقتباس:

المشاركة الأصلية كتبت بواسطة *قلبي ملك ربي* رايي؟؟انك وفيت و كفيت….. يعطيك الصحة اختي و بارك الله فيك طرق منوعة و رااااائعة و اكيد زدتينا افكااااار جميلة كيما الكبدة تاع الدجاج و البشامال تاني مليحة جزاك الله خيرا و اكيد رايحة نجربها ان شاء الله شكرا مرة اخرى على المروووور العطر

العفو اختي الكل يتعلم يفيد ويستفيد
انت اللي عطرت المنتدى بافكارك

اقتباس:

المشاركة الأصلية كتبت بواسطة *قلبي ملك ربي* شكرا عزيزتي على الاطراااااااء بارك الله فيك مرة اخرى و ان شاء الله يارب كامل نفيدو و نستفيدو

وفيك بركة
تذكرت طريقة اخرى لتحضير المكرونة وحتى التليتلي او لسان الطير وهي عبارة عن سلطة باردة

تسلقي العجائن انتاعك في ماء مغلي مع شوية ملح وشوية زيت ومن بعد تصفيه وتفرغي عليه الما بارد

الخضروات اللي تخلطيها معها هي بطاطا زائد جزر زائد لوبيا خضراء مقطعة قطع صغيرة ومفورة زائد كاشير مقطع بحجم الخضر زائد تون انتاع الزيت واذا تحبي انتاع الطماطم زائد اللي ايحب بنة المعدنوس يقطع شوية رقيق واللي مايحبش يقدر يستغني عليه زائد زيتون بدون نواة مقطع وتبنيه شوية ملح زائد زيت واللي يحب زيت الزيتون يقدر يعوضه بيه زائد الخل واللي يحب المايونيز يخلطها بيها او يديريها من الفوق برك

تاكدي وهي باردة الطعم اجنان