تفو ر الشخشوخة بعد ما تدهنها بالزيت 2مرات أو أكتر حتى تتحصل عليها طريةوتتركها جانبا
تفور الفول ومن الاحسن يكون طري تنزع القشور وتقطع الحبة على 4قطع تضيف شويا ملح تم ترجع للشخشوخة ترشها بشوي حليب وتضيف لها الفول وتدهنها بزيت الزيتون او الزبدة تخلطها مع الفول بدون ماتعجنها حتى تبقى محافظة على شكلها وما تكونش عجين وتقدم .
المهم الوصفة من ناسها القرارق ولاية ميلة وأنا جبتها من عند جارتي لما شفت أن الكتير ما يعرفش الوصفة أنا شخصيا مانعرفهاش لكن ما نهار سكنت فالمنطقة قالولي عليها الوصفة مضمونة ومجربة لمن تريد خاصة رانا في وقت الفول
ملاحظةفقط هدي شخشوخة السيار وكاين لي يديرها با للفتات(الرفيس لي يتخدم متل لمسمن لكن لما نحلوهنا نطيبوه ورقة بلا ما نطويوه وكاين لي يسموه الرقاق) وكي سقسيت جارتي قالت لي بالشخشوخة أفضل من الرفيس.
شكرا لك اختي على الطريقة
هذه الشخشوخة كانت ديرها امي الله يرحمها فيها بنة رائعة جدا
يعطيك الصحة
لا شكر على واجب أختي شفت ناس بزاف ما يعرفوهاش قلت نحطها لتعم الفائدة.
بارك الله فيك احنا ثاني نديروها
وطريقة اخري تردي الكسرة نتاع الماء والملح وفوريها نفس طريقة الشخشوخة
وترشيها بالماء او الحليب وتدهنيها بالزبدة او الزيت
تيجي بنتها اروع من الشخشوخة
ربي يبارك فيك
شكراا جزيلا
شكرا على الردود الطيبة
بارك الله فيكى ياقمر
شكرا اول مرة نسمع بيها
