السلام عليكم و رحمة الله و بركاته
اما بعد انا شابة في مقتبل العمر مشكلتي ان عائلتي هي سبب مشاكلي فانا لا استطيع مواجهتهم تحت شعار الاحترام
لقد ذرفت دموع كثيرة و انا اكتب هذه الرسالة في الحقيقة انا محتارة و حزينة فتكفيني قسوة الزمان و كثير عليا ان تتحد و عائلتي ضدي
لقد كانت حياتنا مرتع للاطمئنان و السكينة
ولكن و قبل الدراسة بيومين نصدم بزوجة اخ تحول الطمانينة و الامان الى فوضى و ترقب و خوف فبعد ان اخذت اخي منا هاهي تشعل نيران الفتنة بالعائلة
فنفاقها يجعل منها محتالة بالدرجة الاولى فحتى اخي انقلب علينا فاصبحنا نتعرض للضرب و الشتم و السب……………….ومن طرف الجميع
ارجوكم تنشروا موضوعي فانا احتاج لناصح و مساند و مواسي لي خاصة و اني ابلغ16 سنة و فترة المراهقة تحتاج للدفء و الحنان لا القسوة و العنف..
مع التحية
اختي مع أني لم أفهم مشكلتك جيدا لكن أريد أن افهم هل وصل الأمرأن أثرت على والديك ؟
اختي انصحك بالابتعاد عن زوجة اخوك ومحاولت اعادة كسب الثقة بنفسك كي تتمكني من مواجه هذا الواقع وحاولي قدر المستطاع ترجعي ثقتك بيماك وخوتاتك وايضا ماشي غير انتي الي راكي هكا مام انا راني نعاني من اختي الكبري تحاول قدر المستطاع باش تبيني انا انسانة منسواش لاكن وكيلها ربي لهاذا وكلي امرهم لله ونتي حاول مترديش على كلامهم لانهم راح يولي عليك ويقولو شوفوو واش راهي دايرة فينا …راهي مهبلتنا ..مع انووو انا راني حاسة بيك وعلابالي بلي بلاك خطرات تقولي ولا ديري حاجة من نيتك وهوما يحسبولها ويديرولها يدين ورجلين مي علابالك اي واحد يديرلك حاجة ضرك اعرفي بلي يغييييير منك وربي معاك ومعايااا
شكرا على الردود
اما بالنسبة لامي و اخوتي البنات فان العلاقة بخير و الحمد لله
اما المشكل الكبير مع اخي الكبير
ساعدونييييييييييييييييي
أختي ما تتقلقيش من جهة العلاقة مع أخوك الأيام ستجعله يندم على إستماعه لزوجته وراح يلقى روحو خسر أخواتو والرجل لا يمكن أن يتحمل العيش بدون أهل المهم شدي في ربي وتقربي من أولاد أخوك وشريلهم هدايا ومهما صار ما ترديش على أخوك والندم على السكوت خير من الندم على الكلام وخلي الإحترام بيناتكم والإحسان إليه هو إلي راح يخليه يعاود يخمم وبالنسبة لزوجته وكلي عليها ربي وهو إلي راح يجيبلك حقك وحاولي تخرجي من دائرة النزاع إشغلي نفسك بالمطالعة أو الاشغال اليدوية وحاولي تدخلي لورشة أحسن إذا ما كنتيش تقراي وهناك حل آخر يمكن ان تحاولي التقرب من زوجة أخيك مثلا إشتري لها كتاب طبخ أو هدية بسيطة بالك قلبها يحن وتكسبيها كأخت أحسن
ربي يجيب الخيييييييييييييييييير
فبعد ان اخذت اخي منا
هى زوجته وعندما تتزوجيز سياخذك زوجك انت ايضا من عائلنك
فبعد ان اخذت اخي منا
ليس بالسكن لوحده
بل لانه لم يعد يهتم بنا كالسابق ابدا
من الطبيعى يا اختى ان ينقص هذا الاهتمام لان له زوجة وعندما يصبح له اولاد ستلاحضين ان اهتمامه سينقص اكثر فاكثر ..وتذكرى يوم يرزقك الله باطفال وانت تحبين الاطفال وهذا يبدوا من خلال الصورة الرمزية ستدركين معنى كلامى..انصحك اختى لا تهتمى لمثل هذه الامور وكما يقول المثل عندنا -كبر بالك تغلب صاحبك- فالقلب الكبير هو المنتصر فى النهاية…وشكرا لك
دعيه هو يتكلم وسيتم الحكم على ذلك
كي تجي تشوفي ختي هاذ الحياة كلها مسلسل و تمثيلية
اولا خوك كي تزوج تحسي انو راح و ماعادش كيما زمان و هاذ الاحساس انا مر عليا
خاصة اذا كانت بيناتكم علاقة وطيدة…
تحسيها سرقاتو منك…….
المهم نخبرك على حساب تجربتي
لازم تبينيلو انو تحبي مرتو و شكريها قدامو و قوليلو مرتك ساجية و مرا تاع دار و …..
المهم شكريها قد اللازم
على خاطرش هاذا المثل قالوه ناس زمان على حساب تجربتهم: **اذا حبيت تصاحب خوك صاحب مرتو**
و ما تعانديهاش و كلامها خليه يدخل من وذن و يخرج من الوذن الاخرى
المهم كيما قالولك استعيدي ثقتك بنفسك و حاولي ماداسريهاش … بصح كيما قلتلك مثلي بلي تحبيها و كي تجي قوليلها واش راكي و واش خبارك؟؟ توحشناك هاذي غيبة…….
كي يشوفك خوك تهتمي بيها و الله راح يحبك كيما زمان……
و ربي معاك
شكرا لكم على الردود التي بثت في بعض الامل
ان شاء الله تتحسن حالتك و علاقتك بخوك
الحل الوحيد هو انك تطلبيلو الهداية ليه و لزوجتو
عسى ان تكرهو شيئا وهو خيرا لكم
فقد تغير عليكم اخوكم افضل من ان يتغير عليكم احد الاقارب و هذا يعني جميع الاقارب
او احد الناس الذي لا تكفيه نفسه فقط بتغيره عليكم بل يحرض الكثير
لكن بما انه اخوك يكتفي بنفسه و زوجته
اختي سندعو لك جميعا و لا تعطي للامر اهمية كالسابق الان انت على وشك القيام باختبار شهادة التعليم المتوسط لذا فكري بدراستك فقط
فالكل لدينا مشاكل اجتماعية و هي متنوعة
فمنهم من يتغير عليهم والدهم لذا فليتغير الاخ افضل من ان يتغير الاب مثلا
ربي يخليلك والديك
و سامحيني لاني سالومك والديك قليلا لانهم ان واجهوه بالامر و هددوه بعدم مسامحته مثلا او اي شيء لكان ضميره قد يانبه قليلا حتى بعد مدة من ذلك
و لا تقلقي سيستيقظ يوما ما من غفلته و يفوق لعمرو و واش قاعد يدير
تقبلي مروري و رايي
|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||
السلام عليكم
اكثري من الإستغفار ..
وتسلحي >>>> بالتفـآئلْ ..
و لا تقنطو من رحمة الله ..
وربي يوفقك ويفرج عليك ..
|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||
