بسم الله الرحمن الرحيم
اليوم حبيباتي رح نقدملكم خبز ليبي مع شاورما تركية
بالنسبة للعجينة :حطيت فرينة و 3 ملاعق حليب مجفف و مغرف سكر و مغرف خمارة تع الخبز .ملح و لميتها بالماء الدافئ و خليتها تخمر
بعدما خمرت نحلها هلى طاولة مرشوشة بالفرينة و نقطع دوائر بالكاس او البول تع الشربة و نزيد نخليها تخمر مليح
بعدما خمرت نقلب الكسكاس و نخليه يسخن على نار هادية و نبدا نطيب في الخبز نتاعنا غير يطيب نقلب للجهة الثانية
بالنسبة للشاورما:طيبت الجاج امبعد فتتو قطع صغيرة زائد بصلة مبشورة و 6 فصوص ثوم مرحية ،خل،عصير ليمون قرفة و ملح و فلفل اكحل و كنون و حمرتها شوية في الفرن مع التقليب المستمر
بعدها نحل الخبز يجي فارغ من الداخل و خفبف نديرورقة سلطة و شورما وبالتاكيد صوص الثوم اللي تعطيتها ذورق رائع و نقدمها
رائع عزيزتي
ممكن المقادير
و شكرا
رح نعطيكم طريقتي في عمل صوص الثوم :
كاس ماء و ثلاث ملاعق نشا نخليهم فوق النار حتى تثقال
نحطوها بالخلاط نزيد ملعقة زيت الزيتون ،ً6 ملاعق مايونيز،5 فصوص ثوم وفلفل اكحل و نخلطهم مليح حتى تولي كي المايونيز و نقدمها مع الشاورما
اسمحولي اذا طولت عليكم لكن ننصحكم باه جربوه لانو خبز رائع و جديد ماشي معروف عندنا في المطبخ الجزائري هو خاص بالمطبخ اللليبي
الله يبارك روعة يسلم يديك حبيبتي ويصلح كسكاس تاع الحديد؟؟؟؟
الله يبارك ويكثر من الوصفات الجديدة تحياتي اختي الكريمة وربي يجازيك
44444444
راكي فور
اتعيشي الكسكاس اتقلبيه فوق البرمة مقلوب هي اطيب بالبخار
من فضلك ما نوع المادة المصنوع منها الكسكاس
هل كسكاس الالومنيوم ينفع
جازاك الله خيرا
الله يبارك روعة تسلم يديك فكرة جديدة فعلا
من فظلك فهمينا كيفاه الكسكاس على النا أو على قدر فيه الماء و شكرا يبان هايل
|
المشاركة الأصلية كتبت بواسطة lyna38
 رائع عزيزتي
ممكن المقادير و شكرا |
شكرا حييبتي على مرورك تم وضع المقادير
|
المشاركة الأصلية كتبت بواسطة أم محمد تاج
الله يبارك روعة يسلم يديك حبيبتي ويصلح كسكاس تاع الحديد؟؟؟؟
|
يبارك فيك اختي انت الاروع
نعم يصلح كسكاس تع حديد بصح لازم يكون شوية ثقيل كيما تع شاف جريتو فيه و كانت نتيجة رائعة
|
المشاركة الأصلية كتبت بواسطة الوهرانية 1
الله يبارك ويكثر من الوصفات الجديدة تحياتي اختي الكريمة وربي يجازيك
|
يبارك حبيبتي نورتيني بردك الجميل ربي يخليلك لينا شاف
|
المشاركة الأصلية كتبت بواسطة ام قصي
++++++++
44444444 راكي فور اتعيشي الكسكاس اتقلبيه فوق البرمة مقلوب هي اطيب بالبخار |
تعيشي حبيبتي فرحتيني بردك الجميل
بالنسبة للكسكاس ديريه مباشرة فوق النار و لازم نار هادية
|
المشاركة الأصلية كتبت بواسطة msirdia
من فضلك ما نوع المادة المصنوع منها الكسكاس
هل كسكاس الالومنيوم ينفع جازاك الله خيرا |
شكرا اختي بالنسبة انا عندي تفال بصح مرة جربتو عند عجوزتي في كسكاس تع شاف جاني هايل و انتفخ لازم كسكاس مايكونش من النوع الخفبف كامل
|
المشاركة الأصلية كتبت بواسطة الادب العربي
الله يبارك روعة تسلم يديك فكرة جديدة فعلا
|
يبارك فيك حبيبتي شكرا على ردك الجميل
