[size="5"][b]
حدث هذا مع شاب في سلك العسكري …يسكن في المجمع الخاص بهم.
كان في أتم السعادة الزوجية خاصة بعد ما رزقا الولد الأول……..الزوج يحب المطلوع و الزوجة تجيد تحضيره ..المهم يزوره صحابه الساكنين معاه في لاسيتي ..ولاو تعجبهم خبز المطلوع ……وكي يرجعو لديارهم يشكروا هاذيك لمرة ….طبعا ممكن يعايرو زوجاتهم…….دخلت الغيرة في نفوسهم.
الخطة؟
كي يتلاقاو بالمرة يقولو ليها بلي نتي مازالك نية …وراجلك ماراهش متهلي فيك …أحنا يجيبوا لينا الخبز من الكوشة …و حتى الماكلة كي نكونو عيانين.
تتمشى ليام …….جا داخل الزوج على مرتو كي لعادة …عيان من الخدمة ….واش وجدتي لينا القهوة مازال..
لمرة ترمي وليدها بزعاف على السرير و تقولوا …واش بيك نتا راك مشي متهلي فينا و تحرث علينا…و لا لياتي راهم.كذ وكذ…………
الزوج من صدمة رمي الإبن ضربها للوجه بدبزة تمركات على عينها……..طلب منها السماح و صايي.
تهدر مع يماها…….قاتليه أرواحي ….هدرو معاه قالولوا راهي ختها مريضة تجي تشوفها…
المهم قاللها روحي و قولي ليهم برك طحت على السرير و صايي .
………………………………………….. …………………………………..يتبع
——تروح مع يماها دير سارتفيكة ميديكال …..و دفعوه للعدالة…ومن بعد كي راح يجيبها قالولوا مزال …ما علابالوش بلي راهو في العدالة …..حتى جات كونفوكاسيو ……..عرف الحالة ماراهيش مليحة..أبعث باباه انسان كبير و بقيمتو الإجتماعية …كي راح قابلو باباها .وقالو ما تدخلش عندي ماراناش محتاجين ناس كيما نتوما….وضوك تعرفوا قيمة الرجال الي تناسبوهم….
سمع الشاب هذي …….تغير اللعب : قاللهم بيناتنا العدالة و الله يسهل عليكم ما نرضاش بابا يتهان.
دفعوه ودارو سبة نتاع راهو مشي متهلي فيها ..وفارض عليها والديه تخدمهم …….
مع العلم أنو كان عايش معها وحدهم.
جاب الإثبات من لاسيتي نتاعهم بلي راهو عايش وحدو مع مرتوا………
أربحهم في الشرع ….من بعد حاولوا يصلحوا معاه الأمر….
تكلم باباها معاه في البورتابل…رانا باغيين نتصالحو وهذي غلطة وتصرى….الخ
رد عليه الشاب: أحنا قدرناك بصح ضوك تعرف قيمة الرجال …..
بنتك راها عندك….ولدي نجي نشوفه وقت اللي نحب.
و ما نحبش تعطيه حاجة من عندك ..يسلملو باباه أنا نقلشو.
يقول الشاب : و الله ما كنت نخصصها حاجة ودرت كل الوسائل باش نرجعها ……لكن كي بابا تهان و رجعوه من قدام الباب ويسكن في مدينة بعيدة بزاف على المدينة اللي يسكنو فيها ……أمالا خلاص.[/b][/size]
[/b][/size]
وهدرة النسا وين توصل……………………………………..حق يقية القصة……………………………………… ………………………
بزاف بيوت تخربو من كثرة الدخلات و الخرجات
قصة من الواقع
والله خوفتني انا راني البارح برك كنت نهدر قدام زوجي على صحابهم كيفاه مدلين نساهم وهو لا
هو صح انا الحاجة اللي نطيبها يعكسها الناس كامل يقولولي هايلة الا هو نحسو يغير مني حتى كي نقله نعتلي حاجة في الميكرو مايحيش نطيب مثلا حاجة شابة يعكسها وليت نجبدلو في نسا صحابو كل وحدة كيفاه والي ماتعرفش وراجلها يشكرها وخلي وخلي
تعرفو عله حنا مانقدروش نعيشو مليح و مرتاحين لانو دايمن نشوفو الحاجة الي ناقصتنا برك معنتها نشوفو غير الحاجة السلبية في الرجال الي مدهمنا ربي و نشوفو الحاجة الاجابية الي في رجال النسا لخرين على هكا مانتهناوش علا هكا تلقانا نديرو في المقارنة و هاذا الديفو كاين في النسا و الرجال علا هكا اذا انا قبلت بواحد راح نقبل بيه باجابياتو وسلبياتو و هو تاني لانو انا مانيش كاملة و زيد اذا باغية راجل فيه صفات الرجال العالم كامل و غير المليحة نقبض عجينة و نصنع واحد على حساب قوسطويا و خلاص وهكا نتهنى
العيب ما شي غير في هدرت النساء وتدخلاتهم
العيب في طريقة تسرف الرجل اللا حضرية
ولديها عندهم حق جتهم بنتهم مضروبة ضرب نتاع وحوش
هذا جزاءها ديما كلش واجد والمطلوعة موجودة كي ما لقهاش نهار
يدير هكا كان قادر يحاورها اولا
هذا انسان متوحش لا يمت للحضارة بصلة
مع احترامي الشديد للجميع
السلام عليكم انا ضد واحد يضرب امراءتوا نتحمل كلشي معاه مرضوا فقروا غير الضرب مانحملوش واحد يربي بنتوا وتعب وقريها ووصلها ابعد يجي واحد علي جال نهار زعفت عليه يضربها ويزرقلها عينها واش هدا التخلف لي رانا عايشين فيه المراءة ماعندهاش قاع نهار تكون مقلقة ولا زعفانة لوكان سمعها كي شافها راحلها الزعفانة اهدر معاها وبالكلمة الطيبة لوكان رجعها ماشي غير دلوا المطلوع هدا مشكل الثقافة الزوجية الراجل دايما يحوس امرتوا ماتزعف ماتشكي والمراة فان نفس الشئ ربي يهدي ماخلق ويثبتنا علي الدين والطاعة امين
لا يا أختي ليس الضرب كان لأنو ا زعف من الماكلة ما وجدتش لالالالا……الوقت اللي رمات وليدو….كمنعكس وبلا ما يعبى ضربها ……….
لكن الأمر كان أنهم تسامحو و طلب السماح وتصالحوا….وندم وحس بلي غلط …لكن ما ذنب الطفل……لكن هي القصة كما هي……
ام أنو ليس انسان ….فلا يقال لآن الأمر يحدث مع أي واحد ….و أنك تقبلين بالراجل لي ما يضربكش لازم أنت تكوني ما توصليش روحك…..
ربي يهدينا
|
المشاركة الأصلية كتبت بواسطة سومية88
 السلام عليكم انا ضد واحد يضرب امراءتوا نتحمل كلشي معاه مرضوا فقروا غير الضرب مانحملوش واحد يربي بنتوا وتعب وقريها ووصلها ابعد يجي واحد علي جال نهار زعفت عليه يضربها ويزرقلها عينها واش هدا التخلف لي رانا عايشين فيه المراءة ماعندهاش قاع نهار تكون مقلقة ولا زعفانة لوكان سمعها كي شافها راحلها الزعفانة اهدر معاها وبالكلمة الطيبة لوكان رجعها ماشي غير دلوا المطلوع هدا مشكل الثقافة الزوجية الراجل دايما يحوس امرتوا ماتزعف ماتشكي والمراة فان نفس الشئ ربي يهدي ماخلق ويثبتنا علي الدين والطاعة امين
|
ماهيش حاجة اللي توصل للطلاق راجلها راه في دومان صعيب والله اعلم كيفاه كانت الخدمة كانت قادرة تفوتها
لكن الخطا خطا امها كانت قادرة تقلها فوتي لانه اي وحدة عايشة بعيدة كيما هي عن اهلها واهل زوجها راح يتهلى فيها راجلها
بصح درك ماخسرت كان هي هو قادر يجيب مرا اخرى والنسا راهم يصيدو كاش راجل زيو لاني عايشة في هاد الدومان وعلى بالي كيفاه يجرو وراهم مايهمش مطلق
الخاسر الوحيد هُو الطفل
سيتربى محروما من حنان الاب
إنتهى.
العيب فيها كيف تسمع لاقاويل النساء..قل لهل تشرب…..
شكرا
ناتج عن الكبرياء الزائدة …….لو أنها سامحت زوجها بعد اعترافه انها لحظة غضب كان الأمر يمشي …..لكن القصة كما هي……..
