ان شاء الله على المقادير يا بنات
بالنسبة للعجينة:
3 مقدار دقيق ابيض (فرينة)+قرصة ملح+نص مقدار زبدة أو مارجارين +ماء زهر+ ملوّن غذائي حسب اللون.
بالنسبة للحشو:
500غ لوز(أو سوداني =كاوكاو)+ 250سكر+ بيض حسب ماتحتاجي تلمي بيه العجينة + فانيلا
بالنسبة للتزيين:
عسل(أو قطر) و لوز
نبدا بالعجينة ان شاء الله:
نخلط الدقيق مع الزبدة مع الملح في الخلاط أو باليد ونبلّ بماء الزهر حتى الحصول على عجينة لينة
لما نتحصل على العجينة
نحط الملون اللي اخترناه في ماء الزهر
ونضيف بالشوية للعجينة مع العجن حتى نتحصل على اللون المراد
مازاااااااال
ونعملوها كويرات صغيرة
ونحطوها ترتاح في الثلاجة حتى نحضروا الحشو
واللي حضرناه بخلط اللوز المرحي أو الكاوكاو أي السوداني مع السكر والفانيلا
وبقيت نضيف بالبيضة الواحدة ونخلط لحد ماتحصلت على عجينة متماسكة نوعا ما
مش لينة كثير لأنه وقتها راح يصعب التحكم فيها
نفردها على الرخامة ونقطع بالقطاعة اللي نحب …
أنا أخذت شكل الورقة
أما بخصوص العجينة فنفتحها بالآلة المخصصة للعجائن
بهاذ الشكل مرتين حتى نتحصل على طبقة رقيقة
لو ماعندناش ممكن نستغنى عنها ونفردها بالقنوط (الشوبك)الحلال
ونقطعها هي الأخرى
وبعدها ندهن وجه الورقة ببياض البيض ونحط الحشو وندهنه هو الآخر ونحط آخر طبقة عجينة كما موضح في الصورة
واضحة يا بنات ؟
وبعدها عملتها بالنّقّاش
هاذ الأداة اللي ننعمل بيها نقش على العجين
مانيش عارفة وش تسمّوها
ونحط لوزة
ونخبزها في فرن على درجة حرارة متوسطة
مش راح تاخذ كثير
ونسقطها في العسل الساخن أو القطر لمّا تخرج
ونحطها في القوالب الورقية هاذو
جميييييييل
ولذيييييييذ
وله عدة تطبيقات
ممكن وردات أو مربعات أو أ قلوب أو أي شكل ولون تحبيه
خلاص يا بنات
كانت هاذي وصفتي
نتمنى تجربوها راح تعجبكم ان شاء الله
تستفاد من هاذ الوصفة ووصفاتي للحلويات ان شاء الله
ربي يرزق كل المسلمين حلالا طيبا
نتمنى من أي أخت عجبها موضوعي
أو استفادت منه
تدعيلي بظهر الغيب دعوة جميييييييلة
أن يرضى عني ربي وعن أمي الغالية وأبي
و الزوج الذي اتمناه
ويرزقنا حسن الخاتمة
منقول للامانة
يعطيك الصحة اختى عجبتنى بزااااف وشكرا على الشرح الوااافى
ربي يعطيك و يرضيك
اممممممممممم هايلة
خرجولك هايلين الله يبارك نجربهم إنشاء الله 
ما شاء الله
تسلم الأيادي
روعة نعم تحمر الوجه بارك الله فيكي
ربي يهنيك و يعطيك ما تتمناي ان شاء الله
ما شاء الله هايل
روعة يعطيك الصحة
اريد مساعة جاوني ضياف عندي اربع بيضات قولولي كيفاه ندير جزاكم الله خيرا
بارك الله فيك
barak allah fik
دعواتي أن تحتويك دنيا الفرح في كل أمر
وأن ترعاك عين الرحمن أبد الدهر
وأن يبارك الله لك في مالك وأهلك
ويرفع منزلتك بين خلقه إن شاء الله
ويجعل الخير في يومك وسائر أيامك.
اللهم امين شكرااااااااااااااااااااااا يا ام حمزة و كل من رد على هذا الموضوع
يعطيك الصحة ويسر الله لك كل أمورك
