في رمضان كيما علابالكم الواحد يرمضن وتخدملو على كل حاجة انا بنتلي اليوم على هدا الطبف تاع الحلوى الي يسموه هنا Pie او الباي
[CENTER]سيمنا بسم الله شفنا منا لهيه استغربت الجو مليح اليوم نورمالمو المطر او النو او الجو بارد كي العادة مي اليوم حالة استثنائية كيما راكم تشوفو
من غرائب هدا الطبق باش تحضرو لازم تجيب السلوم والا السكالي !! سبحان الله واش دخل هدا في الطبق ؟؟؟ رانا جايين باش نفهومكم وحدة وحدة علينا المهم وجدنا السلوم
ضورك لازم نجيبو العين البقرة او العينة او البرقوق المجفف كل واحد كيفاه يسموه عندنا راني عارف , المهم رحنا نجيبو فيها ماشي من المارشي احبس هده نجيبوها من هنا عارفتو علاش نحتاجو السلوم ؟
[center]
هادي تبان عيانة خلي نشوف الشجرة الاخرى
1 -كيلو من البرقوق او العينة او عين البقرة طلعنا للشجرة
لاوم نخيرو حباة ملاح الباقي نخلوه في الشجرة باش نرجعولو المرة الجاية ادا كان فيه وقت خير من الي نحتفضو بيه في الفريجيدار او ياكلوه الزواوش!!!!
قلنا كيلو لقينا رواحنا جبنا 5 كيلو !!! رمضان الله غالب الواحد يجوع والبرد معليش
2- نجيبو العجينة وهكدا لازم نروحو للمرشي يلله تروح معانا كيما راكم
وين راه هالمشكلة بلاك واحد يشوفو يخبرنا فتش من لهيه تعيش
لقيناك
ضورك نغسلو العينة او العين البقرة
وامبعد
3- نفرشو noisette على العجينة والعجينة قبل ما نفرشو noisette لازم نثقبوها :
4- كريمة زائد 2 بيضات زائد سكر زائد واحدة فانيلا زائد كريمة الحليب اضن هي القشطة ؟ وشوي قرفة ونخلطو كلش مع بعضاه
5 – ضورك فوق العجينة الي حطينا فوقها النوازات نحطو عين البقرة هكدا
باقي شوي بلاك نحطوه في الفريجيدار للمرة الجاية لازم يتحط في الكونجلي
6- ضورك نفرغو الكوكتال الي وجدناه فوق االعجينة
7- الى الكوشة ديراكت ما كلاه تسناو توضع حوالي 50 دقيقة
هيا قدمو ما تحشموش مرحبا بيكم كول برك ما تحشمش
ان شاء الله تكون عجبتكم وصح رمضانكم وتحية لاعضاء المنتدى
لامدراك
بارك الله فيك اخي على طريقة انزالك الموضوع
موضوع في القمة شكراااااااااااااااااااااااااااااااااااااااااا
tahwisa chefna we chemina khasna ri nestano elmaghreb we nroho ndoukoh
