السلام عليكم و رحمة الله تعالى وبركاته 
وصفة البيتزا في المقلاة سمعتها في اذاعة بسكرة في الصيف عند الشيف ناصر
وصفاتو روعة .
….. رمضان كامل و انا ندير فيها و حبيت نفيدكم بيها
ان شاء الله تعجبكم
مقادير لعجينة :
2 كيسان و نص فرينة
مغرف قهوة و شوية خميرة الخبز
مغرف ماكلة زيت
رشة ثوم مرحي بهار ( حسب الذوق )
2 مغارف قهوة سكر
ملح
و ماء دافي حسب الكمية
انا درت دوبل تع هاد الكمية بصح المكيال كان شوية صغير
في الاخير اكي تضيفي الماء جتان تولي طرية و تلصق في اليدين
حطيها في مول فيه الزيت و ادهنيها بيه
ومبعد خليها تتخمر مدة … انا حطيتها في الفرن حرارتو ضعيـــــــــفة و بسرعة تخمرلي
بالنسبة للحشو اختياري كيما تحبي ….انا درت سردين بالصوص تع الطماطم + زيتون مقطع
السردين نقيتو و رحيتو مع لاصوص تاعو و الزيتون قطعتو
و خلطتهم معا بعض
و الباقي موضح بالصور :
شوفوها كيفاه ولات
صدقوني راهي هــــــــــــــايلة و تستحق العناء
جربوها
دمتم ســــــــــــالمين 
يشرفني نكون أول المعلقين راهي تهبل تهبل يعطيك الصحة
راهي تشهي
قوليلي نطول و نا نقلي فيها باه تطيب من الداخل
malkit wech nkol rahi44444444 nchallah nseyiha
شكرا جزيلا أختي تبان هاااااااايلة كي تقليها مجيش شويا مزيتة ومن الداخل تطيب مليح ولا تبقى شويا معجنة
يعطيك الصحة راح نجربها
راهي تبان تشهي يعطيك الصحة
شكرا لك جاتك هايلة
ممممممممم
تبان هايلة
ما شاء الله
يعطيك الصحة
جاتك هايلة
شكرا
شكــــــــــــــــــرا على الردود العطرة نورتو الصفحة
بالنسبة للطياب تاعها في الاول كان يبانلي مطيبش بصح صدقوني بسرعة يطيب و خاصة اذا سخن الزيت مليح تولي تعيطي برك كاش من يعانونك قبل ميتحرقو ….
|
المشاركة الأصلية كتبت بواسطة الصوامعية
 شكرا جزيلا أختي تبان هاااااااايلة كي تقليها مجيش شويا مزيتة ومن الداخل تطيب مليح ولا تبقى شويا معجنة
|
شكــــــــــــــرا على الرد الختي صوامعية
بالنسبة للزيت اذا سخنتيه مليح ميتزيتوش
و الطياب من عندي انا طيبك مليح و تولي منفوخة و هشة و مطولش خاصة كي يكون الزيت سخون تولي تجري و متلحقيش
ما شاء الله شكلها هايل
مع اني ما نحبش القليان بصح هذه نجربها ان شاءالله
