السلام عليكم و رحمة الله تعالي و بركاته
نشكر كل اعضاء المنتدي
لان المنتدي هاد فرج علي ناس و نزع غبينة ناس و فاد ناس و انا واحدة منهم
خاصة في موضوعي اللي علي جالوا راه حارم عليا النوم الليل مع النهار و راني نقصت و شينت و الناس كامل حارت كي شافتني
علي هاد الحال لكن حتي واحد ما علابالوا واش في قلبي لاني بطبعي خجولة و ما نحكيش اسراري للناس
الا هاد المنتدي اللي فرغت فيه قلبي و فادوني فيه بزاف خواتاتي هنا اللي ما ننساش جميلهم
المهم نحكي حكايتي
انا تخطبت لواحد من مدة 9 اشهر في الاول ترددت شوية في القبول لانه اقصر مني و انا طويلة و عمري ما تخيلت
نفسي نتزوج واحد قصير عليا
اتنازلت شفت فيه الاخلاق و حسن التربية و انسان مدين مصلي ما بيه والوا بشهادة ابي و اعمامي و كل من يعرفه
المشكل مش هنا المشكل انهم منهار جاو لدارنا و شافني و باسبوع تفاهموا علي الشروط و دفعوا دراهم الشرط
ما زادوش داروا بينا
لا هو لا اهله عير مرة جات اخته و اخدت رقمي قاتلي باش لما نشري الجهاز نعرف قياسك
و هدا من ماي
من داك النهار ما جاو ما اتصلوا حتي جويلية عيطلتي و رحت قيست لبست الجهاز
لكن من يومها للان ما اتصلوا ما بانوا ما والوا
ما جاونيش في العيد الصعير ما اتصلوش لا هو لا هم
هو لم يرفع سماعة الهاتف و يسال عني يوما
بعد العيد بمدة ماتت خالته و اتصلت باخته و عظمتلها الاجر لكن من حينها ما قيمونيش تاني
و في العيد هدا تاني كيف كيف كاني لم اكن موجودة
خممت و قلت لماما خلاص راني مبطلة و قتلها تخبر بابا باش يرجع لهم دراهمهم
هل في نظركم اني تسرعت او اخطات
من ناحية التسرع شفت 9 شهور راهي مدة طويلة الناس راها تجيب فيها ولد
اعطوني رايكم برحمة والديكم
و انتوما يا رجال حابة نعرف منكم
لما واحد يخطب واحدة و ما يتصلش بيها خلاص بعد هده المدة علاش و هل ممكن يكون سبب
انا في نظري تعيطلهم يماك ولا باباك خير ويسال عليهم ويقول لهم وين راكم واصلين وش درتو فيها بش هكا يقيموكم احسن وديرو اعتبار لباباك اما اذا كانو تراجعو هكا يقولوها لباباك
اطلبي من الوالد الاتصال بهم بحجة معرفة اين وصلوا في تجهيز الأمور …
و اذا كانت عندك اسئلة تريدين طرحها على الخاطب فما عليكم إلا دعوته الى بيتكم ..
فقد تكون عادات عائلته أنهم لا يتصلون بدون سبب ..
و إذا عرف السبب بطل العجب
اعتقد ان الاب والاعمام يعني كبار العائلة هم الذين يجبو ان يتدخلو لحل المسالة
نقولك على خالي
منهار اللي راح و شافها و قال Ok راهي عاجبتني مازادش هدر معاها و لا العايلة غيييييير لضروري برك
حتى لنهار العرس
ممكن هذي العايلة كيمن عايلة خوالي و ممكن لالا
قولي للكبار يدخلو و يشوفو واش كاين
ربي يوفق
انا انصحك ان لا تقلقي فقط أرسلي أبوك يتكلم مع أب الخطيب ويستفسر وانا بالنسبه لي انه شيء عادي فقط لو ان الآباء يتلقيان و يتحدثان في بعض الأمرو
لكن صديقيني انا فهمت ان هذا الشاب خجول فقط .
|
المشاركة الأصلية كتبت بواسطة z.abdo
 انا انصحك ان لا تقلقي فقط أرسلي أبوك يتكلم مع أب الخطيب ويستفسر وانا بالنسبه لي انه شيء عادي فقط لو ان الآباء يتلقيان و يتحدثان في بعض الأمرو
لكن صديقيني انا فهمت ان هذا الشاب خجول فقط . |
لا اعتقد هدا السبب و يلا عيط و هدر معايا باش نتفاهموا مانيش رايحة ناكله
|
المشاركة الأصلية كتبت بواسطة جسور المحبة
انا في نظري تعيطلهم يماك ولا باباك خير ويسال عليهم ويقول لهم وين راكم واصلين وش درتو فيها بش هكا يقيموكم احسن وديرو اعتبار لباباك اما اذا كانو تراجعو هكا يقولوها لباباك
|
بابا ما حبش يتصل قال لمام خليها هي تتصل باخته و تقولهم دراهمكم راهم واجدين
قالها كون يقولوا واش السبب انا ما نقدرش نقولهم علاش ما جبتوش العيد لبنتي هو مش مقتنع
مادام شريتيو الجهاز يعني تفاهمتو على العرس؟
انا وحدة نعرفها صراتلها كيما نتي عقبت ست شهور و هوما ما بانوش
حتان هدر معاه خالها قالو وين راك هذا ؟ ما جي ما طل على المرا تاعك ما والو؟
جابولها كسع السهم و ولى ساعة على ساعة يروح يشوفها في دارهم
أنا نقول يهدر معاه واحد من لافامي تاعك و الا امك تهدر مع أختو تدير السبة بكشما حاجة و تفهم منها
ماكانش حل واحد آخر
ربي يسهلك
|
المشاركة الأصلية كتبت بواسطة ناشدة السؤدد
مادام شريتيو الجهاز يعني تفاهمتو على العرس؟
انا وحدة نعرفها صراتلها كيما نتي عقبت ست شهور و هوما ما بانوش حتان هدر معاه خالها قالو وين راك هذا ؟ ما جي ما طل على المرا تاعك ما والو؟ جابولها كسع السهم و ولى ساعة على ساعة يروح يشوفها في دارهم أنا نقول يهدر معاه واحد من لافامي تاعك و الا امك تهدر مع أختو تدير السبة بكشما حاجة و تفهم منها ماكانش حل واحد آخر ربي يسهلك |
ماما ما حبتش تتصل قاتلي اهدري انتي مع اختوا
و قوليلها دراهم الشرط نتاعكم راهم واجدين
|
المشاركة الأصلية كتبت بواسطة nouna-12
لا اعتقد هدا السبب و يلا عيط و هدر معايا باش نتفاهموا مانيش رايحة ناكله
|
والله غير عندك الحق و هذا كيفاه 9 اشهر ما اعيط ما احوس واش هذا البرود …القطب الشمالي المتجمد هذا….انا والله راني حاسن عونك وديجا راكي اصبرتي ….محامية المستقبل كامل يصرالها هاك والله غير عيب عليهم …بصح المتهم بريء حتى تثبت ادانته ….وهنا ما عندكش قرينة اثبات ملموسة …لانه مدام ما واجهتيش المشكل واتكلمتي معاه او مع واحد من اهله …وعرفت واش كاين ..ما تقدري اديري والو يا زميلة المستقبل …..حاولي تتصلي بيه ..واذا اثبت التقصير والاهمال من عندو …عندك الحق بالمطالبة بالتعويض عن الضرر المعنوي برفع دعوى قضائية …وعموما انت ابذلي ما بوسعك وربي اوفقك لانه المحامي في الاول والاخير ملزم ببذل عناية وليس تحقيق نتيجة.سلام عليكم.
|
المشاركة الأصلية كتبت بواسطة sarl02
والله غير عندك الحق و هذا كيفاه 9 اشهر ما اعيط ما احوس واش هذا البرود …القطب الشمالي المتجمد هذا….انا والله راني حاسن عونك وديجا راكي اصبرتي ….محامية المستقبل كامل يصرالها هاك والله غير عيب عليهم …بصح المتهم بريء حتى تثبت ادانته ….وهنا ما عندكش قرينة اثبات ملموسة …لانه مدام ما واجهتيش المشكل واتكلمتي معاه او مع واحد من اهله …وعرفت واش كاين ..ما تقدري اديري والو يا زميلة المستقبل …..حاولي تتصلي بيه ..واذا اثبت التقصير والاهمال من عندو …عندك الحق بالمطالبة بالتعويض عن الضرر المعنوي برفع دعوى قضائية …وعموما انت ابذلي ما بوسعك وربي اوفقك لانه المحامي في الاول والاخير ملزم ببذل عناية وليس تحقيق نتيجة.سلام عليكم.
|
بارك الله فيك اخيك
انا لا اطالب لا بتعويض لا غير
دلراهمه اللي عندي و نرجعهم
السلام عليكم
حكايتك والله اثرت فيا وراني حاسة بيك وخصوصا انه جات مناسبات كيما رمضان والعيد الصغير والعيد الكبير
حتى ولوكان هو جاء من النوع اللي يحشم بصح اخته وامه المفروض يعيطولك ولا حتى يجوكم للدار ويجيبولك حقك تاع القاطو وحقك تاع العيد هذا هو العرف لكن انا ننصحك لازم تعرفي السبب انتي الحل الوحيد انك تكوني صريحة توكلي على الله وعيطي لاخته وقوليلها عيدك مبروك باش تفيقيها بلي راه العيد فات وماسمعتيهاش منهم وتربحيهم وسقسيها اذا كملو الجهاز ولا لا واكيد رح تعرفي وتفهمي من نبرة صوتها السبب وكوني صريحة الى اقصى درجة لازم تعرفي انه هذا مستقبلك وهذي العائلة رح تكوني واحدة منهم عن قريب
وقبل ما تعيطي قولي اللهم اشرح لي صدري ويسر لي امري واحلل عقدة من لساني يفقه قولي
وشوفي ربي كيفاش رح يفك لسانك وتقدري تحكي ورجعيلنا لخبر وان شاء الله مايكون غير الخير
|
المشاركة الأصلية كتبت بواسطة wahoub
السلام عليكم
حكايتك والله اثرت فيا وراني حاسة بيك وخصوصا انه جات مناسبات كيما رمضان والعيد الصغير والعيد الكبير حتى ولوكان هو جاء من النوع اللي يحشم بصح اخته وامه المفروض يعيطولك ولا حتى يجوكم للدار ويجيبولك حقك تاع القاطو وحقك تاع العيد هذا هو العرف لكن انا ننصحك لازم تعرفي السبب انتي الحل الوحيد انك تكوني صريحة توكلي على الله وعيطي لاخته وقوليلها عيدك مبروك باش تفيقيها بلي راه العيد فات وماسمعتيهاش منهم وتربحيهم وسقسيها اذا كملو الجهاز ولا لا واكيد رح تعرفي وتفهمي من نبرة صوتها السبب وكوني صريحة الى اقصى درجة لازم تعرفي انه هذا مستقبلك وهذي العائلة رح تكوني واحدة منهم عن قريب وقبل ما تعيطي قولي اللهم اشرح لي صدري ويسر لي امري واحلل عقدة من لساني يفقه قولي وشوفي ربي كيفاش رح يفك لسانك وتقدري تحكي ورجعيلنا لخبر وان شاء الله مايكون غير الخير |
مشكورة اختي و ربي يجازيك
انا ان شاء الله نعيط لاخته
لكن ما نسقسيها لا علي جهاز لا والوا
راه طاح من قلبي و ما نيش حابة نكمل معاه
الناس اللي ما قيموني و قدروني في دار بابا
كي نروح عندهم كي يديرولي
نقولها دراهم الشرط نتاعكم راهم واجدين و خلاص
اختى الحبيبة انا انصحك بعدم الاستعجال والتريث
حاولى تتصلى باخته واطلبى منها ان يتصل بكى خطيبك لمناقشة امر مهم بعد طلب الاذن من اهلك طبعا
اعتقد ان هذا حقك يعنى لمناقشة بعض الامور المهمة ممكن وقتها تهدرى معاه وتستفسرى منه على الاقل لتتاكدى انه فعلا موافق على الخطبة لان هناك حالات الاسرة يجبرون ابنهم على الزواج وهو يخطب فقط لارضاءهم وسمعت بحالات كثييرة
تريثى اختى فقط اعطيه فرصة للتكلم فبل ان تتخذى قرارك كلميه ممبعد شوفى
ربى يوفقك وينور بصيرتك ويرزقك بكل خير
