رمضان كريم بنات
تعيشو لبنات انصحونيي
انا خطيبي يحب الروز كثيرا لذلك قررت اني نتعلم طبخات منوعة بالارز لكن للاسف دايما الروز كي نطيبو يجيني معجن و يتلصق ما يجينيش كل حبة وحدها
تعيشو قولولي طريقة تحضيرة اسكو نفورو ولا نطيبو في الما شكون خير
و اذا ممكن تعطوني وصفات بالارز
مشكوورة اختي
العفو ربي يهنيك ان شاء الله
السلام عليكم اختي صح فطورك
الرز انواع لكن احسنها المفور كيما تاع لابال او ارقي انواع الرز هو الرز البسمتي
بالنسبة لطبخ البسمتي 1كاس رز يطيب ب2كاس ماء اما اذا نقعنا الرز فى الماء فكل 1 كاس رزيطيب ب1كاس ماء كي نمرق ويبدا المرق يغلي نضيف الرز البسمتي ونغطيه ونقص النار للاخر ونخليه حتى يتشرب كامل الرق واذا حبيتي تخلطيه كي يكون يطيب خلطي بشوكة وليس بملعقة باش ما يتعجنش
اما الرز المفور يطيب عادي وبصح ما تكتريش بزاف الماء باش يطيب مليح
واذا خفتي الرز يتعجنلك ديري شويا زبدة ولا زيت وحمصي الرز على نار قليلة باش تسخن حبة الرز وتتغلف جيدا بالدهون وما يتعجنش
ان شاء الله نكون افدتك قليلا وربي يهنيك
صح فطووووووووووووركم
مشكوورة اختي جزاك الله خير
سلام لما تغلي الروز ضيفيله ملعقة زيت و حركيه قبل ما يغلي على نار متوسطة
ربي يسعدك
