اولا كيف حالك اتمني ان تكوني بالف عافية يارب من فضلك اريد كيفية اذابة الشكولا البيضاء و فيما يخص قلب اللوز كي نخليها تبات ماعرفتش قداه نرشها بماء الزهر اريد المقدار بالضبط و هل مغرفة صغيرة تاع زيت تكفي ام انها بزاف لاني نحوس نديرها كيما نتاعك انني انتطرك
اهلا اختي
انا بخير والحمد لله شكرا على السؤال
بالنسبة للشكولا البضاء ابرشيها وحطيها في صحن عميق فوق طاوة فيها ماء على نار هادية يعني حماما مائي حتى تدوب نهائيا بلا ما تحركيها
لما تذوب اضيفي لها شوية زيت + صبغة بيضاء نتاع الميزان وحطيها في الروبو حتى تولي متجانسة تماما واستعمليها
بالنسبة لقلب اللوز
2 كيلة دشيشة اي سميد خشن + كيلة سكر + نصف كيلة ماء زهر او حليب او اقل شوية حسب نوعية السميد + ربع كيلة زيت
خلطي الدشيشة مع السكر ثم الزيت وحكي جيدا بالايدي ثم ابداي رشي بالماء شوية شوية مع الخلط بالاصابع حتى يولي الخليط ثقيل وليس مبلل حطيه في كيس ليلة كاملة
وفي الغد عينك ميزانك اذا لقيتيه شاح شوية زيدي رشيه بماء زهر + ملعقة صغيرة خميرة القاطو + ملعقة كبيرة فاني بودر حطيه في بلا وطيبيه والسر في الشاربات لازم تكون مايهة كيلة سكر ب زوج كيلات ماء وفي الاخير زيدي ماء زهر
