اتمني ان تكونو بخير
ها انا وفيت بوعدي وجبت لكم مقادير وصفة القطايف بالمكسرات
هده ممكن تكون طريقة جديدة وجميلة جمال الشكل الي نحصلو عليه في الاخير
قصدي مش كما تاع الصينية
المقادير
القطايف سورية 500غ تباع (100دج)
مقدار سمن + مارغرين باش نسقوه
الحشو
3كيلات (لوز+جوز ) يعني 2 لوز و 1 جوز
كيلة سكر عادي
مغرف كبيرة فاني
ماء الزهر
(عسل+ ماء الزهر ) باش نسقوه لما تطيب
طريقة التحضير
اولا لازم نشري القوالب مثل هادي
تباع 30 دج للحبة الواحدة
نأتي الان بالقطايف او اللمش مثل مايسمي في بعض المناطق
نقوم بقطعها طوليا حوالي 10 او 12 سم (مثل الشعر)
نضع كمية في الوسط من الحشو ونغلق جيدا
ونضعها مباشرة في القالب ونضغط شوي
وبعدها نسقيها بملعقة سمن
ونحطوها تطيب بعد مانكونو سخنا الفرن جيدا
لما نلقاها بدات تتحمر نحوها وهي سخونا نسقيها بخليط العسل+ ماء الزهر ساخن حوالي ملعقة كبيرة
ونتركها في قوالبها حتي تبرد ثم نقلبها علي وجهها
لشرح اكثر لطريقة التحضير زورو هاد الموضوع
لانو الطريقة تشتبه
https://www.djelfa.info/vb/showthread.php?t=763032
ونزينها بالفستق كما في الصورة
ادا فيه ملاحظات خبروني
يااختي ربي يعطيك ماتتمناي راني غير كي شفتها في عرس ومتت عليها لخاطر نعرفها بلا لمول وماتجيش متحوفة ومسوية كما هاك
قوليلي اختي 500غ شحال تجي من حبة
وطيب غير من التحت
وشحال من وقت وربي اهنيك روووووووووووووووووعة كنت متشوقة وقتاش تحطيلنا الوصفة وفي انتظار المزيد
هااايلة حنونة و تشهي و مشكورة على الشرح الوافي
لكن وضجي الخطوات اكتر
لانو انا اعتقدت في الاول انك نسيتي تذكري الحشو
الف الف شكر
اسعدني مروركما حبوبات
بالنسبة للطياب قلت الفرن يكون 180درجة سخون بزاااااااااااااااف
ولهدا غير نحطوهم يطيبو بالخف وفي بعض الاحيان جيبي مغرف وقلبيهم شوفي ادا طابو وتحمرو ورديهم
شوفي علي حساب نوعية القطايف كما انا تخسرلي بزاف رغم اني نحطها في الفريزر ونجبدها قبل ساعات كثيرة
علي كل انا تجيني حوالي 30 الي 35 حبة
وتولهي مليح غير تغطيهم باش مايخرج الحشو
حقيقة presentable
وانا خدمتهم لخطبة اختي دهشو فيهم
يعطيك الف الف صحة حنونتي على هذا الاتقان
هما ساهلين ونقدر نخدم 200 حبة في اليوم فقط المشكل
في القوالب غالييييييين بزاف يعني نتعطلو غير نخدموهم
شكراااااااااااااااااااا جعلها الله في ميزان حسناتك
ممكن اختي قداش تقعد فالفرن فالمتوسط
يعطيك صحة على الوصفات ربي يجعلهم في ميزان حسناتك
الله يسلمك اختي
من 20 حتي 30 دقيقة
حسب نوع الفرن تاعك
لكن لازم يكون سخون مليح
اختي بارك الله فيك
كي نحطي الحشو تلوي بالطول ولا العرض
اكيد بالطول تقطيعهم مثل شرائط وتلوي حتي يتغطي كل شئ
يعطيك الصحة على الوصفة و النصائح
نسيتي بعض التفاصيل على ما أظن : كيفية و طريقة وضعها مع الحشوة في المول
جعلها الله في ميزان حسناتك
المارغرين راكي ما ستعملتيهاش
خرجولك هايلين متحوفين ومتقونين يعطيك الصحة
