السلام عليكم ورحمة الله وبركاته
اليوم حبيت ننزللكم درس قد يبدو للكثيرات عادي وموالفينوا لكن للبعض يشكل لهم مشكلة كبيرة
هي تارت محشية ومغطاة بالشونتيي
لكن الاهم هو طريقة تحضير التارت اي الكعكة نفسها
الكثيرات يعانين من هبوط الكيكة بعد الطياب او انها تطيب معوجة جهة طالعة والاخرى نازالة
حبيت نفيدكم بطريقتي باه تتحصلو على احلى كيكة خفيفة وناجحة ومستوية
بلامانطول نبداو المقادير
بسيطة وموجودة في كل بيت
6 بيضات
كاس سكر عادي
كاس فرينة
1 خميرة حلوى
فقط
للحشو استعملت فراز وبنان هما الافضل
وسيرو نشربو بيه التارت
كمية من كريمة الشونتيي
اولا نبدى بخفق ال6 بيضات كاملين مع كاس سكر عادي لكن على حمام مائي لاااازم حمام مائي
لانو في هد المرحلة يكون البروتين الموجود في البيض تماسك مليح ومن بعد عند اضافة المواد االجافة ومهما قلبنا المزيج مايهبطش ابدا
شرط الصحن اللي يكون على الحمام المائي واللي نضرب فيه البيض مالازمش يلامس الماء اللي يغلي يعني نخفق المزيج على البخار فقط الناتج من غليان الماء
لما نلاحظ ان المزيج اصبح كثيف ومائل للبياض نبعد من على النار ونستمر في الحفق حتى يبرد شوية المزيج
نضيف كاس الفرينة مغربل ومعاه 1 خميرة و نخلط من فوق لتحت بلا مانخاف ان المزيج يهبط
ندهن مول قطره 23 سم ونرشه بفرينة
ونحط و يطيب حتى ينشف تماما من 20 الى 30 د كل وحدة والفرن تاعها على 180د
نخليه يبرد مليح ونقسم الكيك الى 2 ونشربهم مليح بالسيرو
نكونو على جنب قطعنا حبات فراز ومعاهم حبة بنان وشوية سكر ونخلطهم مليح ونحطهم في الفريجيدار اقل شيئ نصف ساعة باه يطلقو هداك العصير
لهد الكمية استعملت 2 مغرف كبار سكر
نخط كل الكمية ونرجع الكيكة فوقها ونغطيها بطبقة شونتيي والتزيين كل وحدة وش عندها
ولاتنسوني من صالح الدعاء
wonderful……..
روعة روعة يا استاذة الله يجزيك كل خير على هذا المجهود الرائع
جزيتي الفردوس الأعلى
يعطيك الصحة أختي أم كوثر
بارك الله فيك اختي ام كوثر
يعطيك الصحة
ربي يبارك عليك.خليتينا دايما متشوقين للدروسك المتالقة بتالقك.
ما شاء الله يعطيك الصحة اختك ام بسمة
يعطيك ربي صحتك اليوم راح نعمل طورطة لابني راح نعمل طريقتك
انا سؤالي فقط على الكراميل الموجود على الطورطة هل هو مشري ام يحضر في البيت
بارك الله فيكم اخواتي وشكرا لتشجيعكم
الكرامال اللي فوق التارت مشري وتقدري تحضريه في البيت
كاس سكر مع نصف كاس ماء على النار حتى الحصول على لون دهبي بامكانك تقليل الكمية
الله يبارك تشهي يعطيك الصحة وبارك الله فيك على الشرح المميز
الله يعطيك الصحة مبدعة مبدعة مممممممممممممممممممممممممبدعة
جعلها الله في ميزان حسناتك
التارت هايلة تليق بالضيوف
يعطيك الصحة على النصائح القيمة هذا اللي يفيدنا
في انتظار نصائح اخرى الله يبارك فيك
بارك الله فيك شرحك دايما ممتاز وشامل
في انتظار الدرس الجاي ربي يعاونك
وصفاتك كلها رائعة
جزاك الله خيرا
