الجزائري و ثقافة النظافة 2024.

اليوم باغية نهدر معاكم في موضوع النظافة و ثقافة النظافة عند الجزائري.مع كل احتراماتي للشعب الجزايري و الي انا وحدا منهم مي ثقافة النظافة عندنا منعدمة .نتمشاو و ناكلو و نرمو نرمو وين جات في الطرقان وين مانكونو مريحين في النقل تقول مكانش وين نرمو .كل واحد يهدر واش شاف واش ماشافش لانو الصح كاين حالات تقول كون جينا عميين خير .الكلمة لكم و الدار داركم

عندنا جارنا فاز في مسابقة البلدة في افضل مساهم للنظافة دائما يرفع المكنسة واي مكان في الشارع يكنسه وينظفه ………..ومرات يستعين بعمال ويدفع لهم المال لتنظيف شارع ليس بشارعه اصلا …………….اما البقية لي ينظفها في ايام يرجعوها كما كانت في ساعة والله المستعان

السلام عليكم
صح اغلبية يهدروا على نظافة و انهم يحبوا نظافة بصح هذا في دارهم برك اما برى غير تخطي راسهم برك
انا واحدة من ناس و انطلاقا بلي واحد لازم يبدى من عندوا الحمد الله من نهار عرفت صلاحي ما نطيشتش حتى حجا في بلاصة خاطيا بلاصتها حتى تيكيات تاع بيس نلمهم في ساك و لا اي حجا نكلها بري لونبلاج تاعها نحطو في الساك كي نروح لدار ساكي يبان زبالة حتى خواتاتي باش يعرفوا واش كليت و لا وين رحت كي نفرز ساكي يقعدوا قدامي يقرعجوا من لحوايج لي نخرجهم من ساك يعرفوا كلش بلا مانهدر اي كلمة
بصح تعرفي دنيا مزالها بخير عندي يومين برك من سمعت بحملة تنظيف داروها لولاد تاع واحد حي من عندهم بلا مايقلهم حتى واحد
ربي يهدينا و يثبت علينا العقل و الدين
دمتم في رعاية الله و حفظه

السلام عليكم وي اختي وسيلة والله ثقافة النضافة في الجزائر معدومة تاع الصح

ربي يهدي نحاول نربو روحنا ومبعد الغير

شكرا على الموضوع ختيتو وتقيم خليه للمبعد

فكرتوني مرة خرجنا من المركب الرياضي فنزل المطر بغزارة فجريت انا واصدقائي و2 نت اصدقائي لعبوها اذكياء صبت عليهم امرأة شكارة تاع زبل حاشاكم من الطابق الخامس هههه……………هربو من المطر تاع ربي طاح عليهم النفايات تاع العبد هههه

والله المستعان …………..حاشاكم الزبل يطيشوه من الفوق ؟؟؟؟

اقتباس:

المشاركة الأصلية كتبت بواسطة الواثق فكرتوني مرة خرجنا من المركب الرياضي فنزل المطر بغزارة فجريت انا واصدقائي و2 نت اصدقائي لعبوها اذكياء صبت عليهم امرأة شكارة تاع زبل حاشاكم من الطابق الخامس هههه……………هربو من المطر تاع ربي طاح عليهم النفايات تاع العبد هههه والله المستعان …………..حاشاكم الزبل يطيشوه من الفوق ؟؟؟؟

يععععععععععع مقرف ربي يهديهم

ثقافة النظافة ما عندناش للاسف الشديد والسبب اولا فينا كشعب و ثانيا السبب في المسؤولين … لاني انا كفرد نكون ناكل ولا نشرب برا اي حاجة ما نلقاش وين نرمي هذاك الساشي ولا هاديك القرعة وبالتالي نرميها فالارض … و هنا على البلدية على الاقل دير سلل مهملات فالشارع الواحد يرمي فيها ولكن رغم ذلك كاين بعض الناس زكارة يرمي فالارض حتى لو تكون السلة حداه …
ذكرتيني بوحد الاستاذ كان يقريني فالثانوي .. . كان يهدرلنا على النظافة فالقسم .. قاللنا لازم نتوما تاني تعاونو الكونسييرجات و ما توسخوش اللرض راكم كبار..و..و..و..و..
كان يكمي سيجارة كي كملها رماها فالارض وعفس عليها و خرج هههههه
هنا تعرفي بلي المستوى الثقافي ولا التعليمي لا يدل بالضرورة على ان الشخص عندو ثقافة النظافة لانو هاذ الثقافة تكبر مع الشخص و تبدا مالوالدين هوما لي يعلمو ابنائهم ذلك …

اقتباس:

المشاركة الأصلية كتبت بواسطة الواثق عندنا جارنا فاز في مسابقة البلدة في افضل مساهم للنظافة دائما يرفع المكنسة واي مكان في الشارع يكنسه وينظفه ………..ومرات يستعين بعمال ويدفع لهم المال لتنظيف شارع ليس بشارعه اصلا …………….اما البقية لي ينظفها في ايام يرجعوها كما كانت في ساعة والله المستعان

والله هذا جاركم الا هايل كون جينا كامل كيما هو الجزاير راح تدي الميدالية الذهبية العالمية للنظافة

سلام عليكم بارك الله فيك على الموضوع والله هدا موضوع حساس بزاف كل الجزائرين رانى نعنيوا منوا انا واحد من الناس خطرى فى الطريق السيرى شرق غرب كنت رايح لتمسان واحد ارمى من نافدة السيارة قرعى نتع الماء قريب اقتلنى قريب اتقلببت بى السيارة

اولا شكرا على حسن اختيار فكرة الموضوع
هو بالفعل طرح جديد في منتدى لا جديد فيه

ــــ بالنسبة لثقافة النظافة هي منعدمة لدى الاغلبية و ليس الكل
انا عن نفسي اخجل من نفسي عندما اكون بصدد رمي شيء ما
على الارض او في الشارع حتى و ان كنت وحدي و هذا السلوك
انا مفطور عليه ( من عند ربي و الحمد لله ) و هو نقطة اختلاف
تجعلني مختلف و متميز عنكم
اما الناس التي ترمي الاوساخ في الشارع و يساهمون في تلويث المحيط
فهم بدون اخلاق و خلقو على عدم التربية اصلا منهم من يفعلها عن غير قصد
و منهم من يتعمد ذلك تعويضا للنقص الذي يحس به وسط المجتمع

ــــــــــــــــــــــــــــــــــــــــ سأعود لأكمل مناقشة الظاهرة

اقتباس:

المشاركة الأصلية كتبت بواسطة سعاذ السلام عليكم صح اغلبية يهدروا على نظافة و انهم يحبوا نظافة بصح هذا في دارهم برك اما برى غير تخطي راسهم برك انا واحدة من ناس و انطلاقا بلي واحد لازم يبدى من عندوا الحمد الله من نهار عرفت صلاحي ما نطيشتش حتى حجا في بلاصة خاطيا بلاصتها حتى تيكيات تاع بيس نلمهم في ساك و لا اي حجا نكلها بري لونبلاج تاعها نحطو في الساك كي نروح لدار ساكي يبان زبالة حتى خواتاتي باش يعرفوا واش كليت و لا وين رحت كي نفرز ساكي يقعدوا قدامي يقرعجوا من لحوايج لي نخرجهم من ساك يعرفوا كلش بلا مانهدر اي كلمة بصح تعرفي دنيا مزالها بخير عندي يومين برك من سمعت بحملة تنظيف داروها لولاد تاع واحد حي من عندهم بلا مايقلهم حتى واحد ربي يهدينا و يثبت علينا العقل و الدين دمتم في رعاية الله و حفظه

واش راكي سعاد ان شاء الله بخير.ربي يبارك فيك و يقوي من امثالك امالا تشري حاجة و ماتجيبيلهمش راهي طفرت فيك ههههه.والله اذا تلقايي واحد ينظف تلقاي عشرة يوسخو و منبعد يقلك وعلاه قوا الوسخ في الطرقان .اللهم امين

اقتباس:

المشاركة الأصلية كتبت بواسطة sousou. Dz السلام عليكم وي اختي وسيلة والله ثقافة النضافة في الجزائر معدومة تاع الصح ربي يهدي نحاول نربو روحنا ومبعد الغير شكرا على الموضوع ختيتو وتقيم خليه للمبعد

وعليكم السلام الواحد يبدا بروحو و اذا كل واحد دار الي عليه الحال راح يتصلح.راني نستنى في التقييم مع انو المرة الي فاتت مامديتيليش بزاف ههههه