يا جماعة الخير ارجو ان تفيدوني ارجوكم
انا شاب عمري 17 سنة مجتهد في دراستي و الحمد لله
مند 8 اشهر و انا اعاني من مشكلة الارق بدات من يوم كان عندي اختبار في اليوم الموالي انا مضنيتش كنت مستريسي بصح كنت مريض شوية وشربت وحد الدوا تع قريب شكيت فيه دارلي انسومني
امالا مرقدتش كامل و مع دالك رحت ندر ر الاختبار عادي كنت فشلان لكن الحمد لله وفقني ربي
المشكل انه ولالي هاجسسس وليت كل ما يجيو اختبارات منرقدش بمجرد اني نفكر في احتمالية عدم النوم منرقدش و ضركا رانا في عطلة هاكاك و مارانيش نرقد مليح
و لله غير كرهت حياتي يا ناس توحشت الايام لي كنت فيها غير نحط راسي نرقد حتى الصباح ولله غير كرهت حياتي
وزيد العام الجاي عندي الباك امتحان مصيري خايف لقدر الله منرقدش و منخدمش يا ناس عاونوني
ولله غير بكري كنت نرقد كطفل رضيع معرفتش وش صرالي
منيش حاب نشرب كاشيات الرقاد خاطر منبعد نتعود عليهم و منوليش نرقد بلا بيهم و يوجعو الراس
امي قالتلي فترة و تعقب بصح مني مقتنع وراني خايف بزاف
عاونوني اان شاء لله يجازيكم جنات عرضها السموات و الأرض
انا تاني جاتني هدي الحالة مي ماطولتش و راحت و حدها،ماترقدش في النهار و كثر من الحركة و العمل ماهوش نهار كامل و انت قاعد دير سبور بويسك يساعد على التخلص من الارق و اقرا القرآن و دير رقية شرعية ولا بقيت هكدا لازم تشوف طبيب بالتوفيق.
عادي أخي أنا أختي الكبرى ما تعرفش وش معناها رقاد وجابت الباك تاعها وسجلت طب
شخصيا لي تجربة مع الموضوع ….. كوني من عشاق قهوة المساء ….بعد صلاة المغرب مباشرة ….أشرب كأس حليب ساخن ……….يجيك النوم ….حتى قبل صلاة العشاء …………………………أتمنى أن تستفيد من تجربتي
لكن لا تنسى ….انت أيضا لا تهول الأمور و تعطيها اكثر من حقها …..بسط الأمور …..و توكل على الله عز وجل
انا ثاني راني كيفك مانرقدرش لا ليل لا نهار
عادي فترة و تعقب
اخي مااللازمش دير في راسك بلي عندك مشكل في النوم و تقعد غير تمم فيه هدا رح يعييت و يتعبك نفسيا ز تكون النتيجة انك ما ترقدش كيماقلت
اكثر من الصلاة و الاستغفار و الدكر و رح تلقى راحت بالك
كاين بزاف الي يعانو من هدي المشكلة مي مع الوقت و تروح المهم انت ماتبقاش تعس غير في روحك
فترة و تمر ان شاء الله
وفقك الله في دراستك
سيزول بالتاكيد فور بداية الموسم الدراسي
ان شاء الله….
تجنب الاكثار من شرب القهوة والشاي والعصير والنوم نهارا….
موفق
اكثر سبب يجيب الارق هو انتضار النعاس والقلق من الارق يجب ان تنسى واشغل نفسك في فترت المساء بالرياضة وبعد العشاء اقرأ القرآن او كتب ولا تنتضر ان ياتيك النعاس
شوف خويا نعطيك حل بسيط انا جربته و راح يساعدك
زيت مرقي ادهن بيه مفاصل اليدين و الرجلين و تحت الراس جهة الرقبة من الوراء و باذن الله راح ترقد من دون اي مشكلة وهده نصيحة من راقي و انا طبقتها و تنحالي المشكل
حاول النوم قبل الساعة الـــ 00: 23
حاول أن لا تفكر في الغد و أنت تحاول النوم
السلام عليكم و رحمة الله و تعالى و بركاته
أخي الكريم الارق يصيبك بالقلق مع بعض الاضطرابات و هذا ناتج عن عدم وجود الراحة التي يحتاجها الجسم
انصحك بشراء 10mg Lysanxia
انا اول الناس اللي يعانو من هاد المشكلة
انا تصرالي كل يوم و خطراتش ما نرقدش حتى للصباح
5 و لا 6 تع الصباح
donc شريت كتب على تطوير الذات و التنمية البشرية و صوال اللي انا راني intéressée بيهم
و نستمتع كي نقراهم
و كي نبغي نرقد نقراهم حتى نعيا و يجيني النعاس و نقرا الاذكار و نشهد و نرقد
هاد الطريقة نفعتني بزااااااااااااااف
و حاول ما تتفرجش tv و لا تقعد قدام pc كي تبغي ترقد
و ظلم الغرفة عندك باش يستوعب عقلك بلي راك في الليل و الليل هو وقت الرقاد
و راني كتبت موضوع من قبل على هاد المشكلة
ها هو
https://www.djelfa.info/vb/showthread.php?t=1331895
اتمنى نكون افدتك
و الله يعاونك
كاس حليب دافئ محلى بالعسل قبل صلاة العشاء و ينتهي المشكل باذن الله
ربي معاك ان شاء الله
