ربي يحفظكم خواتاتي ساعدوني فالجدول تاع هذا لي مودال المعينات هدوك والكوفرولي المخطط تاع الغرز تاعهم . هذوك المعينات بانولي مجرد بليساج برك مي مافهمتش كفاش وماعييت نحوس في دورات السموكس في كامل الصفحات والله حتى دخت وماصبت والو. املي انو نلقى لي تفيدني فيكم خواتاتي وربي يجازيكم كل خير راه قماشي واجد وحابة نبدا مدامني هذو يومين قاعدة شكرا ليكم وربي يعطي كل واحدة فيكم بكل حرف حسنة.. سلاااااام
[IMG]
[/IMG]
[IMG]
[/IMG]
[IMG]
[/IMG]
وينكم بنات ساعدوني بليييييييييييييييييييييز
31 شافوا طلبي زعما كامل هذو 31 مفيهمش واحدة عندها فكرة ولو بسيطة . مزال أملي كبير انو نلقى لي يرد عليا علاخاطر مش موالفين بخلاء . راني نستنى وانا على نار
راهم شابين
بصح الله غالب ما نفهمش فيهم
ان شاء الله تلقي الي يساعدك
السلام عليكم
اطلعي على هذا الرابط فيه الكثير من الاعمال
انا ثاني نحوس على الغرزة والحساب تع الكوفرولي يهبل
هذا لي لقيتلك عندي في حوايجي ظك نزيد نحوسلك على الباقي لا عندي راني نحطلك
تحياتي
و هاذي المخطط تاع المخدة أختي …أنا عمري مدرت السموك مبتدئة برك لذلك لا مفهمتيش نجرب نفهمك او الأخت فيفي تفهمك ….
تحياتي
و الأخير هاذا المخطط تاعو لكن منكذبش عليك في القياسات
تحياتي
يكثر خيركم وربي يحفظكم. شكرا ليك زهرة الله يجعل ايامك كلها زهور ان شاء الله مي والله مافهمت حاجة رغم انو موالفة نفهمها طايرة ههههههه… بصح اختي انا لقيت مخطط اخر وجربت بيه ومانحكيلكش قداش تبهدلت معاه ماتضحكيش عليا قلبت الخدمة بعد ما تعبت فالخدمة ورسمت كل القماش لي عندي طلعت الخدمة مقلوبة. لكن مبدئيا بانتلي بلي الفكرة هي هي وكي نعاودها وتصلحلي راني نحمل الطريقة. شكرا ليييييييك تحياتي
وهذاك الكوفرولي بانلي بغرزة الضفيرة موسعة وكبيرة . زعما مكانش كامل واحدة عندها فكرة عليه تتبرع لنا بكلمات رفم انو الخبيرات فالسموكس بزااااف ولا غي في زهري . درك نهجر المنتدى ):
