السلام عليكم
اليوم فوتنا اختبار في الرياضيات وانا اجتهدت عام كامل والله قريب وليت مجنون وجاءت اسئلة في المتناول حاليتها كامل وراجعت اجابتب وتاكدت منها ولما جيت ندفع الورقة تفاجات بالاستاذة الحارسة تقول لي غير نظم وحسن خطك علي خاطر كون تجاوب كيما هاكا في الباك ورقتك لن تصحح لان خطك سي جدا مع العلم ان خطي سي وانا في الامتحان حاولت التنظيم والتحسين قدر المستطاعراه طيحتلي المورال وانا كيفاش ندير راح الباك راح
انا كذلك كان عندي خط سيئ
لكن عند المراجعة بدات احسن خطي تدريجيا
حاول كي تكون تراجع اكتب ونظم وحسن خطك
مع ليامات تلقاه باذن الله تحسن
tafaalou khayraa tajidouh
wlh mmm ana khat domage w surtou les langue gali oustad khat ta3ek li yedik
mai ana rani nsiyi bech nwadehh elketba ma3lich ida mechi mliha lmouhim mafhouma
n chlh rabi mayjib ghir les fih elkhi
wahed l3am li fat jawezz lbac w menjahch w houwa ya9ra mlih surtou les matieres sc
3olom bark dar fiha 12 war9a wda fiha 6/20
ya3na lmoral mechi ghir hbatlou bark
ana hkitlek 3lih bech tdir la volente wmetensa 28 jour ya3ni ki t3ood thal fi tamarin w ela des sujets tdir elkhat fi balek hakda brabi nchlh
ida rabi hablek tenjahh mechi licritur li tnehilek l bac
aya mli7a machi ghir ana mana3rafch naktab kaynin li kifi ma3raaf kifach ray7in ydroulna fa al bac
rabi yaster wakhlas
السلام عليكم…………..
أخي الكريم مهما كان خطكـ فلن يكون قطعة مستقيمة حتى لا تستطيع الأستاذة تمييزه!!
نصيحة ما تديرش عليها قاااع
خطـ أخي غير واضح وسيء وظرك راهو يقرا ميدسين وقريب يتخرج نورماال…
وعندي وحدة صحبتي تقراااا ملييييييييح وخطها مليح ماجابتش الباكـ!!
ونتا أحكم…
ولوكان جيت منكـ……تاع زكارة نجي اللولة ونجيب الامتياز!!
وتدرب على النظام والخط…المهم يكون واضح مش شرط مزخرف كيما راهم يقولو…
مازال شهر كامل…
بالتوفيق
اخي ممكن تبعتلي موضوعكم في الرياضيات …
هو صح الخط يتعّب المصحح كي يولي مش زين
بصّح لازم يصحح الورقة بلا جدّو ..
متتقلقش عادي جدا وحاول تحسّن من خطك في هاذو 28 يوم =)
انا ايضا خطي سيء واجيب صحيح لكن بفوضى
يوم البكالوريا اكتب بخط واضح ومفهوم وسطر تحت العناصر المهمة واكتب في مساحة واسعة يعني ماتحصرش الكتيبة
وبالتوفيق
وعليكم السلام ورحمة الله
يا خويا ما راح الباك ما والو، ماشي معناتها كي قاتلك هذي الأستاذة ورقتك لن تصحح يعني ماتتصححش، لا من حق كل تلميذ أن تُصحح ورقته… ما تحطمش روحك وتخلي تعبك ومجهوداتك كامل يروحو في الباطل
نصيحتي إليك: حاول تكبير الخط في إمتحان البكالوريا و ما تدخلش الكتبة في بعضاها، ما تتقلقش أوراق الإجابة متوفرة.
| aya mli7a machi ghir ana mana3rafch naktab kaynin li kifi ma3raaf kifach ray7in ydroulna fa al bac rabi yaster wakhlas |
انا تاني
شكرا وبارك الله فيكم علي الردود المشجعة والله مع انوا خطي مفهوم لكن بقيت خايف لا تعبي يروح باطل ومانديش حقي
واش من خط لي مش مفهوم في الرياضيات ؟؟
+ ماديرش عليها كيفاش اساتذة تاوعك يفهموك عادي وولخرين لا ؟؟
ما تضيعش وقتك في الباك و نتا تسيي تسقم خطك حتى تلقاها صونات
