أين الخطأ يا ترى ؟؟ الغريبية 2024.

اختي ممكن تقوليلنا واش درتي فيها باش نساعدوك
و الفشل في شيء ما هو الا البداية للنجاح
و لازم الانسان يغلط باش يتعلم و ما يكررش نفس الغلط

بارك الله فيك اختي على الرد

أنا درتها بالكيلة كيلة زيت و كيلة سكر رطب و الفرينة و لا فاني

اختي لا تيأسي

ادخلي في هاذ الرابط و تبعي المراحل

بالتفصيل

و صدقيني دجي تذوب في الفم و لكن الشكل ديري كيما تحبي

https://www.djelfa.info/vb/showthread.php?t=866407

اقتباس:

المشاركة الأصلية كتبت بواسطة زهرة البيلسان البرية بارك الله فيك اختي على الرد أنا درتها بالكيلة كيلة زيت و كيلة سكر رطب و الفرينة و لا فاني

يا الغالية متقلقيش روحك و هذي تجربة و قاع نفوتو عليها
أنا جربت شحال من روسات و مصدقت حتى و حدة بصح روسات أم كوثر خرجتلي روعة
و نتي الغلطة تاعك فالكيلة تاع السكر لازم كي ديري كيلة زيت ولا زبدة ديري نصف الكيلة تاع السكر
لخطرش السكر هو اللي يبس الغريبية تاعك
و إذا صنعتي بالزبدة ضربيها مليح بالباتور مع السكر حتى تولي بوماد
و الفرينة ديري حتى تولي طرية ديري شكلي حبة قبل و طيبيها وحدها و شوفيها
إذا بقات شادة روحها كملي خدمتك و إذا تفلطحت ديري زيدي شوية فرينة
أنا هاكا درت
و الله ختي تبعي طريقتها ناجحة و تهبل
و هذا رابط الغريبية تاع أم كوثر
https://www.djelfa.info/vb/showthread.php?t=762144

كيل سكر مع 1/2 كيلة سكر عادي والفرينة ديري غير بشوية وشوفي معليش الغريبية اغلب البنات متنجحلهمش عاودي لازم المرة الجاية تورينا الصور

خلطي السكر مع الزيت مليح و من بعد ديري الفارينة بشوية و خلطي حتى تولي عجينة طرية و من بعد شكليها كيما تحبي

عادي كلنا عندنا تجارب فاشلة تعلمنا منها
عاودي ارحيها و ضيفي لها الكاكاو و قليل من العسل او اي شئ و اعيدي التشكيل و زينيها بالشكلاطة

اقتباس:

المشاركة الأصلية كتبت بواسطة remadna عادي كلنا عندنا تجارب فاشلة تعلمنا منها عاودي ارحيها و ضيفي لها الكاكاو و قليل من العسل او اي شئ و اعيدي التشكيل و زينيها بالشكلاطة

بارك الله فيك على هذي الفكرة الأروع
و تجي تهبل و قيلا نديرها بلعاني ة نيبسها و ندير الوصفة تاعك ههههههههه
مشكورة يا الغالية و ستناي مني تطبيقي تاع القاطو تاعك عجينة الشو اللي هي أول تجربة ليا معاها

اقتباس:

المشاركة الأصلية كتبت بواسطة my lamis بارك الله فيك على هذي الفكرة الأروع و تجي تهبل و قيلا نديرها بلعاني ة نيبسها و ندير الوصفة تاعك ههههههههه مشكورة يا الغالية و ستناي مني تطبيقي تاع القاطو تاعك عجينة الشو اللي هي أول تجربة ليا معاها

هههههه والله افكار رمادنا تخلينا نفكرو كيما قلتي

لا تياسي وجربي غريبية ام كوثر راهي مضمونة

nsa9silk mama wnraja3lk l5bar nchalah