أخي يشدد علي الرقابة 2024.

انا احب اخي كثرا عمره 22 سنة وانا 15 سنة لكنه يحب دائما ان يتطاول علي فهو يشتمني لاسباب تافهة و يتحكم فيا كثيرا لدرجة انه لا يدعني اخرج لوحدي او يراقبني حتى اني احب شخصا واخاف التكلم معه اخاف ان يراني اخي حتى صارت لدي عقدة وهي لا اتكلم مع الذكور حتى زملائي في القسم فأنا لا اكلم الذكور وأخاف من الوقوف مع زملائي في القسم والتكلم معهم و أمس كان منزعجا فشتمني و لم اتكلم معه ولا اريد ان اكلمه لانني كرهت حتى ان الذي احبه تركني من سبب خوفي من اخي
لذلك انصحوني كيف اتخلص من عقدة التكلم مع الذكور
وهل اكلم اخي مرة ثانية ام لا
وماذا افعل لكي لا يشتمني مرة ثانية

صح ليك احمدي ربي عندك اخ يحميك من غدر الزمن
لا عقدة لا والو اقعدي هاكة راكي انتيك وش ديري
بالذكور ثالثة متوسط

الله يهديك يا بنتي 15سنة وتحبي واحد وتقولي فيها جهرا……….الحمد لله ان لك اخا يشدد عليك الحراسة

انتبهي لنفسك .ولدراستك وانسي امر ذاك الذي تركك بسبب خوفك من اخيك .وانت كرهت التحدث الى اخاك بسببه…….وصدق من

وصدق من قال خوك خوك لا يغرك صاحبك

الله المستعان
نسأل الله الهداية والسداد
أخوك أدرى بمصلحتك وادعي ربي يخليهولك

نورملمون يبطلك من القراية

على العفسة تاع تحبي واحد و خايفة من خوك يشوفك

====================

مش خايفة من ربي يشوفك؟؟؟

السلام عليكم ورحمة الله تعالى وبركاته

استغلي وقتك في المطالعة وحفظ القران ومراجعة دروسك اما عن الزملاء ليس مهم التكلم معهم وان كان ولابد في حدود الحاجة .
ابحثي عن صديقة او استاذة تساعدك وربي يطوع قلب اخيك ويزادا حبا وتعلقا بك يارب .

هذا راجل و نص

اخوك يحبك و لا يريد لكي سوى الخير فاسمعي كلامه………. اخوك هو يحميك ……… احوك هو لي يوقف معاك عند الشدة
و ما قصة هذا تحبين واحدا؟ و عمرك 15 فقط…… ابتعدي عن هذه الحكايات التي لا فائدة منها و تجلب لكي سوى الهموم و العار و مشاكل مع الاهل و ضياع الدراسة و التركيز………… نزيد نقولك الذكور في الدراسة ما عنك ما ديري بيهم و لا توقفي معاهم في حكايات فارغين ….
كرسي وقتك للدراسىة و المطالعة و العائلة
اسمعي راي خوك و ما تناقشيهش بزااف و لا ترديلو الهدرة به يبقا بيناتكم الاحترام
حتى اذا كثر عليك خبري فقط الوالد و لا الوالدة

السلام عليكم أختي واش نقول الأعضاء قالو كلمة وحدة خوك راجل صدقيني هذا احسن ليك بزاف رانا في وقت واعر والطفلة شرفها راس مالها وكلمة نحبو مازلت صغيرة عليها خليك كالصغحة البيضة اللي يكتب فيها زوجك وفقط راحا يجي نهر تشكري خوك وهو يعامل فيك هكذا من واش راه يشوف فالبنات برا ونصيحة خافي من ربي هو الأول وخوك عامليه بالحسن قلبو يلين وبينيلو إنك متربية ورزينة أقراي القرآن بزاف فدار وخليك مع قرايتك راح يلاحظ تصرفاتك ويحسن طريقتو معك مي مهما كان قاسي إنت ختو وسور يحبك ربي يوفقك

واش بيك يا اختي هبلتي ولا راح عقلك
تحبي واحد وانت عمرك 15 سنه فوقي لعمرك راكي في سن المراهقة وخوك عندو الحق
انت راكي غالطة 100/100
انت طلبتي الحل إذا نعطيك الحل لكن لازم تطبقيه أكي
روحي اطلبي السماح من أخيك وبطلي الصحبة نتاع الذكور واهمتي بدراستك
لكن حاب نفهم انت عمرك 15 و اللي انت قلتي تحبيه يعني راح يزوج بيك خليك من تمسخير نتاعك كثير بنات فاتو على هذه الغلطة وراهم نادمين اليوم
مزالك صغيرة يا بنتي
سلام

15 سنة وتقولي فيها ؟؟

ربي يخليكم لبعض وديريه عمامة فوق الراس ……… اتهلاي في روحك وبقرايتك برك برك برك

احمدي ربي لوكان جاو داركم مخليينك بلا رقابة راكي ضعتي لاقدر الله هداك الوقت راح تقولي هوما السبة

صدقيني أنا شخصيا …………………الأخ أصبحت أراه كالحلم ………………………..ياريت لي أخ يقف الى جانبي في كل الظروف و يشعرني أنه أخي فعلا

و يخاف علي …………………….الشعور أنكي وحيدة بدون أخ و هو موجود أعتقده أصعب إحساس

أما مسألة أنكي تحبين و عمرك 15 سنة ماذا عسايا ان أقول لكي إلا ربي يهديك
أنا و الله أتذكر نفسي في مثل ذلك السن …..هههه نقول هذا الجيل في الشرق و أنا في الغرب بما تحمل الكلمة من معنى بالرغم من ان القسم الذي كنت أدرس فيه كان كله ثنائيات ………………..
ربي ينور البصيرة و يهدينا

و لا ننسى أن للوالدين أكبر مسؤولية في هذا الفراغ العاطفي الذي يشعر به الأبناء

انا تانى عنيت لفترة من نفس مو قفك اقصد اخيك يعنى فانا بنت وحيدة فالبيت وكل اخواتى وحتى بابا خانقينى يخافوا بزاف تقول غير هوما عندهم بنت بصح هدا شى اكيد لمصلحتك
تمضى الايام وتكبروا وكل واحد يشوف طريقوا واسس عيلة وراح تحنى للايام لى كنتى فيها مع خوك
بصح قضية تاع الشتيمى لازم تقعدى نتى وخوك تتفاهموا فيها فاكيد اعرف شعورك رح تشعرى بالاهانى خاصة عندما يشتونك باشياء فى حياتى لم تفعليها تشعرى بالاهانة والاحتقار

لازم توضعى حد لمو ضوع الشتيمة ربما تخبرى يماك تفهموا بهداوة وتقولوا ما تشتمش اختك

انا عن عمرك 15

هههههههههههههههههه

اكيد لساتك صغيرة على الحب وهدا وهم وحب مراهقة او ربما اعجاب

انا ياما سعت هد لكلام وما صدقتش

بصح دوك عمرى 17 ونص هدا وين فهمت وطلع كل الكلام لى نقال صح

اخطيك من هد المو ضوع ركزى على قرايتك هى لى تفيدك وترفع راس خوك ووالديك وتديرلك القيمة بين الناس واهم شى رح تكون رضيتى ربى
اختى من ترك شيئا لله عوضه الله خيرا منه

ركزى عللى قرايتك والبنت لى ما ديرش علا قات محرمة فى صغرها ربى رح يعوضها باحسن شاب لى رح يكون زوجها فالحلال

صديقينى انا حاسة فيكى اخى كان دايرلى هكدا وكنت كارهة حياتى بصح دوك راه يخدم وما يجيش الا فالمناسبات