سوفلي تركي بالخطوات من مطبخي 2024.

بسم الله الرحمن الرحيم

السلام عليكم اخواتي

وصفة اليوم سوفلي على الطريقة التركية وصفة سهلة وبسيطة والنتيجة راااائعة بدون اطالة نخليكم مع الوصفة.

المقادير:

بالنسبة للعجينة نحتاج الى

500غ فرينة
م ك خميرة الخبز
لبن لجمع العجينة
ملح

الحشو:

لحم مفروم
بصل مقطع صغير

معدنوس
فرماج شيدار اواي نوع تفضليه
ملح
فلفل اسود
كمون
كمية من الطماطم المصبرة
زيتون اخضر مقطع اختياري

الطريقة:

اولا نقوم بتحضير العجينة

بالنسبة للبن استخدمت اللبن نتاع القارورة هاااايل

https://

نخلط مقادير العجينة ونجمعها باللبن يكون دافي حتى نتحصل على عجينة طرية نغطيها ونخليها تختمر

في هذا الوقت نحضر الحشو

نحط كمية من الزيت في المقلة نضيف البصل حتى يذبل نضيف اللحم والبهارات وشوية من الطماطم المصبرة ونضيف حوالي فنجال ماء يعني كمية قليلة ونخلي الحشو يطيب حتى ينشف نضيف المعدنوس و نطفي عليه ونخليه يبرد

https://

في هذا الوقت تكون العجينة اختمرت نقسمها الى 10كويرات ولي تحب حجم صغير ممكن تعمل اكثر
تدهن الكويرات بالزيت وتحطهم في صنية مدهونة بالزيت كما نعمل المحاجب

https://

نبدا في بسط الكويرة الاولى هكذا

https://

نحط كمية من الحشو ونزيد كمية من الفرماج

https://

نغلق السوفلي ونضغط على الاطراف حتى لا يخرج الحشو

https://

نحطها في الصينية ونكمل نحضر باقي الحبات
بعد مانكمل كل الكويرات نسخن مقلة مدهونة بكمية قليلة من الزيت حتى لا يلتصق او نستعمل طاجين الشخشوخة ونطيبه على نار متوسطة من الجهتين و يقدم ساخن

https://

عن قرب

https://

هذا شكله من الداخل

https://

https://

ان شاء الله تجربوا الوصفة وتعجبكم

في امان الله

تحفة فنية شكرا على الابداع دمتي متالقة

اممممممممممممممممم تبان لذيذة بصح اللبن كي ندير نديفه مايخسرش
شكرا على الوصفه

رااااااااااااااااااااااااااااااائع كروعتك و سهل شكرا

اقتباس:

المشاركة الأصلية كتبت بواسطة الأمنيات اممممممممممممممممم تبان لذيذة بصح اللبن كي ندير نديفه مايخسرش شكرا على الوصفه

اهلا بالغالية امنيات

لالا مايخسرش يكون دافي وليس ساخن لان العجينة فيها خميرة خبز

هاااااااااااااااااااااااااايل ام اماني والله الجديد معاك ميخلصش تبارك الله عليك يا شيفتنا المتالقة اممممممممممممممممم

اممممممممممممممممم هايل يعطيك الصحة نقدر نطيبو في الفور اللي عندي معقدين من القليان وربي يحفظك

بوركتي غاليتي ربي يحفظك لكل عزيز وربي مايحرمنا منك ومن وصفاتك ياغالية

رووووعة روعة ربي يجازيك حبيبتي

شكرًا علي الوصفة الرائعة بارك الله فيك

ممممم الله يعطيك الصحة تهبل تهبل

بارك الله فيك على الوصفة أكيد لازم نجربوه خاصة رمضان على الأبواب

الله الله عليك والله فحلة

اممممممممم يا ام اماني كل يوم تخرجيلنا بحاجة جديدة من ايديك يا رب تسلمي

اقتباس:

المشاركة الأصلية كتبت بواسطة أم ياسين الزهراء اممممممممممممممممم هايل يعطيك الصحة نقدر نطيبو في الفور اللي عندي معقدين من القليان وربي يحفظك

اهلا بالغالية ام ياسين

هذا مايتقلاش طيبيه كي المحجوبة انا قلت تدهني المقلة فقط باه مايلصقش فهمتني