الوسم: jتفضلو

كيما وعدت البنات و اسمحولي على التاخير بسبب ضيق الوقت هذا شرح البوليرو

ملاحطة :انا خدمت بخيط يتجبد وكروشي رقم 3.5

الوردة
ديري سلسلة تاع 6 و اغلقيها بمنزلقة
3 س (=1ع ) +1 ع + 3 سلسة وعاودي 5مرات
ما بين كل سلسلة تلع 3 ديري سلسلة تاع 6
في كل سلسلة تاع 6 ديري 2 ½ عمود +3 ع +2 ½ ع و هكذا نفس الشيئ في كل ساسلة


ديري العدد اللي يجي على قباسك
لسقوهم في بعضاهم قبل ما تقفلي الدور الاخير تاع الوردة و ديريهم على شكل دائري
ديري سلسلة تاع 8 في وسط كل ورقة تاع الوردة

و اخدمي ساير داير و اطلعي على قد الطول اللي حاب في الدراع

هنا وصلنا للظهر ديري نفس الشيئ بصح كي توصلي للسلسلة الاخيرة ما ديريهاش ……..دوري الخدمة و عاودي نفس الشيئ و كل 3 ادوار اقفلي بعمود بلفتين راهي الصورة توضح اكثر
ما تقفليش باش ان جاك ديق تزيدي ………………ديري الجهةا الثانية بنفس الطريقة و اشبكي التور الاخير مع الجهة الاخرى

كي تلسقي الجناب مع بعض اخدمي ساير داير بالاعمدة المهم كتري خاطر ان ديري شوي راهو راح يدياق اعليك يعني كل سلسلة ديري 6 اعمدة تقريبا ……..انا درت 2 تورات تاع الاعمدة انت ديري واش حاب

قيسيه و بطرف خيط عيني واين رايح تبداي الحاشية من الجهتين …………خاطر كي تربطيه تتعين التدويرة تاع الرقبة اللي حاباتو مستور اطلع البداية تاع الحاشية

الحاشية تقدري ديري اي وحدة
الحاشية :
فوقالاعمدة ديري
الدور الاول :
(3 س+ 2 ع ) = 3 اعمدة ديري سلسلة تاع 3 عقبي 2 اعمدة في 3 ديري غرزة حشو سلسلة تاع 3عقبي عمود و ديري غرزة حشو سلسلة تاع 3 و 3 اعمدة …………عاودي العملية حتى تفضي
الدور الثاني :
دري سلسلة تاع 4 و روحي في السللة الوسطى ديري فيها 7 اعمدة + 1س +غرزة حشو في العمود الاول تاع 3 اعمدة السابقة السابقة 3س وغرزة حشو ………وعاودي نفس الشيئ
الدور الثالث :
3 اعمدة فوق السلسلة …………….فوق 7 اعمدة نديرو عمود سلسلة 7 مرات ………في السلسلة تاع 3 ندير 3 اعمدة و نعاودو نفس الشيئ
الدور الرابع :
سلسلة تاع 3 …….ما بين الاعمدة ال 7 نديرو سلاسل الع 3 و غرزة حشو
نعاود الادوار ال3 الاولى

[IMG][/IMG]

انا ثاني راني تعبت باش وصلتلكم الفكرة ………………ان ما فهمتوش حاجة قولولي و انا نشرحلكم من جديد

ألف شكر حبيبتي عبير راني كنت نستنى فيه, بارك الله فيك على المجهود و سامحينا في تعبك, حبيت نسأل كروشي رقم 3 يعني كبير ما عرفتش الخيط اذا هو الخيط الرقيق نتع الصدورة و يجي موشتي و لا صوف نورمال,

اقتباس:

المشاركة الأصلية كتبت بواسطة بيلسان11 ألف شكر حبيبتي عبير راني كنت نستنى فيه, بارك الله فيك على المجهود و سامحينا في تعبك, حبيت نسأل كروشي رقم 3 يعني كبير ما عرفتش الخيط اذا هو الخيط الرقيق نتع الصدورة و يجي موشتي و لا صوف نورمال,

اهلا بيليسان و الله خاطر وعدتكم على هاديك حطيتو بالرغم اني مش راضيا على الشرح انتاعي راني زربت فيه ………….المهم الكروشي رقم 3 راهو ما هوش خشين بزاف و راني غلط راهو 3.5 من كثرت الكروشيات اللي عندي عدت نغلط
درك نصورهولك
بالنسبة اللي الخيط راهو مش تاع الصدورة راهو كيما الكوتون الخشين يجي مشعر و يبرق و يتجبد راهو يعمل عندنا 80 دج

اقتباس:

المشاركة الأصلية كتبت بواسطة lynda10 ألف شكر لك

شكرا اختي على كلامك الطيب

اقتباس:

المشاركة الأصلية كتبت بواسطة abir chemss اهلا بيليسان و الله خاطر وعدتكم على هاديك حطيتو بالرغم اني مش راضيا على الشرح انتاعي راني زربت فيه ………….المهم الكروشي رقم 3 راهو ما هوش خشين بزاف و راني غلط راهو 3.5 من كثرت الكروشيات اللي عندي عدت نغلط درك نصورهولك بالنسبة اللي الخيط راهو مش تاع الصدورة راهو كيما الكوتون الخشين يجي مشعر و يبرق و يتجبد راهو يعمل عندنا 80 دج

ألف شكر لك و بارك الله فيك على كل شيء . الكروشي عندي نفس اللي عندك الحمد لله. بصح الخيط راني ما نعرفش بزاف على الخيوط أنا اللي شفته يجي مشعر غير هاذاك الرقيق ضرك نزيد نشوف و نردلك الخبر,

اقتباس:

المشاركة الأصلية كتبت بواسطة amani32 تحفة مي حبيت نسقسيك البوليرو هذا تاع بنت صغيرة ولا وحدا كبيرة قصدي المقاييس لي درتيها

و الله ضحكتيني اختي اماني ………………..هذا لوحد كبيرة ……………..انا لبنتي رايح ندير وردة شوي صغيرة و السلسلة ندير فيها 5 او 6 هذا اللي تقدري تغيري بين وحد كبيرة و صغيرة بالنسبة للخيط اللي استعملتو …………خاطر عمبالك الحجم يتغير مع تغير نوعية الخيط

صاحيتي………………………………

مساء الخير عبير اولا يعطيك الصحة وربي يجازيك خير ثانيا معامن نقدرو نلبسوه ثالثا انا مشفتش هد الخيط اول مرة نشوفو قوليلى خشين كما كتون برلى وش اسمة نهار السبتن ان شاء الله ادهب للبحث عليه و ان شاء الله نطبقو

اقتباس:

المشاركة الأصلية كتبت بواسطة نهال13 مساء الخير عبير اولا يعطيك الصحة وربي يجازيك خير ثانيا معامن نقدرو نلبسوه ثالثا انا مشفتش هد الخيط اول مرة نشوفو قوليلى خشين كما كتون برلى وش اسمة نهار السبتن ان شاء الله ادهب للبحث عليه و ان شاء الله نطبقو

اهلا نهال …هذا درتو للعراس تاع الخريف كي يعودو القتادر الرقبة تاعهم شوي صيفي هو كي يتلبس روعة …………كيفاه ما عندكمش قلت انتوما سابقينا في كلش …………..الكبة تتباع بلا مارك كيما في الصورة اكيد دير عندكم اقل من عندنا دايما الرخا عندكم …………………..في الليل نسحقك في قسم الاعمال الفنية …درك راني صايم و راسي ما يحكم والو

اقتباس:

المشاركة الأصلية كتبت بواسطة abir chemss اهلا نهال …هذا درتو للعراس تاع الخريف كي يعودو القتادر الرقبة تاعهم شوي صيفي هو كي يتلبس روعة …………كيفاه ما عندكمش قلت انتوما سابقينا في كلش …………..الكبة تتباع بلا مارك كيما في الصورة اكيد دير عندكم اقل من عندنا دايما الرخا عندكم …………………..في الليل نسحقك في قسم الاعمال الفنية …درك راني صايم و راسي ما يحكم والو

شكرا عبير ان شاء الله نحوس عليه ونلقاه وان شاء الله تلقاينى في الليل تلقاينى هنا وتقبل الله صيامك وصح فطورك

اقتباس:

المشاركة الأصلية كتبت بواسطة amani32 هذاك يقولولو الخيط لمشعر ولا خيط الشعر حنا عندنا يدير 90 دج

اختى امانى مصادفتوش خلاص ممكن عندنا منعرف ضك نشوف