ارجو المساعدة peugeot 2024 VS Toyota Nouvelle Corolla سلام عليكم شايب حاب يشري سيارة مليحة عجبتني 2024 بسح قالولي corolla خير بسك صحيحة بزاف بصح 2024 مليحة حب نسقسيكم وين خير وادا كاين سيارة خير …… وشكرا
Peugeot 2024 بصح مشي بنزين جيب وحده diesel لان بنزين هو 1.6 VTi de 120 CHمستهلك للوقود بالنسبة لحجم السيارة
بيجو 2024 أحسن
|
المشاركة الأصلية كتبت بواسطة iskimo
 ارجو المساعدة peugeot 2024 VS Toyota Nouvelle Corolla سلام عليكم شايب حاب يشري سيارة مليحة عجبتني 2024 بسح قالولي corolla خير بسك صحيحة بزاف بصح 2024 مليحة حب نسقسيكم وين خير وادا كاين سيارة خير …… وشكرا
|
اول حاجة اخي استعمالك هو اللي يحدد اي سيارة تحتاج ، وعموما كل سيارة من فئة مختلفة عن الاخرى.
اما عن الكرولا فهي سيارة مشهود ليها بالقوة والتحمل الشديد لأقسى الظروف وسيارة ما تطلبش قطع الغيار وفي الصيف التكييف نتاعها حتى المرسيدس ما تلحقهاش، وكاين نوعين من المحركات 1.4 D4D (ديزل) وهذا محرك قوي من حيث التسارع ويوصل لسرعات عالية ، وعندك 1.6 VVTI ( بنزين) وهذا محرك جبار جدا بحيث انو يوصل ل 240 وهو مرتاح وصرفيتو للبنزين ممتازة ، وعندك المواصفات حسنها الوكيل مقارنة بالموديل السابق حيث اصبح هناك نظام توقف ذكي والعديد لم اتذكرها، وعندك ميزة في سيارات تويوتا انه وقت البيع سعرها يبقى مرتفع ما ينزلش وما تعذبكش في البيع وما تنساش ان الكورولا هي الاولى عالميا في فئتها.
2024 تعبتر سيارة جديدة على السوق والى الأن ما جربوهاش الناس ، وانا نشوف ان محركها صغير جدا بالنسبة لحجمها 1.6 hdi وهذا غادي يأثر على أدائها في الطريق والدفع الرباعي لا تعتمد عليه في سيارات الكروس عموما ،اما مواصفتها جميلة وتجذب ، وعن الجودة لا استطيع ان افيدك لان السيارة لم تجرب ، وهناك حااجة هامة نحب ننبهك عليها وهيا اذا كنت ساكن في ولايات الصحراء فابتعد عن الاوربي بشكل عام لانه لا يتحمل الحرارة ، اما غير ذلك فتعبر خيار مناسب لولا بعض الامور اللي ذكرتها ، وننصحك تصلي صلاة استخارة وتحاول انك تجرب السيارتين باش تكون على قناعة تامة عند الاقتنا.
وتذكرت حاجة هامة انك تتنتظر بعض الوقت حتى تنزل الاسعار ، والاهم من هذا انك تنتظر حتى تنزل الدفعة الثانية للكورولا وال 2024 باش على الاقل اذا كان هناك عيوب في السيارتين تظهر في الدفعة الاولى ويعدلوها في الدفعة الثانية ، ومن ناحية المحركات فلا اظن انه يوجد بها عيوب سواء للكورولا او 2024 لانها محركات جربت على سيارات اخرى.
سامحني اخي على الاطالة لكن كيما يقولو دراهمك ما هومش جايين من الواد واكيد هذا دم قلبك.
