السلام عليكم حبيباتي :
هادي وصفة خاصة بليسيلياك لي يتبعو ريجيم خاص بدون غلوتان …… تبعت تعليقاتي على الاخت ام قابيل على هاد الرابط
https://www.djelfa.info/vb/showthread.php?t=1614842
ووعتها ووفيت ان شاء الله
وهادا رابط ايضا رايحيين تاخدو فيه فكرة عن لي سيلياك https://www.diet4all.info/showthread.php?t=1528
مقادير الوصفة :
روز مطحون أو روز خاص بالمحلبي
انا هنا استعملت 100 غ ارز + قرصة ملح و 1/2 كاس ماء + 2 م ك زيت …فقط خلطت مليح في البلاندور ولاماكانش ديري بالفووي … عادي
خليتو يرتاح نصف ساعة …. سخنت مقلة تيفال
وجربت اول شيئ بالبانسو وما صلحوش … مالاعندهم الحق جوابنا كي قالو طيبوهم كيما لي كريب … المهم …. غرفت بلوش صغيرة … على حساب الكمية نتاع الخليط لكانت عندي …..
وطيبت الفطائر او les crêpes بنفس الطريقة لي نطيبو بيها لي crepes العاديين ….
قلبتهم من الجهة الاخرى شوية و نحيتهم …
المهم هادي المقادير دارتلي 7 قرصات صغار …. نحيت 4 منهم درتهم بوراك محشي بالجبن فقط …. و3 الاخرين خليتهم ينشفو كيما نشفو الرشتة …. ماشي حتى تيبس القرصة ….
ومن بعد فوتهم في ماشينة الرشتة باش ندير فارميسال شينوا و لي في الحقيقة يجي ارق من هادا
لكن الله غالب هادي الماشينة لي متوفرا عندي …. ماقدرتش نديرها رقيقة اكثر من هاك …..
المهم طيبت شربة بيضاء ورميت الفارميسال في الاخير …. غلية فقط ……
اما البوراك قليتو و قطر … كيما راكم تشوفو في الصورة و جا في المداق un peu croustillant …. ماشي يابس ……
كيما اي حاجة نزيديلها الروز وتقليها …كيما les croquettes de riz …..
وهنا درت شربة بيضاء بهادي الفارميسال لكنها تفتت شوية عكس الباست الايطالية لي نخدموها بالفرينة لدا ننصح باش تخلوها تيبس كيما ييبس الكسكس او الشخشوخة .
ان شاء الله تكون الوصفة عجبتكم و خاصة لي محتاجينها في هاد الشهر الفضيل
ولي يليقلهم رجيم خاص بحكم المرض ……
نسال الله العلي القدير ان يشفي كامل مرضانا …..
ورمضان كريم ليكم ان شاء الله
وزدت درت بحث في هاد المجال و لقيت انو من الاحسن يطبو خبيزات هادو محشيين طبعا على الفوار و الرابط هادا يوضحلكم اكتر
https://histoiredepates.net/2015/07/1…z-a-la-vapeur/
وهادا رابط يبين الممنوع و المسموح لي ليسيلياك https://www.lahamag.com/Details/10553…8A%D8%A7%D9%83
يعطيك الصحة في ميزان الحسنات.
|
المشاركة الأصلية كتبت بواسطة ام سهام 02
 يعطيك الصحة في ميزان الحسنات.
|
ان شاء الله
بارك الله فيك حبيبتي
بارك الله فيك
وجزاك الله خير
بارك الله فيك و جزاك الله خيرا. كل مرة تزيدي تعجبيني اكثر
بارك الله فيك في ميزان حسناتك إن شاء الله
أنا عن نفسي نحتاج هذي الوصفة بزاف بزاف بحكم مرضي جزاك الله خيرا
بصح نبهك على الحشو كيما أنا راه ممنوع علينا الفرماج كي يعودذايب ما نعرف كامل الناس كيف كيف ولا غير أنا
شكرا لك
يعطيك الف صحة انشاء الله اليوم نديرهم ونقولك
|
المشاركة الأصلية كتبت بواسطة mary1987
بارك الله فيك في ميزان حسناتك إن شاء الله
أنا عن نفسي نحتاج هذي الوصفة بزاف بزاف بحكم مرضي جزاك الله خيرا بصح نبهك على الحشو كيما أنا راه ممنوع علينا الفرماج كي يعودذايب ما نعرف كامل الناس كيف كيف ولا غير أنا شكرا لك |
بارك الله فيك
اما بالنسبة للحشو و الله ما كان عندي حتى حاجة اخرى متوفرة في البيت
قلت نعملهم بالفرماج فقط
مازال ما شفت واش لي سيلياك يقدرو يستهلكو كامل و واش ما يستهلكوش
ما عادا المواد لي فيها الغلوتان …..
يلتيك الصحة حبيبتي
|
المشاركة الأصلية كتبت بواسطة ام قابيل
يعطيك الف صحة انشاء الله اليوم نديرهم ونقولك
|
ان شاء الله حبيبتي 
|
المشاركة الأصلية كتبت بواسطة الصمت حكمة
بارك الله فيك و جزاك الله خيرا. كل مرة تزيدي تعجبيني اكثر
|
الله يخليك حبيبتي
بارك الله فيك
|
المشاركة الأصلية كتبت بواسطة أم إناس
بارك الله فيك
وجزاك الله خير |
الله يجازيني ويجازيك حبيبتي
ما شااااء الله عليك يا فاطمة راكي خبرة وفي جميع المجالات
ربي يجازيك عنا كل خير ياااارب
|
المشاركة الأصلية كتبت بواسطة ام يسرا
ما شااااء الله عليك يا فاطمة راكي خبرة وفي جميع المجالات
ربي يجازيك عنا كل خير ياااارب |
و الله مجهودات في سبيل الله
تحيرت من الاخت ودرت بحث في هاد الموضوع وكانت عندي فكرة انو في البلدان الاسياوية يعملو اوراق للحشو بفرينة الارز
والفارميسال شينوا راهو حتى هو مخدوم بالارز
بارك الله فيك اختي و ربي يجعلها في ميزان حسناتك عندي سلفتي متبعة هذا الرجيم و درتلها العام لي فات الديول بصح بدقيق الذرة و شوية نشاءمع ماء و ملح و طيبتهم
و خرجو تقريبا كيما لي نديرو حنا تع السميد يعني زي تاعنا و عجبوها و عادت تعتمدهم بصح المقادير نسيت لاني خلطت برك من راسي و جات سوا سوا
|
المشاركة الأصلية كتبت بواسطة mary1987
بارك الله فيك في ميزان حسناتك إن شاء الله
أنا عن نفسي نحتاج هذي الوصفة بزاف بزاف بحكم مرضي جزاك الله خيرا بصح نبهك على الحشو كيما أنا راه ممنوع علينا الفرماج كي يعودذايب ما نعرف كامل الناس كيف كيف ولا غير أنا شكرا لك |
اختي ماري ربي يشفيك و يشفي مرضى المسلمين اختي هل انت متاكدة على الحكاية تع الفرماج الذايب لانو اخت زوجي تاكلو نورمال كي درتلها البيتزا و فوقها الفرماج ذايب و تاني الغتان و سكالوب محشي بالفرماج و كلاتهم عادي
