salam kawati rani rayaha nahabal kol chahar nasalaf bach nakmal achahar rajali kamal lakadama kona makabin chawiya daraham rani nasalak bihom kach afakar ida malayon yakmal chahar balak ana manich natasaraf malih
rani matwakala air ala allah sabahano
هي صح مليون ما يكملش الشهر مع غلاء المعيشة الي رانا عايشينو .انا نقولك جربي حاجة
كل ما يدخل المليون قبل ما تصرفي منو صدقي ولو 20دينار وشوفي النتيجة
سلام اختاه صحيح المليون ما يكملش الشهر لكن ان استطعت اعطينا قائمة المشتريات حتى نساعدك ربما هناك اشياء يمكن الاستغناء عنها و اخري يمكن استبدالها
و الله المستعان
و الله المستعان يا اختى و الله المليون اذا غير للماكلة برك صدقينى يكفى و خاصة اذا العائلة صغيرة بشوية تاع تدبير تكملى بيها الشهر بلا تسلاف المهم حطى الضروريات اولا و بعدى على كل حاجة راح تخسرلك الميزانية و خاصة كثرة الخرجات و قبل كل هذا عملى على ربى و ما تتوتريش برك و ربى يفرج علينا اجمعين
lah yahsen el oun ya okhti asabki fel mouhim hada wech sabt nkoulak yakhti
السلام عليكم
اختي كي تحكمي الدراهم في يدك سمي باسم الله و شديهم بيدك اليمنى و ادعي ربي يباركلك في هاذ الدريهمات
نحي عشرين الف تصدقي بيها و ربي سبحانو باذن الله راح يباركلك فيهم
ايذا حبيتي مساعدة اكثر قولينا اذا العائلة صغيرة و الا لا و ان شاء الله نتعاونو مع بعض و نديرولك قائمة المشتريات الضرورية
بالرغم من صعوبة الظروف الا ان الله مع الجميع
ربي يغينك ان شاء الله و يقدرك
ربي يخليكم لبنات ويعطيكزم كل ماتتمنوا راكم فرحتوني انا غير انا ورجالي وطفل صغير للعلم هدا الوضع راح يستمر معيا لمدة عامين والله غير راني حايرة قوالت نوكل اري لربي ونسقسي لبنات لي عالبالي بالي ميبخالونيش بلاجابة
صباح الخير
أختي ننصحك خطيك من الدين مش شرط تاكلي اللحم ديما
فوتي باللي جات و شري غير لحوايج الضرورية جدا وصدقي
راه ربي يعوضك وصدقي ونسايها ماتسنايهاش بحال اللي سلفتيها
راه ربي سبحانو يمتاحن عبدوا وربي ماراحش يضيعك ما كانش
اللي مات من الجوع أنا عندي ناكل الماقارونة صباح و عشية
المهم نكون بصحتي ومتهنية من الدين التخمام راه يركب
100علة تهلاي فروحك ياختي وأحمدي ربي حتى إذا رقدتي
جيعانا ربي يفرج عليك ويخليلك وليداتك وصحتك يا رب
اختي اذا المليون غير للماكلة يكفي بصح وليدك اذا كان صغير بزاف المشكل في لحليب و لي كوش يمصو دم الواحد
شوفي غير تحكمي الدراهم سمي و قولي ربي باركلي فيهم و صدقي الف فراك تكفي و قسمي المليون على 4 يعني 250 الف و خبيهم في ضرف او تحت الملابس متفرقين و كل اسبوع اجبدي واحدة فقط و دبري راسك بيها بالاكي تمدي يدك للاخرى و حاولي تشري غير اللازم لحليب اشري تع الشكاير و شكارة تشدلك نهار صباح و عشية و اشري القهوة حب و حمصيها و ارحيها توفري بواف و حاولي الماكلة اللي تبقالك اليوم غدوة منذاك ديريها شكشوكة او عليها بيشاميل و تولي قراتان على حساب واش بقالك و المرقة تع الطعام ارحيها وتولي عندك سوب تع خضار و هكذا ,,,, و الماء ما تشليش بالعين لالا شلي لماعن في باسينة يعني بافكار بسيطة رايحة توفري و حاولي تقضي من الاسواق الشعبية الخضار تما نص سومة على الخضار تع الحومة و ما تكثريش الخضار يعني نهار خضار و يومين بقول و يومين عجين ديري الشخشوخة في الدار و مرة مطلوع الشحمة و شلاظة و انت درتي عشا و هكذا ,,,,,
ربي يقدرك اختي راه الشيء صعيب بصح كلو الا الدين ونقولك حاجة كل ما تتقلقي او تقولي علاش هكذا او علاش انا ؟ قولي الحمد لله انا جاتني غير في هاذي و غيري عندهم لاموال الطائلة و ماشي مهنيين و انا اكبر مثال قدامك
الصبر على الابتلاء الصبر كانت جدتي تقولي ربي سبحانو ما يمدلناش كلش قلتلها علاش ؟ قالتلي لوكان يمدلنا كلش نكفرو
وسعي خاطرك و رانا هنا خواتاتك و نتعاونو
ربي يخليكم والصح الرزق على ربي وانا والله ماراني مقلقة العكس نطلب في ربي صباح وعشية ونقوال الحمد لله
هدي قسمت ربي ليا وانا راضية بيها ونقوالكم الف شكرا من كل قلبي
نظن مليون يكفيك باذن الله لانكم فقط ثلاثة
كيما قالو لبنات كلما يخلص راجلكاتصدقي بلي تقدري عليه وراح تشوفي العجب كيفاش ربي يباركلكم في الباقي وعن تجربة
اولا اقضي قضيان الشهر حطي قائمة للمشتريات اللي تستهلكوهم خلال شهر مثل السكر والزيت والقهوة وكل ما تقدري تشريه من السوبيرات قيس شهر هاذي تطلعلك وحد 400 ولا 500 لثلاث اشخاص
الباقي ديري مثلا 50 الف خضرة كل اسبوع هاذي 200 الف تبقى 300 اليف نحي قيس الحليب والخبز والباقي خليه للتنقل نتاعكم
وخلي اللحم والجاج والسمك مرة او اثنين في الشهر الى ان يفرج ربي وانتي قلتي انو راح تعيشو لمدة عام على مليون اصبري والعام يجوز يجري
مع دوام الااستغفار لانو يجيب الرزق
انامرة راجلي ماكان عندو دورو وقعدت نستغفر كل وقت وخاصة قبل الفجر والله صدقيني غير فاض علينا الرزق من كل مكان حتى ما صبت وين نديروا
وايضا تجنبي المعاصي من تاخير صلاة وكثرة استماع الاغاني في البيت ولانها تمحق البركة في الدار سواءا في علاقاتك مع زوجك او ماديا
وتمنياتي لك بالتوفيق
واعلمي ان الصبر والرضى والقناعة اهم زاد نتغلبو بيه على الازمات وكلنا مرينا بهذا الطريق
اقتباس:
المشاركة الأصلية كتبت بواسطة مسلمة انا  نظن مليون يكفيك باذن الله لانكم فقط ثلاثة
كيما قالو لبنات كلما يخلص راجلكاتصدقي بلي تقدري عليه وراح تشوفي العجب كيفاش ربي يباركلكم في الباقي وعن تجربة
اولا اقضي قضيان الشهر حطي قائمة للمشتريات اللي تستهلكوهم خلال شهر مثل السكر والزيت والقهوة وكل ما تقدري تشريه من السوبيرات قيس شهر هاذي تطلعلك وحد 400 ولا 500 لثلاث اشخاص
الباقي ديري مثلا 50 الف خضرة كل اسبوع هاذي 200 الف تبقى 300 اليف نحي قيس الحليب والخبز والباقي خليه للتنقل نتاعكم
وخلي اللحم والجاج والسمك مرة او اثنين في الشهر الى ان يفرج ربي وانتي قلتي انو راح تعيشو لمدة عام على مليون اصبري والعام يجوز يجري
مع دوام الااستغفار لانو يجيب الرزق
انامرة راجلي ماكان عندو دورو وقعدت نستغفر كل وقت وخاصة قبل الفجر والله صدقيني غير فاض علينا الرزق من كل مكان حتى ما صبت وين نديروا
وايضا تجنبي المعاصي من تاخير صلاة وكثرة استماع الاغاني في البيت ولانها تمحق البركة في الدار سواءا في علاقاتك مع زوجك او ماديا
وتمنياتي لك بالتوفيق
واعلمي ان الصبر والرضى والقناعة اهم زاد نتغلبو بيه على الازمات وكلنا مرينا بهذا الطريق
|
nassiha ray3a ma chaa allah
