السلام عليكم بالبنات الفحلات
من فضلكن جربت من مدة حلوة المورانج اللي كنت طبفتها من وصفة وضعت هنا لكن للاسف منجحتليش معرفش علاه -الوصفة الل طبقاها تقولي بلي لازم تطهى لمدة 10دقائق في فرن ساخن و لما توضع الصينية نقسوا للفرن لاقصى درجة ,انا طبقت الوصفة لكن لما مسيتها خرجت معلكة من الداخل بمعنى انها مخرجتش مقرمشة و بعد مدة يعني اللي بردت في درجة حرارة الغرفة هبطتلي-نفشت- مادابيا تنصحوني و تقولولي على وصفة اللي نجحتلكم و شكرااااا
هل جربت اختي وصفة نوكيا ؟
جربت وحد الوصفة من احدة الاخوات هنا ,اللي وقت ما ندخلها الفرن يكون ساخن جدا و من بعد نقسوله لاقل درجة ممكنة و تطهى فقط 10 د
مشكلتي انها مطابتش من الداخل و خرجتلي من العلك و هبطتلي
سلام حبيبتي أنا المورانغ نعملو يجي يهبل وكثر خير خالتي الماهرة في اعداده والسر في المورانق هو الطياب تاعو حبيبتي سخني الفور تاعك مليح وأخدمي المورانغ تاعك ومبعد نقسي خلاص للفور تاعك آخر درجة لازم وحطي المورانغ في الرف الفوقاني وخليه أكثر من 45 دقيقة ومبعد حلي عليه وإذا تنحالك من ورق الخبز بسهولة تسمى راه طاب جربي وأدعيلي.
ان شاء الله يفيدوك
شكرا اختى الكريمة على الرد الكريم ,حبيت برك نسقسيك الفور يعني اللي ندخل المورانغ اللي نقس ادرجة الحرارة هل نترك الباب مفتوح ام حتى اللي يطيب نفتح الباب و ايضا النار نشعلها الفوق و الاسفل صح؟ ادا جهزت هل نتركها في الفور او نخرجها مباشرة لانو راكي عارفا المورانج حساسة للهواء و شكراااااااا
حبيبتي قوي للفرن وأخدمي المورانغ تاعك وكي تكملي نقسي للفرن وحطيه في الرف الفوقاني وماتفتحيش عليه حتان يوفي 45 دقيقة وماتخليش الباب مفتوح خلاص هذي طريقتي وتصلح 100 بالمئة وراني حطيت تصاورو في ركن الحلويات وجربي كي يطيب أجبدي وحدة وخليها دقيقة إذا ماتفشتش يعني أجبديه عادي.
اليك هذا الفيديو لتحضير الميرانغ الفرنسي
https://sites.google.com/site/cuisin…deo-grand-chef
