الوسم: المهر

سلام الله عليكم يا اوفياء منتدانا الغالي …
حبيت نطرح عليكم مشكلة شخصية وعلبالي بلي كاين اعضاء رايحين يقولولي باش نطرح المشكل خارج المنتدى كيما سبق وقالولي مي الله غالب فالمنتدى يقدر الواحد ينفس على روحو بلا ميحشم ولا يخاف وانا من طبعي منحكيش مشاكلي لغير الله بصح استصعب علي الأمر وحبيت نشاوركم ربي ينوركم …
عندي قريب عامين ملي راني مخطوبة والحمد لله ربي رزقني زوج صالح وتقي وعفيف يخاف ربي وبما انو من عائلة بسيطة ومتخرج من الجامعة ومزال ملقاش خدمتو راكم تعرفو مشاكل المتخرجين المهم هو مشي راقد ولا فنيان الحمد لله يخدم ماصو و يخدم كونطرا فالسيبار …قلت نساعدو وتفقت معاه يدفعلي 10ملايين فيها كلشي يعني ميزيدليش دهب وراني خايفة اهلي ميقبلوش لأنو من عاداتنا يدفعو 15 مليون ولا 10 ومعاها دهب …راني نخمم كل يوم في هاد المشكل هو من جهة معندوش منين يزيدلي واهلي من جهة رايحين يقولولي علاش نتي واش خصك اهلي ونعرفهم والله معرفت واش نعمل….تحيرت في هاد الدنيا والله غير حبيت نسهل طريق لحلال باش ربي يبارك لنا في حياتنا مي راني خايفة من ردة الفعل …انا مكنتش متوقعة اهلي يخممو فالمادة مي على حساب هدرتهم فهمت بلي مديرينش حساب يدفعلي 10 برك …قولولي واش ندير الله يخليكم

الله المستعان اختي ……….والله ولات تكاليف العرس والخطبة تخلي الواحد يحسبلها الف حساب واغلب الاولياء اصبحو يطلبو المادة بعدة حجج واغلبها واهية ………………….والله المستعان……………اللهم يسر لنا امرنا ولا تجعلنا من القانطين

السلام عليكم اختي
أولا ربي يبارك في اخلاقك وبنت الحلال هذي هي لازم تحوس على الهنا والسعادة ماشي على المال والمشكل ما راهش في خطيبك هو ربي يرزقو راه يدير اللي عليه الله غالب ما عندوش وبلادنا هذي هي
المهم إنت احكي مع يماك قوليلها ما عندوش وحاول معاها الام حنينة واكيد راخا تتفهمك وممكن نعرض عليك عرض علرقة ننمت اقولي هذي خيانة او كذبة مي ربي عالم بالنية تفاهمي إنت وخطيبك يجيبلك عقد او حتى عقد كامل بكل مستلوماتو ماشي ذهب راهم يتباعو يبانو ذهب صح ماكانش اللي يعرفهم بندلهم 10 ويجيبلك قدامهم الذهب ماراهيش خيانة او كذبة عادي ربي عال بنيتكم إنت لازم تعاونيه وفي نفس الوقت ترضي داركم يبقى مجرد رأي لأانو لو أنا نديرها اكيد شكرا ربي يوفقك

شكراا ليكم والله يا اختي مريم الصابرة اولا واش راكي ربي يشافيك ان شاء الله ثانيا نقولك والله غير خممت فالحل لي قلتيلي مي خفت نبني حياتي على غش انا راني حابة طريقة باش نقنعهم ونزيد نقولك حاجة بلي يما وبابا راهم راضيين 100/100 ب 10 ملايين مي الاهل لخرين علابالي رايحين يخربو في عقل بابا ويما لأنو كلشي عندهم مادي …ربي يستر وخلاص علبالي رايحين تقولولي راش دخل اهلك لخرين مدام يما وبابا قابلين مي الله غالب انا تربيت عند جداتي وبين خالاتي وقراب لقلبي بزاف ورايهم يهم يما بالدرجة الاولى على هكدا راني خايفة يما تبدا تقول راهم ستحقرو ببنتي وتدي نظرة مشي مليحة على خطيبي من بعد

السلام عليكم…

شوفي اختي

الاخت مريم اعطاتك فكرةرُبما تُعتبر محل اخير تقومين به

ولكن اعتقد انهافكرة غير مقبولة بما ان فيها كذب و تدليس و لو بنية سليمة

فالنية السليمة لا تُصلح العمل الفاسد

ودائما أقول

دع ما يُريبك إلى ما لايُريبُك

=============================

انا من رأيي انك تتكلمي مع امك وابيك على انفراد

وتفهّميهم

إذا قبلوا تبارك الله

إذا رفضوا

يعني هذا باب غُلق في وجهك

وربي ما يغلق باب………….. حتى يفتح عشرة

فهمتيني اختي؟؟؟؟

ربي وعدنا بتيسير الامور لطالب العلم و طالب العفاف (الزواج)

ادعِ ربي يسهلها……………………. تسهال

مبروك عليكم

الله يهنيكم

اختي علاه 15 مليون يا بنت عمي بزاف مسكين منين يجيب
اهدري مع والديك وفهميهم
15 مليون هادي ندير بها عرس و تشيطلي

أنا عن رأي وكآخر حل أنك تبعثيلو دراهم باش يزيدها على المهر بدون علم أهلك

وربي يجيب الخير

نقول لك صارحي والدتك
و اشرحي لها حالة خطيبك المادية
مع التوضيح لها بأنّك تحبينه
لأجل أخلاقه الكريمة التي أصبحت نادرة في أيامنا هذه
و بالتكرار و الاصرار مع أمّك ستتفهم الامر ان شاء الله
و تساعدك .
أنت فقط أقنعي أمّك و هي تقوم بالباقي
والله ولي التوفيق

يكفي أنك قلت : والحمد لله ربي رزقني زوج صالح وتقي وعفيف يخاف ربي وبما انو من عائلة بسيطة

+ أنه يسعى للعمل تبارك الله

عليك أختي بالدعاء و التوكل على الله و سييسر أمورك فقط عليك بالصبر و إن شاء الله يكون من نصيبك ، كما عليك بالتكلم مع أهلك أيضا

(جمع الله بينكما في خير و رزقكما من حيث لا تحتسبان )

و ربي يسهل للجميع لأن الشروط راهي تعجز الشباب ؟؟؟؟؟؟ ، أتمنى أن تتساهل الفتاة و الأهل قليلا

* قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره
*وقال ايضا:"أيسرهن مهرا أكثرهن بركة".

ربي يبارك فيكم ويعطيكم ما تتمنو على تجاوبكم مع موضوعي والله عدنا في عصر تطغى فيه الماديات على كلشي حتى على الاخلاق وادعو لي لأني حكيت مع يما وراهي جد متفهمة وغدوة بإدن الله راهم جايين يجيبولي الدراهم ربي يسهل علينا وعليكم كامل ….
فرحت كي لقيت في المنتدى ناس تخمم كيما انا في هاد الوقت لي راه يخوف

بزاف 10 ملاين
انا مرتي تطلب فوق 5 ملاين مانزوجهاش

ربي يسهلك نشالله ويعطيك قد نيتك

قصة صديقي تبدأ بعد تخرجة الجامعة بدرجة مهندس في الالكترونيك ، كان مرتبط مع فتاة لمدة 3 سنوات ، الفتاة طيبة و متربية و كلش ، تفاهم معها انه إذا وجد عمل فسوف يتقدم لخطبتها ، و أخيرا وجد عمل في مجال الموانئ و فعلا تقدم لخطبتها و اتى بعائلته الى اهل الفتاة ، ابوها اشترط على الشاب مقياس ذهب يعني بعد ما يذخر اموال المقياس في مدة عام يتزوج بها فورا ، أهل الشاب وافقو ، الشاب ذهب الى محل المصوغات و الذهب وجد المقياس ثمنه 40 مليون ، الشاب عام كامل و هو يذخر و يجمع في المال و زادو عاونو ابوه في جمع 40 مليون ، وصل فترة لعقود الشاب راح باه يشري المقياس لقاه الذهب غلا يعني المقياس من 40 مليون اصبح 60 مليون ، الشاب تحدث مع والد الفتاة قال له ‘نحن تفاهمنا على مقياس ذهب في ذلك الوقت كان 40 مليون الآن اصبح 60 مليون و انا لدي 40 مليون إذن دعني اعطيك 40مليون لي عندي اني ماعنديش باه نكمل’ والد الفتاة رفض قال له طاحت الكلمة تفهمنا على مقياس يكون يتباع حتى بمليار المهم يجيبو ، الشاب ارسل الأهل لكي يتوسطو لعل اب الفتاة يقبل فكانت آخرة كلمة لا
فلما سمع الشاب هذه الكلمة قام بفسخ الخطبة مع الفتاة و 40 مليون راح سافر بيها لتركيا و المغرب للسياحة و تعذب نفسيا كثيرا لذلك.
الشاب بعد عام ارسلوه لتربص في ميدان الموانئ في بجاية ل 3 اشهر ، و أثنائها تعرف على فتاة قبايلية 25 سنة ذات جمال و حسن اخلاق و تربية ، بعد حوالي 4 اشهر من الإرتباط معها احضر اهله لخطبتها و المفاجأة انهم لم يشترطو الكثير مجرد خاتم + حقيبة البسة و فقط يعني تقريا كلش 5 ملايين ، و الآن راهو عايش معاها في الهنا و عندو طفل و راح دار عمرة معاها في رمضان و كلش. ربي يوفقوا انشاء الله و يرزقنا
المغزى العام : الفائدة ليست في المهر و الأموال و السيارات ، الفائدة في العقلية و المستوى الثقافي و التربية و الرجولية للإنسان
سلام
اخوكم من عنابة

ايسرهن مهرا اكثرهن برك
والله انا في زمن ضاعت فيه عقول العاقلين

و الله يأخي كاين ليبع بنته و ربي درهله خيرة ربي يوفقه في حياته

يالطيف؟؟؟
40 مليون تقول بقرة يبيع فيها
ربي يجيب الخير ان شالله
الحمدلله ربي هناه وتزوج

السلام عليكم اخي
وصاحبك هذا علاه قبل من الأول بالمهر نتاع 40 مليون عندو الحق باباه زاد طلعها لل60 اللي يرضى الذل لروحو فالأاول يكمل عليها كان يكمل 20 وخلاص الخلاصة الطفلة اللي راحت معاه 3 سنوات هذي ماكانش اللي شافها باباها دار رايو وهو الله الله عليه دقيقة لقى البديل وراح تزوج وكامل هذا على مقياس 40 مليون حنا ما عندناش هذي مقياس 40 مليون رانا قريب كيما القبايل خاتم والحقيبة فيها مستلزمات والمهر طبعا كل واحد واش يشرط اما المقياس نظن اهل الشرق تبسة بالتحديد هوما يطلبوه الله يحسن عونهم
الخلاصة خويا الهنى هو الصح واللي يروح يخطب ويرضى بالشروط التعجيزية فالاول دير في بالك راحين من بعد يظهرو شروط اخرى لكن لما يمد قدراتو فالأول خلاص ممكن هو كان يزوخ عليهم ورضى بالمقياس كملو عليه
المهم راح لتركيا كي حالتي هههه
شكرا وربي يهنيه يا رب وذيك المخلوقة مسكينة ربي يهنيها

ي

مشكرروين اخوتي على مروركم انشاء الله يرزقك الله بازواج و زوجات صالحين

اقتباس:

المشاركة الأصلية كتبت بواسطة مريم الصابرة السلام عليكم اخي وصاحبك هذا علاه قبل من الأول بالمهر نتاع 40 مليون عندو الحق باباه زاد طلعها لل60 اللي يرضى الذل لروحو فالأاول يكمل عليها كان يكمل 20 وخلاص الخلاصة الطفلة اللي راحت معاه 3 سنوات هذي ماكانش اللي شافها باباها دار رايو وهو الله الله عليه دقيقة لقى البديل وراح تزوج وكامل هذا على مقياس 40 مليون حنا ما عندناش هذي مقياس 40 مليون رانا قريب كيما القبايل خاتم والحقيبة فيها مستلزمات والمهر طبعا كل واحد واش يشرط اما المقياس نظن اهل الشرق تبسة بالتحديد هوما يطلبوه الله يحسن عونهم الخلاصة خويا الهنى هو الصح واللي يروح يخطب ويرضى بالشروط التعجيزية فالاول دير في بالك راحين من بعد يظهرو شروط اخرى لكن لما يمد قدراتو فالأول خلاص ممكن هو كان يزوخ عليهم ورضى بالمقياس كملو عليه المهم راح لتركيا كي حالتي هههه شكرا وربي يهنيه يا رب وذيك المخلوقة مسكينة ربي يهنيها

هو قبل ب 40 مليون يعني قدر يجمع البعض وأبوه عاونو فالباقي ، لكن والد الفتاة رفض ، في هذه الحالة الشاب يريد الزواج من فتاة و والدها رافض إذن ما الفائدة في ان يكمل معاها ؟. لازم ينساها خصوصا لما قال له والد الفتاة المقياس كون جاء بمليار لازم لازم …….

صديقي بعد سنة و ليس بعد دقيقة كما قلت ههههه رزقه الله بفتاة قمة في الجمال و الأخلاق و أمرأة تع دار بأتم معنى الكلمة و ما شرطوش ياسر العائلة تاعها.
الآن الفتاة السابقة اصبح عمرها 28 سنة و بارت و جاءت في احد الأيام ترجوه ان يتزوجها بلا مقابل لكنه صارحها بزواجه…………..
فاتها القطار ….

اقتباس:

المشاركة الأصلية كتبت بواسطة ABDOU ELE ســـــــــــــــــــــلام قريب كيما القبايل……..يعني زيادة عليهم بالمهر فقط

السلام عليكم
ما فهمتنيش حنا خاتم الأول نتاع الخطبة لما يجو للدار يشوفوها يديرولها خاتم ومن بعد الحقيبة هذيك مش لازمة هذيك للي يديرو الحفلة نتاع الخطوبة واللي ما يديروش يمدلها المهر ياخونا عبدو المهر لازم ومذكور فالقرآن ياخي تعرفو للدين او بطلتو حبيتو ثاني نحو المهر وما خممتوش الطفلة هذي لو اهلها زواولة منين تجيب ومن بعد يولو اهاليكم مصتفين ويشوفو واش جابت ويولو بالمعاير طلقوها اهلها بلا قش وحوايج الهدرة فيها نتوما خاطي تكونو برا مش عارفين واش يصرا الداخل خليكم برا خير

اقتباس:

المشاركة الأصلية كتبت بواسطة lamine_du23 هو قبل ب 40 مليون يعني قدر يجمع البعض وأبوه عاونو فالباقي ، لكن والد الفتاة رفض ، في هذه الحالة الشاب يريد الزواج من فتاة و والدها رافض إذن ما الفائدة في ان يكمل معاها ؟. لازم ينساها خصوصا لما قال له والد الفتاة المقياس كون جاء بمليار لازم لازم ……. صديقي بعد سنة و ليس بعد دقيقة كما قلت ههههه رزقه الله بفتاة قمة في الجمال و الأخلاق و أمرأة تع دار بأتم معنى الكلمة و ما شرطوش ياسر العائلة تاعها. الآن الفتاة السابقة اصبح عمرها 28 سنة و بارت و جاءت في احد الأيام ترجوه ان يتزوجها بلا مقابل لكنه صارحها بزواجه………….. فاتها القطار ….

السلام عليكم
ما قلناش يكمل معاها زعمى 3 سنوات وامر الله ومكتوب ربي يهنيه ويرزقها
بعد سنة هذا زعمى نهار نفسيا لوكان ما نهارش كيفاه قمة فالجمال اممممممم هذا هو الصح الاخلاق هذاك الغلاف البراني اللي يقدموه الرجال ومرا نتاع دار علاه لخرى مرا نتاع واش سبحان الله والله يهدينا مسكينة هذي لو تسمع كلامو تندم على النهار اللي عرفاتو فيه مسكينة
وعلاه تقول بارت وجات تحلل فيه عيب خويا عيب تقولو هاكا هي ما عندها حتى ذنب وواش من قطار راه تقدم العصر الميطرو خويا وكي فاتها عادي تحكم طاكسي الزواج مكتوب خويا والصراحة هذا صاحبك والله ربي هناها رغم باباها كان سبب لانو الدليل يمد فالوصف على مرتو وكانو دار مقارنة مع لخرى اللي قلت نهار عليها معليناش هو تزوج وإن شاء الله ربي يرزقها برجل وكا نما رزقهاش راهي في دارهم شكرا لك

مريم الصابرة

عندك الحق ، المشكلة مش في الفتاة المشكلة في والدها ، ربي يرزقها الزوج الصالح
ما كتبش المكتوب بينها و بين صديقي

شكرا على هذه الحكمة

ان كانت بقلمك
فرااااااااااااااااااائعة

اقتباس:

المشاركة الأصلية كتبت بواسطة عياد محمد العربي أيا عماه يشرفني أمد يدي لكي أحظى كريمتكمْ وأن تعطوننا وعداً أتينا الله داعينا فإن وافقت يا عماه دعنا نفصل المهرَ وخير البرِّ عاجله ونحن البرَّ راجينا فقال:ـ أيا ولدي لنا الشرف فنعم الأهل من رباك ونعم العلم في يمناك وإن العلم يغنينا أنا كي شفتوا بدا يشكر قلت راح يقولوا اديها معاك ضركة ههه هههه هههه وأما المهر يا ولدي فلا تسأل لأنا نشتري رجلاً وليس المال يعنينا يقصد بالمال السيولة النقدية وليس المشتريات والهدايا ولكن هكذا العرف وإن العرف يا ولداه يحميكم ويحمينا يقصد يقضي عليكم ويحمينا فمليون مقدمهاـ وأربعة مؤخرها وضع في البنك للتأمين عشرينا 25 مليون إسمع نصيحتي اشري سيارة واخطيك على الأقل تحوس بيها وتنحي على خاطرك وبيت باسم ابنتنا وملبوس على البدن من الفستان للكفن و"مورانو" ـ كي تعطيها هادو كاااااااااااامل أكيد تبقى معاك حتى للقبر لأنها إدا تركتك انت توصلها للقبر من أجل ملاييييينك وان صعبت فإن "البيجو" تكفينا مورانو حصلت فيها كي دخلتها مع اللباس حتى قريت بيجو باش فهمت وأما العرس يا ولدي ففي "الشيراتون" فشأن صغيرتي شأن سعادٍ بنت خالتهاـ وهندٍ بنت عمتهاـ وشيريناـ عادي كان يعطي بنتوا ضرة مع بنت خالتها ولا بنت عمتها فإن وافقت قلنا بارك الله وقال الكل آمينا فقلت له :ـ أيا عماه خللها وضعها فوق رف البيت زيتونا لا تظلم الزيتون لأني نحب الزيتون فلو بيديّ ربع المهر كنت اليوم قارونا أيا عماه أنا رجل بسيط في موارده ودخلي بضع ألاف وزادي مثل كل الناس أقول الحمد لله خالقنا وبارئنا وساترنا وكافينا أيا عماه أنا رجل أحب بكل إحساسي وقلبي ليس من ذهب ترى ان كان من ذهب أكان الحب يأتينا ترى هل يشعر الأنسان حين يكون خافقه من الألماس معجونا يقتلوه قبل ما يفيق لكي يسرقوا له قلبو أيا عماه لماذا صارت الدنيا طريدَتنا وقد كانت بأيدينا لماذا نحن أصنام وكيف يحاور الأنسان حين يصير جبصينا خلقنا نحن من روح ومن طين نسينا روحنا حتى غدت في جسمنا طينا لماذا في مدينتنا يعيش المرء للعادات مسجونا وكيف يفكر الأنسان حين يكون مسجونا تطورنا وعدنا في تخلفنا لوقت كانت الأنثى تباع كأنها عقد فنخّاس ينادي هذه بكر وآخر هذه أحلى وثالث هذه اطول يعود التاجر الميسور منزله وفي يده اشترى امرأة وفروجاً وليمونا ||الفروج هو الدجاج لماذا صارت الأنثى تساوم في أنوثتها فتعطوها لمن ترضونه مالاً وقال الله من ترضونه دينا أيا عماه عفواً إن تماديت ولكني عزفت الآن عن طلبي فلو كان الزواج بعصرنا عقلا سأمضي العمر مجنونا

الله الله يا أخي ولقد صدق من قال إن الحكمة تأتي من أفواه المجانين
وكما قالت أختي صاحبة السمو الفكري إن كانت من بنات أفكارك فهي راااااااااااااائعة فعلا
حفظكم الله ورعاكم ورزقكم على حسب نيتكم
والسلاااااااااااااااااااااااااام عليكم

لا وربي هي ليست لي أن ناقلها فقط وأنا مبين نقلها بجوار العنوان

المهم في الحكمة هو الاخذ بها
والعمل بها وليس النظر إلى صاحبها إن كان نقلها أوكتبها وألفها

رسمتك ياصاحبة السمو الفكري ساحبة تمطر لتنبت أرض قاحلة من قولك عرفت أنك ………………….. سحابة إعصار

بارك الله فيك أخي على صدقك
وأعتذر منك فلم ألاحظ الأيقونة
حفظكم الله ورعاكم ورزقكم على حسب نيتكم
والسلام عليكم ورحمة الله تعالى وبركاته

وفيكي بارك الله فقط أنا أجيد بارك الله في والسلام عليكم ورحمة الله وهم من قول رسول الله صلى الله عليه وسلم

الله يهديهم ويهدينا

وخليهم يشوفوا لأحوال الشّباب الطّامحينا

ويعاونوهم على إكمال نصف دينهم

لكن
للأسف
الكلام نحن رقم واحد فيه

يقولك أنا نا نرضى نزوجّ بنتي إلا

لصاحب الخلق والدّين

أمّا عند التطبيق حين تحين ساعة الحقيقة

يقولك لا لا ياوليدي روح تلعب بعيد

جزاك الله كل الخير
حفظكم الله ورعاكم ورزقكم على حسب نيتكم
والسلام عليكم ورحمة الله تعالى وبركاته
دخل وقت الصلاة
فقد أذن الشيخ لصلاة المغرب

اللهم آمين بارك الله فيكي يا كريمة وهل يوجد خير من الدعاء وأسأل الله أن يثبتك على الصلاة

وفيك بارك الله يا أخي طالب عفاف أسأل الله أن يمن عليك ويرزقك من حيث لا تدري

بارك الله فيك

وفيك بارك المولى جلى وعلا

لا الاه الا الله محمد رسول الله
سبحان الله
الحمد لله
ولا ححول ولا قوة الا بالله
شكرا على الموضوع

كم يبلغ سعر قنطار صوف ؟ قالمة او ماجورها
من اين يبدا ثمن المقياس ؟

انا من ولاية ميلة يتباع عندنا بمليون ومئة

الصوف مليون و 300 القنطار
اما ابقاط من 15 مليون حتىل25
والمقياس من 25 ل 40 مليون

اقتباس:

المشاركة الأصلية كتبت بواسطة hanzada10 الصوف مليون و 300 القنطار اما ابقاط من 15 مليون حتىل25 والمقياس من 25 ل 40 مليون

هل انت من ولاية قالمة ؟
اذا كان الجواب اجل
كم يبلغ المهر (المتوسط) ؟

السلام عليكم
اردت فقط ان اناقش هذا الموضوع بكل روح رياضية دون صراع وهو غلاء المهور وتأخر الزواج وكثرة العنوسة والمشكل الأكبر اننا كل يوم نتكلم عن هذا المشكل ولكنه يتسع ولا حلول له الى متى يا ترى ؟ في انتظار ردودكم وشكرا

سؤالك وااااااسع جداااااا
حدد؟؟؟

يا تلا ها صحيتووو يا تل مدوخش روحك قاااع هاني نقلك بكي على الشكاره عمر الشكاره وسكت خمم قاا في الشكاره ومن بعد ساهل راك قاا تعيي في روحك معندكش الشكاره ميشوفوكش

باعتقادي أن المشكل ليس في المهر كمهر لوحده و لكن متطلبات الزواج ككل يعني : غرفة نوم ، مصاريف العرس ، ما يقدم للعروس (فوق المهر) حسب كل منطقة .. فهذه الأمور هي التي تثقل كاهل الشباب و تمنعهم من الزواج ، إضافة إلى المهر طبعا و أقصد من يتكلف فيه و كأنهم لم يقرأوا حديث المصطفى عليه السلام و الذي معناه أن أكثر النساء بركة أقلهن مهرا

علاه المهر ليس شرط ان يكون غالي لازم الفتاة هي من ترعي ظروف العريس وصح الوقت هذا كل شي غلى وزيد على هذا العرف السائد في كل منطقة هو الي كبر مشكلة المهور

اقتباس:

المشاركة الأصلية كتبت بواسطة rida dz السلام عليكم اردت فقط ان اناقش هذا الموضوع بكل روح رياضية دون صراع وهو غلاء المهور وتأخر الزواج وكثرة العنوسة والمشكل الأكبر اننا كل يوم نتكلم عن هذا المشكل ولكنه يتسع ولا حلول له الى متى يا ترى ؟ في انتظار ردودكم وشكرا

السلام عليكم ورحمة الله تعالى وبركاته
أولا أخي لا يمكن أن نسند تأخر الزواج سواءا للرجل أو المرأة بسبب غلاء المهور
لأن هذه الظاهرة لها أساب وعوامل كثيرة والكثير من الشباب يعزف عن الزواج قبل أن يفكر في الخطبة وبالتالي الاستماع إلى شروط عقد الزواج والتي يندرج ضمنها المهر
المشكلة ليست في المهر وإنما في اختيار الزوجة أو العائلة التي يجب مصاهرتها
وسبب غلاء المهور يحدده الرجل بنفسه
هناك الكثير من العائلات التي لا تغالي في مهورها ولكن لا أحد يحب مصاهرتها لأنها ليست أبنة فلان ولا جاه لعائلتها أو أنها ليست بمتعلمة أو ليست بعاملة أو حتى ليست بالجميلة أو حتى لا تملك هذه الصفات وإنما يتشبث بها الشاب لأنه يريدها ولا يهمه أي شيء
إختيار الزوجة المناسبة بعيدا عن المظاهر هو الحل المناسب للقضاء على غلاء المهور وعلى غيرها من المظاهر غير المرغوبة
بالأمس القريب حظرت لعرس كان مهره خاتم وفقط وتأكد أنك ان تزوجت بنت مسكين سيبارك الله لك هذا الزواج
أتمنى أنني قد أفدتك ولو بالقليل

اقتباس:

المشاركة الأصلية كتبت بواسطة دادي84 و عليكم السلام -شحال راك قادر تدفع مهر لما تتقدم لطلب يد شريكة حياتك ؟ لا يهم المبلغ ان كانت كما أتمناها و أحلم بها و المشكل أن حدث العكس -كم تقترح كمبلغ مهر عادل يناسب الراغبين في الزواج ؟ 5 ملايين [SIZE=4[/SIZE]

…تحيــــــــــــــــــــــــــــــــــــــــــــ ــــــــــــــــاتي…

السلام عليكم وجمعة مبارك
شكرا أخي على الموضع ،وحاش أن يكون الموضوع تافه ،فأي موضوع ديني يستحق التقدير
أنا في نظري المهر يرجع لمؤهلات الزوج ،حسب إمكانياته .
أنا مهري كان أكسي والدي يعني لم يذفع لي فرنك واحد .من غير بعض الكسوى أو طقم ذهب سعره لا يتجاوز 5ملاين .

شكرا على مرورك الطيب أخي fm …أنا أيضا أجد مهر 5 مليون سنتيم مقبول في العموم وهذا لا يعني أنه تقليل من شأن المرأة بقدر ما هو تيسير للزواج لأنه لا يخفى على المرأة بأن الرجل تنتظره مصاريف كبيرة أخرى لو أنه يوفرها لاستطاع أن يشتري بها قطعة أرض صغيرة أو كراء منزل لأربع سنوات على الأقل ريثما يفرج عليه ربي سبحانو ….و أما بخصوص تخوفك من أن تتزوج ثم تصدم بامرأة لا تناسبك فأقول لك استخر الله عز و جل و توكل عليه و ما راح تلقى غير الخير

و علاش حسارة فيها لو كان تعطيها رزقك !!!

سنعود ….. بعد قليل

حسب امكانيات الزوح ادا كان عنه ما يحرمهاش وادا مكانش عنه هي ما تغبنهش

انا بان لي ان المهر من 5 الى 10 مليون راهو مهر لا بأس به………………والتيسير امر مطلوب ………….وكل واستطاعته ……………..فاذا كنت استطيع ان ادفع 3 مليون وهي لم تقبل فلها ذلك فانا ايضا لا اكلف نفسي قدر استطاعتها كما انها هي لم تقدر استطاعة الرجل ………………….واذا كنت استطيع ان ادفع 40 مليون لن ادفع لكي لا اسن سنة سيئة في هذا المجتمع الذي يبحث عن الرياء بكل اشكاله……………………المهم بالنسبة لي والله اعلم المهر من 5 الى 10 اقبل وان طلبت اقل ستكبر في قلبي كثيرا واعرف ان هذا قليل الحدوث …………والله اعلم………………….والله المستعان

– بكل صراحة هل تقبلين خاتما من حديد لقاء المهر ؟؟ اذا كانت اجابتك ب لا فلماذا ؟؟؟؟
مانقبلش خاتم نقبل سلسلة هههههههههههههـــــــــ امزح

-كم تطلبين لقاء المهر ؟
انا اختى اخطبها اخ سلفي وبابا قالو ادفع كيما تقدر مانحددلكش
ادفع فيها 7 ملاين
انا مانطلبش ماعنديش اهمية يدبر راسو هو وبابا
وماتنساش اقلهن مهرا اكثرهن بركة
-ما هو مبلغ المهر العادل في رأيك ؟
هو صراحة العرس ليلة وتدبيرتو عام
فيه بزاف قشاوش تديهم المراة لازملها ولازملها
بصح كي تجي اتشوف للراجل حتى هو عندو مايحك مسكين
نضن المهم
5 ملاين
والله اعلم

السلام عليكم

بصراحة ودون مثالية

لا اقبل خاتم الحديد
لكن اقبل مكانه بمصحف

بالنسبة لي المهر الملائم 6 ملايين وهو مهر اختي
لا اكثر ولا اقل

لا داعى للمبالغة فى الامر و فى المهر اخى الكريم لكن ربى يهدى بنات اليوم الذهب عمالهم عينيهم و يدفعهم لطلب مهر كبير دون مراعاة ظروف الخطيب سبحان الله هادى تخمم فى السانتورة المكروشية و لخر لمسايس و لخرا منهيه كرافاش بولحية اسغفر الله ربى يهدى بناتنا انا ارى ان المهر يكون حسب ظروف الزوج و المهر القادر على دفعة الزواج ليس بالمهر فقط زعما يقولو لبنات بعتونى بارخيس و انى منسوا والو عند راجلى بهاد السوما يعنى تشوف غير ما لا تحمد عقباه نقولك انا ماما و الله جابها بابا غير ب 3ملايين و بنات دك يحوسو على 15 مليون انا ارى ان المهمر لا يعدى 9ملايين او اقل يعنى على حساب مقدرة الزوج
تقبل مرورى واتمنى ان لا يزعجكم ردى

تستحق 10 دج هههه

بالنسبة للأخوات :

– بكل صراحة هل تقبلين خاتما من حديد لقاء المهر ؟؟ اذا كانت اجابتك ب لا فلماذا ؟؟؟؟
-كم تطلبين لقاء المهر ؟
-ما هو مبلغ المهر العادل في رأيك ؟

بصراحة لا
لاني متاكدة ماكاش واحد في هدا الوقت مايقدرش يشري خاتم خفيف
ادا ماقدرش الامر يرتبط بالخدمة وفي هادي الحالة هدا واحد فنيان مايحوسش يخدم ويحوس يتزوج
بالنسبة لمبلغ المهر كل منطقة تختلف عن اخرى احنا الاكثرية يدفعو 10ملاين
او 7 او 8

تستاهل خاتم نتاع فضة و 100 دج فليكسي و 2 روبات كي تبدل ….. وين تلقاهم ؟؟ باباه و ما يجيبهلاش هكذا

السلام عليكم اخوتي الكرام
وكالعادة ثار في نفسي تساؤل الا وهو مسألة المهر
العديد من العرائس تشتري جهازها من ذلك المهر الذي يعطيها اياه الزوج ؟
اليس من واجب الاباء تجهيز بناتهن عندما يقبلن على الزواج ؟ على حساب واش شفيت انه الفتاة يصرف عليها والدها حتى الزواج يعني من الواجب عليه يجهزها ومن جهة اخرى هل هذه النقطة وترك بعض الاباء لواجبهم فتح المجال نحو زيادة المهر؟ لوهلة تبادر الى ذهني ذلك لانه لو كانت تلك الفتاة مجهزة لما اخذت من المهر ؟ فقط اود مناقشت هذه النقطة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

السلام عليكم اختي
راني عارفة تقلقت من ردي في موضوع الاخت لما سالتها عن مهرها لأنو غالي
اختي كل منطقة وعداتها لأانو في منطقتنا الفتاة ما تديش جهاز الدار إلا إذا كانت من قبل شراتو وحدها هنا هي حرة اما تشريلو تلفاز وغشالة وصالون ماكان منها هذي إحنا ندو الفراش غطاوات وشهرات ومثلا كاشريذو او زرابي لكن اجهزة منزلية لا ما ندوهمش على هذا المهر نتاعنا واقعي من 8 حتى 10 ملاين منهم كل شي إلا خاتم الخطوبة هذاك امر وحدو على هذا إستغربت 14 مليون وكل عائلة وكيفاه
اما الوالد يجهز بنتو فذلك إختياري له كان عندو اكيد ما يستناش العريس وكان ما عندوش تدي جهدها واللي قدرت عليه شكرا

السلام عليكم أختي كاميلا
حسب رأيي فالمهر الحقيقي الذي تأخذه الفتاة هو الذهب لا غير
أما الباقي فهو في عرف الناس مهر لكن حقيقة انما هو مال لتأثيث بيت الزوجية و هذا الغالب في عادات مجتمعنا
بكل بساطة فالمهر ذهب + مال التجهيز لكن مهرها الحقيقي هو الذهب اما الامور الاخرى فهي تجهيز لها لكل تذهب لبيت زوجها
المشكل ان بعض المناطق يسقطون الذهب او المهر زهيد جدا اي ان المرأة لا تأخذ مهرا مطلقا بل تكتفي بلباس او لباسين و بعض الفراش و الاغطية هههههههه و الامر الاساسي عند اهلها هو ان تكون سعيدة — الهنا و الطيب — و فقط
ربي يبارك للجميع و يرزقهم الازواج و الذرية الطيبة
بارك الله فيك أختي كاميلا على الموضوع الجميل و أقر الله عينيك بما تحبين
ســـــــــــــــــــــــــــــــــــــــــــــــــ ـلام

اقتباس:

المشاركة الأصلية كتبت بواسطة مريم الصابرة السلام عليكم اختي راني عارفة تقلقت من ردي في موضوع الاخت لما سالتها عن مهرها لأنو غالي اختي كل منطقة وعداتها لأانو في منطقتنا الفتاة ما تديش جهاز الدار إلا إذا كانت من قبل شراتو وحدها هنا هي حرة اما تشريلو تلفاز وغشالة وصالون ماكان منها هذي إحنا ندو الفراش غطاوات وشهرات ومثلا كاشريذو او زرابي لكن اجهزة منزلية لا ما ندوهمش على هذا المهر نتاعنا واقعي من 8 حتى 10 ملاين منهم كل شي إلا خاتم الخطوبة هذاك امر وحدو على هذا إستغربت 14 مليون وكل عائلة وكيفاه اما الوالد يجهز بنتو فذلك إختياري له كان عندو اكيد ما يستناش العريس وكان ما عندوش تدي جهدها واللي قدرت عليه شكرا

ههههههههه لا ماش من ردك قلقت من الرجال كي يستغربوا
هيه يا اختي حنا في قسنطينة يزيده مالين لعريس يتشركوا كي متجيبيش حاجة علابالي عادات بالية بصح النسا يا النسا الشيء اللي تصرفه العروس ودارهم عندنا كيف العريس وربما اكثر يعني راهم كيفكيف على العكس من ذلك بنات القبايل هوما الفايقات ميشرطوش الشرط يمدلهم 500دج مي يجيبلها parur المهم ذهب وشاة لحلال الخ من المصاريف ومن بعد تجيه بالفاليزا تعها كيما صراتلنا مع زوجة اخي هههههههههه بل وبعد الزواج مقنعتش بذهبها قاتلك دير اكثر هادو هوما الناس الفايقين علاش كيفنا احنا تديله كل شيء ومهيش مليحة

اقتباس:

المشاركة الأصلية كتبت بواسطة لذريق السلام عليكم أختي كاميلا حسب رأيي فالمهر الحقيقي الذي تأخذه الفتاة هو الذهب لا غير أما الباقي فهو في عرف الناس مهر لكن حقيقة انما هو مال لتأثيث بيت الزوجية و هذا الغالب في عادات مجتمعنا بكل بساطة فالمهر ذهب + مال التجهيز لكن مهرها الحقيقي هو الذهب اما الامور الاخرى فهي تجهيز لها لكل تذهب لبيت زوجها المشكل ان بعض المناطق يسقطون الذهب او المهر زهيد جدا اي ان المرأة لا تأخذ مهرا مطلقا بل تكتفي بلباس او لباسين و بعض الفراش و الاغطية هههههههه و الامر الاساسي عند اهلها هو ان تكون سعيدة — الهنا و الطيب — و فقط ربي يبارك للجميع و يرزقهم الازواج و الذرية الطيبة بارك الله فيك أختي كاميلا على الموضوع الجميل و أقر الله عينيك بما تحبين ســـــــــــــــــــــــــــــــــــــــــــــــــ ـلام

وعليكم السلام اخي لذريق
والله لم اكن ادري ان مهر المرأة هو الذهب حقيقة لم يكن في تصوري ذلك

السلام عليكم .هذا مشكل كبير المهر انا نخطبت و قطعوا الشرط و كان 14مليون و بارور على هذاك خطيبي قالي اقعدي في دار باباك و يماه قالت ليما خلي بنتك عندك شفتو واش يصرا لي و هاذي كامل بعد 7 اشهر من الخطبة و الي زاد هبلني الناس و كلامهم .غرجو دعاية و هي بلي انا انخطبت لولد عمي و درت عليه و هذا ماشي صحيح ولد عمي خطب واحدة اخرى و من بعد دارت عليه.هذا كامل على المهر و النار تاع الناس حسبي الله و نعم الوكيل

اقتباس:

المشاركة الأصلية كتبت بواسطة لذريق لست أقصد أن مهر المرأة هو الذهب فقط لكن كنت أشرح في عرف المجتمع و المهر الحقيقي الذي تناله في زواجها أي أن المبلغ المالي و الذهب يسمى كله مهرا اما في حقيقة الامر فهي تأخذ فقط الذهب و اما المال فتجهز به نفسها و تشتري الفراش و بعض الاشياء الضرورية لبيت الزوجية أما أن يكون مهرها عبارة عن ذهب و فقط ،فهذا ليس صحيحا، فممكن أن يكون :اموال، هدايا ،عقارات ،ذهب ،سيارة،……….. يعني بحسب طاقة الزوج هههههههههههه شكرا على الرد الطيب اختي كاميلا

ههههههه مليحة هاذي تع سيارة عقار الخ الخ ههههههههههههههههههههه هاذي موحال يديرها الرجل الشرقي او الجزايري بحكم اننا الله غالب شعوب جيعانة مام اللي طلع عليه النهار رح يبقى العرق تاع الجوع ينبض اذا من المستحيل يمد مهر كيما هكد هههههههه
بارك الله فيك اخي لذريق

اقتباس:

المشاركة الأصلية كتبت بواسطة اسماء عرعار السلام عليكم .هذا مشكل كبير المهر انا نخطبت و قطعوا الشرط و كان 14مليون و بارور على هذاك خطيبي قالي اقعدي في دار باباك و يماه قالت ليما خلي بنتك عندك شفتو واش يصرا لي و هاذي كامل بعد 7 اشهر من الخطبة و الي زاد هبلني الناس و كلامهم .غرجو دعاية و هي بلي انا انخطبت لولد عمي و درت عليه و هذا ماشي صحيح ولد عمي خطب واحدة اخرى و من بعد دارت عليه.هذا كامل على المهر و النار تاع الناس حسبي الله و نعم الوكيل

وعليكم السلام اختي اسماء لم افهم مشكلتك بالضبط ؟ هل هي في الشرط ؟ ام في عائلة خطيبك ؟ اذا اردتي التواصل معي فلا مشكلة لدي

اقتباس:

المشاركة الأصلية كتبت بواسطة ardfatima سلام عليكم انا عطاوني مهر 10 ملايين و parure مهم شريت الفراش 10 لحوف و 10 مخاد 12 كوفيرطة و 3 كوفرلي و 3 كوات و تابي و موكات و لناب ميكرو باش نخدم بيه و كل ما يلزمني وزدت شريت ثلاجة صغيرة نتاع شومبرا جاتني كلشي 25 مليون دار راجلي معجبهومش الحال خاصة كيشافو ثلاجة عزوجتي قالت لراجلي جابت ثلاجة حسبتنا غاديين نجوعوها!!!!!!!!!!!!!!!!!!!!!!!!

والله كيما ديري ماكيش مانعة كون حتى تمشي بمشيتك في الطريق تلقايها تداخل في مشيتك ههههههههه لا خافت تخبي عليها كاش ماكلة في الثلاجة تاعك هههههههه
ربي يصلح احوال النسا منعرف علاش نداخله في كل شيء من مادامكي عايشة في دارها رح تدخل ومن الافضل تسكتي وخلاص

اقتباس:

المشاركة الأصلية كتبت بواسطة ardfatima راني ساكتة شا ندير زدت شريت من بعد روبيات لنستحقهم عجانة ميكسور قلاية البطاطا و ليطحن حشايش…… زادت هبلت قالتلي نتيا ماكيش باغيا قاع تخدمي بليدك!!!!!!!!!!!!!!!! قالت لراجلي اخلاتنا في فاتورة كهرباء!!!!!!!!!!!!! باغيتني ثاني نخلص فاتورة الكهرباء!!!!!!!!!

والله كيما ديي ماكيش مانعة ربي يعينك وخلاص

سر مهر المرأة من أسباب بركة زواجها كما ثبتت بذلك سنة رسول الله صلى الله عليه وسلم، ففي الحديث الذي رواه أحمد عن عائشة رضي الله عنها عن النبي صلى الله عليه وسلم قال: أعظم النساء بركة أيسرهن مؤنة. وفي مستدرك الحاكم عن عقبة بن عامر أن النبي صلى الله عليه وسلم قال: خير الصداق أيسره.

اقتباس:

المشاركة الأصلية كتبت بواسطة السمروني سر مهر المرأة من أسباب بركة زواجها كما ثبتت بذلك سنة رسول الله صلى الله عليه وسلم، ففي الحديث الذي رواه أحمد عن عائشة رضي الله عنها عن النبي صلى الله عليه وسلم قال: أعظم النساء بركة أيسرهن مؤنة. وفي مستدرك الحاكم عن عقبة بن عامر أن النبي صلى الله عليه وسلم قال: خير الصداق أيسره.

بارك الله فيك شكرا للمرورالكريم

السلام عليكم يا جماعة الخير اليوم اردت أن نتناقش في موضوع ربما الكثير من الشباب يعانون منه ألا وهو المهر الغالي
هناك شباب يتقدمون لخطبة فتاة بعد التخدث والموافقة يأتي دور الشروط وتبدأ الماديات بالتحدث ويأتي الرقم الخيالي 10 ملايين و15 مليون إسمحولي هنا اتحدث بالعامية
هذي بقرة وإلا سيارة يسمحولي الجميع علاه الحلال دايما يصعبوه الاهل الشاب مسكين على واش يلحق يروح يسرق ومن بعد يقولك بناتنا بارو حقها وما قلنا والو والشي غالي رانا عارفين مي فالواقع ماشي فوق الواقع وزيد هذاك نتاع كسي وإدي هذاك إهردها طيحلوا كثر من المهر نتاعها يبدا غير جيب وجيب وخلي الكادوات فالمناسبات تعمر الفاليزا قبل ما يديها يا نسا خلونا واقعيين الدين يسر ما راهش دين عسر هذا الحلال سهلوا فيه باه ديروا داركم وأنا ننصح الاهل إشروا راجل اللي ما عندوش يعني يتفرج ياكل ولادو في كرشو ناقشوني ممكن راني غالطة الصراحة لو جيت راجل ونروح نخطب ويقولولي عشرة وعشرين نقعد بلا زواج هذا رايي شكرا لكم جميعا ردودكم وكل وحدة تقولنا زعمى شعال يطلبو اهلها فيها
أنا كي كنت مخطوبة الصراحة خاتم الخطوبة و5 ملايين منهم كل شي وما عندهاش بزاف لانو ممكن تقولولي عندك بزاف من اللي كنت مخطوبة لالا فترة قريبة مي خطيبي زوالي وهو اللي إعطاني المهر لانوا أنا رفضت ما عندوش شكرا لكم الله يرحموا على كل حال

شكرا اختي الفاضلة موضوع هادف ويستحق النقاش
البركة في المرأة الصالحة والمهر جعل الله قيمته لصاحبة الشأن اي المخطوبة او العروس .وهي حرة فيه
ولا ننس ان الرسول (ص) قال في ممعناه الكفاية في المهر حتى يخاتم من حديد والله اعلم
فمن يسرت على خاطبها يسر الله عليها
شكرا

شكرا اختي الفاضلة موضوع هادف ويستحق النقاش
البركة في المرأة الصالحة والمهر جعل الله قيمته لصاحبة الشأن اي المخطوبة او العروس .وهي حرة فيه
ولا ننس ان الرسول (ص) قال في ممعناه الكفاية في المهر حتى يخاتم من حديد والله اعلم
فمن يسرت على خاطبها يسر الله عليها
شكرا

السلام عليكم ورحمة الله وبركاته
ياختى الزواج راه نصف الدين
وصح فيه جبيد من ناحية البنت وجبيد من ناحية الراجل راني شفت كلش في ختى وراجلها ربي يعينهم صح جبدة كبيرة
ربي يعينهم ان شاء الله
المهم انا هادي تاع غلاء المهور والله مانسمع بيها خلاص من جوايهنا غير من وليت ندخل للنت صبت الاغلبية يهدرو على غلاء المهور
احنا من جوايهنا سواء كانو اهل المراة فقراء او اغنياء
مايفوتش 7 ملاين
واللي ماعندوش يعانوه باه يتزوج
ومن الناحية ليا انا مانيش مخطوبة
نقولك على اختى كي جاو خطبوها هي ماطلبت ماهدرت
بابا ادا رايها غير في الموافقة ومن ناحية المهر قالو ادفع على حساب ماعندك
وماتزيرش روحك قاع كيما قلتى شرى راجل مش ماديات
ربي يهدينا ان شاء الله

صخكتينى اختى مريلينا
الموضوع هايل
بصح هدرت فيه بزاااف
فى منتدى الحياة الزوجية
كى يكتب المكتوب نخلوها على ربى ونشوف شحال نشرط ونتشرط
المهم دركا مرانيش نخمم فى المهور
وموضوعك هايل ورانى معاك فى واش قلتى

المهر هو مقياس للعائلة وللبنت في حد ذاتها ……………انا كي نخطب نخليهم هوما اللي يقولو اذا يسرو الامر رايح نفرح ونزيد من عندي .100 مليون ماشي خسارة فيها…………واذا عسرو اهنا نقلهم كيما في تمرين الابتدائي لا استطيع هههه…………..ونخليهم وربي ان شاء الله يبعثلهم الخطيب اللي يعطيلهم واش يبغو ……………………………وانا لي دوخني كيفاش يفكرو البنات ………..تقلك انا خسارة فيا 15 مليون ؟؟؟………..واش حاسبني رخيسة ؟؟؟؟…………….وعلاه يابنت الناس انا دايرتني اي وحدة نتزوج بيها ……….ولا دايرتني اي وحدة نعطيلها اسراري ونعطيلها كل ما املك ……………انا يحيروني هادون الاصناف ……………دايرة روحها ثمينة وانا نروح نرخس روحي على جالها …………………..اقعدو فكرو هكذا ……………….مقلى تيفال نشريها خير من مرا تتقلش وهي وااااالو …………..الله المستعان

لايهم قيمة المهر قدر ما يهم السعادة والأمان الذي يمكن لزوج أن يقدمه لزوجته من جهتنا المهر لا يجب أن يكون أكثر من3ملايين وأنا أستغرب عندما أسمع أنه يوجد مناطق في الجزائر مهرهم10ملايين أو أكثر أذن ان هذا كثير خاصة في الوقت هذا

اقتباس:

المشاركة الأصلية كتبت بواسطة مريلينا السلام عليكم يا جماعة الخير اليوم اردت أن نتناقش في موضوع ربما الكثير من الشباب يعانون منه ألا وهو المهر الغالي هناك شباب يتقدمون لخطبة فتاة بعد التخدث والموافقة يأتي دور الشروط وتبدأ الماديات بالتحدث ويأتي الرقم الخيالي 10 ملايين و15 مليون إسمحولي هنا اتحدث بالعامية هذي بقرة وإلا سيارة يسمحولي الجميع علاه الحلال دايما يصعبوه الاهل الشاب مسكين على واش يلحق يروح يسرق ومن بعد يقولك بناتنا بارو حقها وما قلنا والو والشي غالي رانا عارفين مي فالواقع ماشي فوق الواقع وزيد هذاك نتاع كسي وإدي هذاك إهردها طيحلوا كثر من المهر نتاعها يبدا غير جيب وجيب وخلي الكادوات فالمناسبات تعمر الفاليزا قبل ما يديها يا نسا خلونا واقعيين الدين يسر ما راهش دين عسر هذا الحلال سهلوا فيه باه ديروا داركم وأنا ننصح الاهل إشروا راجل اللي ما عندوش يعني يتفرج ياكل ولادو في كرشو ناقشوني ممكن راني غالطة الصراحة لو جيت راجل ونروح نخطب ويقولولي عشرة وعشرين نقعد بلا زواج هذا رايي شكرا لكم جميعا ردودكم وكل وحدة تقولنا زعمى شعال يطلبو اهلها فيها أنا كي كنت مخطوبة الصراحة خاتم الخطوبة و5 ملايين منهم كل شي وما عندهاش بزاف لانو ممكن تقولولي عندك بزاف من اللي كنت مخطوبة لالا فترة قريبة مي خطيبي زوالي وهو اللي إعطاني المهر لانوا أنا رفضت ما عندوش شكرا لكم الله يرحموا على كل حال

الله يرحم من كان خطيبك..
التضييق على الحلال يجد متنفسا في غير الحلال…
ماطرحته يا أخت هو الجرح الذي لايتوقف نزفا…

اقتباس:

المشاركة الأصلية كتبت بواسطة الأستـ كريم ــاذ بسم الله الرحمن الرحيم الحمد لله والصلاة والسلام على رسول الله محمد وعلى آله وصحبه وسلم تسليما . إخواني أخواتي : السلام عليكم ورحمة الله تعالى و بركاته . إن قضية المهور في العصر الحاضر صارت مشكلة عويصة مستعصية وأصبح الزواج بسبب ذلك من الأمور الشاقة أو المستحيلة ، وبلغ المهر في بعض البلاد حدا خياليا لا يطاق إلا بديون تثقل كاهل الزوج ويأسف كل غيور أن يصل الأمر ببعض الأولياء أن يطلب مهرا باهضا من أناس يعلم الله حالهم لو جلسوا شطر حياتهم في جمعه لما استطاعوا، وصارت المرأة الحرة الكريمة المحصنة العفيفة سلعة تعرض للبيع والمرابحة، فلنعد إلى زمن قدوتنا وقرة أعيننا محمد ـ صلى الله عليه وسلم ـ لنرى هديه في المهر : ********** روى مسلم عن أبي سلمة بن عبد الرحمن قال : (( سألت عائشة ـ رضي الله عنها ـ كم كان صداق رسول الله ـ صلى الله عليه وسلم ـ ؟ قالت : كان صداقه لأزواجه اثنتي عشرة أوقية و نشّا ، قالت : أتدري ما النشّ ؟ قلت : لا ، قالت : نصف أوقية فذلك خمسمائة درهم )) . ********** و عن أنس بن مالك ـ رضي الله عنه ـ (( أن رسول الله ـ صلى الله عليه وسلم ـ أعتق صفية بنت حيي و جعل عتقها صداقها )) أخرجه الشيخان في حديث طويل . ********** و صح في البخاري و مسلم من حديث سهل بن سعد : (( أن النبي ـ صلى الله عليه وسلم ـ زوج رجلا بما معه من القرآن )) . ********** و في سنن النسائي عن أنس ـ رضي الله عنه ـ قال : (( تزوج أبو طلحة أمّ سليم فكان صداق ما بينهما الإسلام ـ يعني كان مهرها إسلام أبي طلحة ـ قال ثابت راوي الحديث عن أنس : " فما سمعت بامرأة قط أكرم مهرا من أم سليم في الإسلام " )) . ********** و في البخاري و مسلم أن عبد الرحمن بن عوف ـ رضي الله عنه ـ تزوج على وزن نواة من ذهب فقال له النبي ـ صلى الله عليه وسلم ـ : (( أولم و لو بشاة )) . ********** و قد أنكر النبي ـ صلى الله عليه وسلم ـ على المغالين في المهور ، ففي صحيح مسلم من حديث أبي هريرة ـ رضي الله عنه ـ ((أن رجلا جاء إلى النبي ـ صلى الله عليه وسلم ـ فقال : إني تزوجت امرأة من الأنصار فأعنّي على مهرها ، فقال له : على كم تزوجتها ؟ ، قال : على أربع أواق ( يعني الفضة ) ، قال : أربع أواق ؟ كأنّكم تنحتون الفضة من عرض هذا الجبل ، ما عندنا ما نعطيك ، لكن عسى أن نبعثك في بعث تصيب منه )) . ********** و روى أبو داود و الترمذي عن أبي العجفاء السلّمي قال : خطبنا عمر يوما فقال : " ألا لا تغالوا في صدقات النساء فإن ذلك لو كان مكرمة في الدنيا أو تقوى في الآخرة كان أولاكم بها رسول الله ـ صلى الله عليه وسلم ـ إلى أن قال : " و إن الرجل ليغلي بصدقة المرأة حتى يكون لها عداوة في نفسه " و الأثر صححه الحاكم و الترمذي و غيرهما ، أما اعتراض المرأة على عمر فهو ضعيف منكر و فيه انقطاع ، و الآية لا تنافي توجيه عمر إلى ترك المغالاة في المهور . ********** هذا هو هدي نبيكم ـ صلى الله عليه وسلم ـ في المهور ، و قد نحى نحوه الصحابة الكرام ـ رضوان الله عنهم ـ فهل أنتم سائرون على نهجهم ؟؟؟ و منتهون عما وقعتم فيه من الإسراف و تعقيد مسائل الزواج ؟؟؟ أم أنكم تغمضون أعينكم و تصمون آذانكم و تجارون أهواءكم ؟؟ عبثا و الله تفعلون ؟؟ ألأجل هذا خلق البنات و البنون ؟؟ ما لكم كيف تحكمون ؟؟ ثوبوا لرشدكم و توبوا لربكم و يسروا أمور الزواج ييسر الله لكم ، فالعبرة في الزواج ليست في الماديات و إنما في الصلاح و السكن و المودة و الرحمة و إنجاب الذرية الصالحة ، فكم من عروس تتزوج و تأخذ معها القناطير و لكنها سرعان ما إلى المحكمة تصير ؟؟؟ فإلى الشرع عودوا، و إلى هدي الحبيب محمد ـ صلى الله عليه وسلم ـ أنصتوا ثم اتبعوا..،و إن أبيتم فإلى مضار ذلك انتبهوا ؟؟؟ ********** مضار ظاهرة المغالاة في المهور : إن ظاهرة المغالاة في المهور و المنتشرة في هذا الزمان و في كثير من دولنا الإسلامية أدت إلى مضار كثيرة و خطيرة أهمها : 1-قلة الزواج لأن الغلو في المهور يكلف الرجال ما لا طاقة لهم به و بالتالي يتسبب في عزوفهم عن الزواج . 2-العزوف عن الزواج يؤدي إلى تأخر زواج الكثير من شبابنا و شاباتنا متسببا في ظاهرة العنوسة التي بلغت في دولنا الإسلامية نسبة عالية . 3-العزوف عن الزواج يؤدي كنتيجة حتمية إلى انتشار الفساد و الفواحش . 4-المجتمع الذي تنتشر فيه هذه المفاسد يكون مجتمعا غير مترابط . 5-أن الآباء قد يمنعون الأكفاء لأنهم لا يستطيعون دفع مهر كثير و يزوجون غير الأكفاء لأنهم يدفعون ما يرضي الآباء من المهر . 6- أنه إذا ساءت العلاقة بين الزوج والزوجة، وكان المهر بهذا القدر الباهظ فإنه لا تسمح نفسه غالبا بمفارقتها بإحسان، بل يؤذيها ويتعبها لعلها ترد شيئا مما دفع إليها، ولو كان المهر قليلا لهان عليه فراقها. أيها الآباء أيتها الأمهات : اتقوا الله في بناتكم و أولادكم ، و حينما أقول أبنائكم ما أخطأت التعبير فإن الذي يتقدم لخطبة ابنتكم و رضيتم به زوجا لها أصبح بمرتبة الابن ، أترضون أن تكلفوا أبناءكم ما لا يطيقون ؟؟؟ و يدخلون إلى عش الزوجية و هم مدينون ؟؟ و بابهم من كثرة الدق عليه من الدائنين آه يئن أنين ؟؟؟ و ابنتكم لقلق زوجها من الحائرين ؟؟؟ و لجبينها من المطأطئين ؟؟؟ ويحكم كيف تفكرون ؟؟؟ ألا تريدون أن تروا أحفادكم من البنات و البنين ؟؟ ألا تحبون أن تكسبوا صهركم بمعاملتكم و تيسيركم له سبل الزواج فيتحرق إليكم بالشوق و الحنين ؟؟؟ و يحترم ابنتكم قرة العين ؟؟ أفيقوا فليس الهدف من الزواج مادة إنما هي السكن و المودة و المحبة و الرحمة فهل أنتم من الواعين ؟؟ و لغلاء المهور تاركين مطلقين ؟؟؟ و عن الرجل الصالح من الأغنياء و الفقراء من الباحثين ؟؟ فسلام عليكم إن كنتم من الفاعلين. الآثار الإيجابية لترك عادة المغالاة في المهور: 1- عدم إرهاق الشاب بالديون. 2-تحقيق الهدف من الزواج وهو السكن النفسي والاستقرار والرحمة وبناء الأسرة الصالحة. 3-حصول البركة والتوفيق بسبب يسر المهر. 4-التقليل من ظاهرة العنوسة. 5- تقليل نسبة الفساد وتحصين النفس من النظر المحرم والزنا ومقدماته. 6-التطبيق الحقيقي لتعاليم الإسلام في موضوع الزواج. موقف الإسلام: لقد جاءت تعاليم الإسلام تحث على تيسير أسباب الزواج، وذلك لأن الإسلام حرم الأبواب الخلفية للمتعة الزوجية وهكذا كان الحال أيام كانت الأمة تهتدي بهدي الشريعة الربانية. وهذه بعض النصوص في الموضوع إضافة إلى ما ذكر من نصوص من قبل : قال تعالى: (( وأنكحوا الأيامى منكم والصالحين من عبادكم وإمائكم إن يكونوا فقراء يغنهم الله من فضله والله واسع عليم)) [ النور:32]. وقال النبي ـ صلى الله عليه وسلم ـ : (( إذا جاءكم من ترضون دينه وخلقه فزوجوه إلا تفعلوا تكن فتنة في الأرض وفساد عريض)) رواه الترمذي وابن ماجه. وحث الإسلام الشباب على الإقبال على الزواج بعد أن أمر أولياء الأمور بأن لا يكونوا أسباب فتنة في الأرض وفساد مستطير، وحث الشباب على الزواج فقال ـ صلى الله عليه وسلم ـ : (( ثلاثة حق على الله عونهم : الناكح الذي يريد العفاف، والمكاتب الذي يريد الأداء – أي العبد الذي يريد أن يحرر رقبته ببذل مقدار من المال يكاتب عليه سيده – والغازي في سبيل الله )) رواه أحمد والترمذي وابن ماجه والحاكم . وقال أيضا ـ صلى الله عليه وسلم ـ (( خير الصداق أيسره)). كيف نواجه هذه العادة؟ 1- عدم التقيد بالعادات والتقاليد السخيفة من ارتفاع في المهر تذرعاً بمستوى البنت أو أهلها . 2- أن يثور على هذه العادة بعضُ أولياء الأمور بجرأة وشجاعة حتى يسير الناس على هذا الطريق وذلك لأن كل واحد من أولياء الأمور يخاف أن يكون هو البادئ بالخروج على العادة. 3- وعلى الحكومات مكافحة البغاء السري مكافحة مستمرة في كل مكان. 4- على الشاب أن يبحث عن الفتاة المناسبة التي ترضى به وألا يظن أن تيسير أمر الزواج يعني الإعفاء من كل تكاليف الزواج. ملاحظة : لقد تمكنا بعون الله و توفيقه في كثير من مناطق " جزائرنا " الحبيبة من القضاء على ظاهرة المغالاة في المهور ، بحيث اجتمع الأئمة و الأعيان و وضعوا ضوابط و قواعد للمهر مع القضاء على كل المخالفات الشرعية التي تقع في الأفراح و ألزموا بها الأمة ، و تلقتها الأمة بالقبول ، سائلا العلي القدير أن يوفق جميع المسلمين لما يحبه و يرضاه . نص وثيقة الاتفاق في منطقتنا : أقدم لكم هذه الوثيقة و هي عبارة عن النقاط التي تم الاتفاق عليها بين أئمة و أعيان المنطقة التي أقطن بها ، و التي لاقت استحسان جماهير الأمة ، و حذت جل المناطق حذوها ، و أقدم لكم النقاط المتفق عليها مع حذف الديباجة ، مع الإشارة إلى أن هناك وثيقة موسعة بالأدلة ، و لله الحمد و المنة أولا و أخيرا . 1-تخفيف و تيسير المهر في حدود : 60000.00 د.ج ( ستة ملايين سنتيم ) ـ على ألا يتجاوزه ـ و من أراد تخفيضه لأقل من ذلك فهو مشكور ، و هو المهر الذي ينبغي أن يكون علنيا و معلنا عليه في مجلس العقد دون مخالفة ، و مخالفته تعتبر كذبا و تدليسا و غشا و غدرا و خيانة للعهد يجب الابتعاد عنها ، مع ملاحظة أنه مهر شامل ، مع إلغاء ما يسمى بالملاك و الحنة ، و أما ما يسمى بالجهاز فلا يحق لولي الزوجة أن يشترطه على الزوج و يكون حسب الاستطاعة . 2-ندعو الأزواج أن لا يستغلوا التساهل في المهور في التلاعب بالنساء و الزواج و امتهان كرامة المرأة ، و يتقوا الله في عهد الله و أمانته ، و آخر ما أوصى به الحبيب محمد ـ صلى الله عليه وسلم ـ هو النساء . 3- تمكين الخاطب من الرؤية الشرعية للمخطوبة على أن تتم بحضور محرم ، مع عدم ترك الحشمة ( الحجاب ) و اجتناب الخلوة .. 4-عدم إكراه الفتى و الفتاة على الزواج بمن لا يرغب الزواج به سواء من الأقارب أو غيرهم . 5-منع الخلوة و الاختلاط بين الخطيبين بحجة التعرف على بعضهما قبل البناء . 6- منع الغناء الذي أحدث في حفلات الزواج بما يصحبه من آلات اللهو و ما يستأجر له من مغنيين و مغنيات و بآلات تكبير الصوت لأن ذلك منكر محرم يجب اجتنابه و الابتعاد عنه لما يترتب عليه من إيذاء للجيران و خاصة بالليل . 7- منع اختلاط الرجال بالنساء في الأعراس و منع دخول الزوج على زوجته بين النساء السافرات، مع تجنب عمليات التصوير بأنواعها و خاصة الكاميرات نظرا لما ينجر عن ذلك من هتك للأستار. 8-منع الإسراف و تجاوز الحد في ولائم الزواج لأن المبذرين كانوا إخوانا للشياطين . 9- من منكرات الأفراح التشريعة عند الزواج : و هي أن تلبس المرأة ثوبا أبيضا كبيرا لا تستطيع المشي به ـ الروبة ـ و تلبس معه شرابا أبيضا و قفازين أبيضين مع إبداء كامل الزينة من مساحيق و نحو ذلك و كأنها عارضة أزياء ، و وضع المنصة أو الكوشة و جلوس الزوجين أمام الملأ وسط حشد من النساء المبديات للزينة ، و هذا ليس من عادات المسلمين بل من عادات الكافرين . 10- من منكرات الأفراح خروج النساء من بيوتهن متطيبات ، و هن في طريقهن إلى العرس يتعرضن للمرور على الرجال ، و هذا بلا شك حرام ، عن أبي موسى الأشعري ـ رضي الله عنه ـ قال : قال رسول الله ـ صلى الله عليه وسلم ـ : (( أيّما امرأة استعطرت فمرت على قوم ليجدوا ريحها فهي زانية )) . 11-نحث ونحبذ ونحبب في إجراء العقد الشرعي بالمسجد ، وفي حال كونه بالبيت يجب تجنب الإسراف . 12- الانتهاء عن الطواف بقميص العروس ملوثا بدم البكارة و كشف الستار و إظهار أثر العلاقة الزوجية صبيحة البناء ـ القمجّة ـ بالزوجة لمخالفته للشرع . 13-الانتهاء و التخلي كلية عن عادة غذاء العروسة و المعروف بالقصعة ، و التي يكلف بها أهل الزوجة لأنه لم يقل بها عرف أو دين ، و هي من التبذير المنهي عنه شرعا . 14-لا تطالب الزوجة بحمل أثاث كثير يوم عرسها إذ لا يكلف الله نفسا إلا وسعها مع عدم عرضه أمام الناس ، لأن تأثيث البيت مسؤولية الزوج و ليس الزوجة . و وفق الله الجميع

السلام عليكم اهي الفاضل بارك الله فيك كفيت ووفيت شرح كامل جزاك الله خيرا

اقتباس:

المشاركة الأصلية كتبت بواسطة الباديسي شكرا اختي الفاضلة موضوع هادف ويستحق النقاش البركة في المرأة الصالحة والمهر جعل الله قيمته لصاحبة الشأن اي المخطوبة او العروس .وهي حرة فيه ولا ننس ان الرسول (ص) قال في ممعناه الكفاية في المهر حتى يخاتم من حديد والله اعلم فمن يسرت على خاطبها يسر الله عليها شكرا

السلام عليكم أخي الكريم مغك كل الحق من المفروض العروس هي صاحبة الشأن لانوا من بعد هي راحا تتحمل مغ راجلها الكريدي نتاع العرس وعلاش يحطو روحهم فالكريدي يتزوجو على قد ما يقدرو ربي يوفق وكل وحدة وتفكيرها

اقتباس:

المشاركة الأصلية كتبت بواسطة أم البراء السلفية السلام عليكم ورحمة الله وبركاته ياختى الزواج راه نصف الدين وصح فيه جبيد من ناحية البنت وجبيد من ناحية الراجل راني شفت كلش في ختى وراجلها ربي يعينهم صح جبدة كبيرة ربي يعينهم ان شاء الله المهم انا هادي تاع غلاء المهور والله مانسمع بيها خلاص من جوايهنا غير من وليت ندخل للنت صبت الاغلبية يهدرو على غلاء المهور احنا من جوايهنا سواء كانو اهل المراة فقراء او اغنياء مايفوتش 7 ملاين واللي ماعندوش يعانوه باه يتزوج ومن الناحية ليا انا مانيش مخطوبة نقولك على اختى كي جاو خطبوها هي ماطلبت ماهدرت بابا ادا رايها غير في الموافقة ومن ناحية المهر قالو ادفع على حساب ماعندك وماتزيرش روحك قاع كيما قلتى شرى راجل مش ماديات ربي يهدينا ان شاء الله

السلام عليكم اختي الفاضلة إحنا عندنا المهور بالعشرة ملاين وخلي الدهب وزيد تغمر ليفاليز من ظهر الراجل راكي عارفة المهيبات والكادوات الصراحة أنا يغيضوني الشباب اللي ما عندوش واش يدير يروح للحرام والحلال نتاع ربي كاين مي الشي والمال ماكانش من واش من الاهل نرومالمو يسترو بنتهم وإذا ما عندوش وما إعطاهاش المهر نورمال راح يعطيها راحة البال البيت والسترة والعائلة هذي اهم من مال الدنيا الباقي تفاهات وباباك متفهم وشاري راجل مي كاين لالا شاريين المال ربي يسترنا شكرا على مشاركتك القيمة

اقتباس:

المشاركة الأصلية كتبت بواسطة النجمة القطبية صخكتينى اختى مريلينا الموضوع هايل بصح هدرت فيه بزاااف فى منتدى الحياة الزوجية كى يكتب المكتوب نخلوها على ربى ونشوف شحال نشرط ونتشرط المهم دركا مرانيش نخمم فى المهور وموضوعك هايل ورانى معاك فى واش قلتى

السلام عليكم أختي الغالية راني عارفة هذا الموضوع مطروح للنقاش في كل المنتديات صراحة كتبتو من نفسي إن شاء الله يجيك واحد ولد خلال مي ما تشركيش بزاف ثاني يهرب ويروح تخلعيه ههههههههههه بالشوي عليه بحبحيها المهم يكون راجل نتاع الصح ويحبك ووليد أصل ربي يخليك اختي شكرا

اقتباس:

المشاركة الأصلية كتبت بواسطة الواثق المهر هو مقياس للعائلة وللبنت في حد ذاتها ……………انا كي نخطب نخليهم هوما اللي يقولو اذا يسرو الامر رايح نفرح ونزيد من عندي .100 مليون ماشي خسارة فيها…………واذا عسرو اهنا نقلهم كيما في تمرين الابتدائي لا استطيع هههه…………..ونخليهم وربي ان شاء الله يبعثلهم الخطيب اللي يعطيلهم واش يبغو ……………………………وانا لي دوخني كيفاش يفكرو البنات ………..تقلك انا خسارة فيا 15 مليون ؟؟؟………..واش حاسبني رخيسة ؟؟؟؟…………….وعلاه يابنت الناس انا دايرتني اي وحدة نتزوج بيها ……….ولا دايرتني اي وحدة نعطيلها اسراري ونعطيلها كل ما املك ……………انا يحيروني هادون الاصناف ……………دايرة روحها ثمينة وانا نروح نرخس روحي على جالها …………………..اقعدو فكرو هكذا ……………….مقلى تيفال نشريها خير من مرا تتقلش وهي وااااالو …………..الله المستعان

السلام عليكم اخي الفاضل ما رانيش معاك المهر ماراهش مقياس يعني لو غالي هي وأهلها غاليين والي رخيص معناها هوما هكذاك لالا المهر راه وإلا الحاجة الكبيرة اللي يخافو منها الشباب لانو مؤكد اهل العروسة راحيين يطلبو بزاف يقولك كل حاجة ولات غالية يا اخي الخسارة والتبذير علاه تدي الحوايج قيسها قيس ما يكفيها عام ومن بعد راهي عند راحلها تحتاج يجيبلها وكاين اللي يطلبو 15 مليون بنتهم تقول الملكة ديانا المشكل اهلها هوما اللي حاطين بنتهم منها وخلق ملكة الجمال ماكانسش كيفها ولو تعشرها مليح البطاطا وما تقليهاش وعندك الحق مقلى تيفال ولا وحدة ب 15 مليون جيب آر4 تخدم بيها ربي يسترنا شكرا

الرجاء من يعرف اسعار الذهب في هذه الايام الذهب الجزائري ان يستفسر لي عن اسعاره ويعلمني بالمنطقة التي يباع بها رجاءا رجاءا
وياريت منطقة الجلفة و مسعد خصوصا حول اسعار الخواتم ولو تكرمتم سعر بعض انواع الخواتم وساكون ممتنا لكم

ادا نتاع تلباس الخاتم برك اي الفاتحة ما يفوتوش 3 ملاين

المرحلة الاولى راني كملتها و هي تلباس الخاتم انتاع الخطوبة و ذرك لي نقصدو هو تقديم المهر ونقدمو فيه زوج خواتم مع المبلغ المالي هاذو لي نقصدهم وشكرا لك على الرد

أسعار الذهب ليوم 20 فبراير 2024 للغرام (تقريب نفسها في كل ولايات الوطن )

سعر الذهب عيار 24 …… 3686.46 د.ج
سعر الذهب عيار 22 …… 3379.26 د.ج
سعر الذهب عيار 21 …. 3225.65 د.ج
سعر الذهب عيار 18 …. 2764.85 د.ج
سعر الذهب عيار 14…. 2150.44 د.ج
سعر الذهب عيار 10…. 1536 د.ج

اما أسعار الخواتم يكون على حسب نوع الذهب ووزن الخاتم .

نسالكم هل هادو الخواتم من يشتراو طبعا من المحلات اي بيجوتري هل هكدا احسن من تشريه م اماكن اخري مع دهب مغشوش وووو مشاكل

اقتباس:

المشاركة الأصلية كتبت بواسطة mrmilano1984 نسالكم هل هادو الخواتم من يشتراو طبعا من المحلات اي بيجوتري هل هكدا احسن من تشريه م اماكن اخري مع دهب مغشوش وووو مشاكل

الأحسن ان تشتري الذهب من عنذ البيجوتري المعتمد لأن الذهب عنده مضمون وهو صاحب خبرة وحرفته ويمنح لك وصل شراء حتى لا تقع في مشاكل الذهب المغشوش والمسروق .

السلام عليكم حسب علمي راه الذهب طايح هاذ ليامات يعني ازرب روحك قبل مايعاود يطلع وربي يسهلك

ياريت لو اعطيتموني سعر الغرام من الذهب الجزائري في احد المحلات البيجوتري

العادي 4000 دج للغرام وذهب ايطاليا راه 6200دج للغرام

اقتباس:

المشاركة الأصلية كتبت بواسطة حمزاوي99 ياريت لو اعطيتموني سعر الغرام من الذهب الجزائري في احد المحلات البيجوتري

اذهب الى أقرب محل بيجوتري من بيتك وأسأله عن ثمن غرام الذهب حسب النوع وماتريده
لان الذهب يتغير ثمنه من يوم لأخر ومن جهة لأخرى ؟؟؟؟؟

كم يبلغ المهر (الشرط) في ولاية قالمة ؟
وكم تبلغ تكاليف الزواج (بدون تبذير )

أنت و المنطقة لي فيها

اقتباس:

المشاركة الأصلية كتبت بواسطة djihanegirl أنت و المنطقة لي فيها

كم في منطقتك ؟

بصراحة انا سمعت
يجيبو قناطر ونص ولا 2 قناطر صوف
ومقياس مليح الرخيص فيهم يدير ب 10 ملاين على ما اضن
وتمد دراهم قيمتها 5 ملاين

اقتباس:

المشاركة الأصلية كتبت بواسطة الجزائرية 2024 بصراحة انا سمعت يجيبو قناطر ونص ولا 2 قناطر صوف ومقياس مليح الرخيص فيهم يدير ب 10 ملاين على ما اضن وتمد دراهم قيمتها 5 ملاين

في أي منطقة ؟

انا نهدر على الشرط و الذهب و.و…. قداش ؟

يعني الشرط كي قتلك شرو 10 ملاين والذهب ذكرتلك وش جابو وش مفهمتش اليس كافيا
راني عطيتك كلش بالتفصيل والتدقيق

اقتباس:

المشاركة الأصلية كتبت بواسطة some1 كم يبلغ المهر (الشرط) في ولاية قالمة ؟ وكم تبلغ تكاليف الزواج (بدون تبذير )

يا اخي كل منطقة وكيفاه مثلا عندنا في الغرب يشرطوا من 6 ملايين و الذهب ولباس تقليدي كالقسنطينية اويشرطو 10 ملايين والذهب

اقتباس:

المشاركة الأصلية كتبت بواسطة some1 كم يبلغ المهر (الشرط) في ولاية قالمة ؟ وكم تبلغ تكاليف الزواج (بدون تبذير )

يا اخي كل منطقة وكيفاه مثلا عندنا في الغرب يشرطوا من 6 ملايين و الذهب ولباس تقليدي كالقسنطينية اويشرطو 10 ملايين والذهب

المهر حوالي 10 ملاين

المهر ليس محدد في الاسلام طل واحد وطاقته
كاين الل طاقته بالقليل وكاين اللي بالكثير
انا نسمع انه الشرط في الشرق غالي جدا
وفي الوسط بالتقريب 10 و12
وفي القبائل اقل من هذا المبلغ حوالي النصف
والله اعلم

علابالي في قالمة زايد بزاف

في قالمة اخي يشرطو بزاف المهر 10 ملاين و مقياس وساعات محزمة انت و العايلة لي طيح فيهها بالتوفيق

المجموووووووع كله هو 20 مليون

اقتباس:

المشاركة الأصلية كتبت بواسطة some1 كم يبلغ المهر (الشرط) في ولاية قالمة ؟ وكم تبلغ تكاليف الزواج (بدون تبذير )

نحن في منطقتنا 5 ملاين و حاجة ذهب و 5 و نص ملاين جهاز و تعشي بمرتك