السلام عليكم واش راكم
انا ديت العطلة و حبيت نتعلم كيفاه نخدم بالكريستال و نصنع بيه
الى كل الي تعرف و عندها وقت حيتها تعلمني
و راني شفت الموضيع و الدروس مي حابة موضوع ليا و الى معرفش حاجة تجاوبني هنا باسكو غاد يبطاو باه يجاوبوني
و ان شاء الله ربي ميغبنكمش لا في دنيا و لا اخرة
و ربي يخليكم
مدابيها الي حابة تعلمني تحطلي هنا وش من نوع نشري الخيط و الكريات و شعال من وحدة
و الخيط تاني شعال من ميترا
ارجوكم و تعلموني حبة حبة باه نستوعبهم هههه
و ان شاء ربي يرضي عليكم والديكم و يخليهملكم
1 خيط الصيد اي المشمع يتباع بالرولو اشري قبل العقاش لي يعجبك ومن بعد اشري الخيط يكون غليظ انا نخدم ب40
2 شوفي انتي واش باغيا تخدمي الا باغيا تخدمي شكل مدور مثل سكريات او مزهرية اشري العقاش مدور شوفي عينك ميزن في الحجم ويلا بغيتي تخدمي شكل مربع تاني تخيري العقاش شكل مربع
الا خيرتي لي باغية تخدميه قوليلي و نجاوبك اختي
اقتباس:
المشاركة الأصلية كتبت بواسطة fatouma45
1 خيط الصيد اي المشمع يتباع بالرولو اشري قبل العقاش لي يعجبك ومن بعد اشري الخيط يكون غليظ انا نخدم ب40 2 شوفي انتي واش باغيا تخدمي الا باغيا تخدمي شكل مدور مثل سكريات او مزهرية اشري العقاش مدور شوفي عينك ميزن في الحجم ويلا بغيتي تخدمي شكل مربع تاني تخيري العقاش شكل مربع الا خيرتي لي باغية تخدميه قوليلي و نجاوبك اختي
|
شكرا اختي ربي يخليك
انا منعرف فيه والو و حابة نبدا بتاع كاري اي مربع اولا
و عاجبتني نتاع الطراشين مي تبالي صعيبة على داك قلت هي نديرها ثانية
و العلبة الي بيها بغطاها روووعة
المهم دوكا حابة نبدا حبة حبة
و نبدا بتاع المربع اي نوع نشري منو وشعال يلزملي من مترا نتاع الخيط و حبة نتاع المرجان
للعلم انا شريت كتاب لكن مفهش منو
معليش تجاوبيني باسكو غدوى نروح نشري
شوفي اختي راه كاين انواع بزاف الكريستال واش حبيتي تخدمي حامل المناديل او علبة بالغطا تاعها اشري المدور الكبير او المربع وكاين اللي الشكل تاعو سداسي كيما اللي خدت بيهم المفارش كي تروحي للحانوت هو ينعتلك وانت واش حبيتي واشري خيط الصنارةى كاية الرقيق والخشين انا شريت المتوسط لانو يليق للمفارش اما الاكسسوارت لازم الخشين يعني على حساب حجم الحبة اللي راح تخدمي فيها بالتوفيق
حابة نخدم هدا النوع شعال يلزملي من حبة و شعال يلزملي من مترا نتاع الخيط
مركز تحميل الصور
ما قدرتش نحسبهم ههههههههههه المهم اشري بالميزان كيما انا شريت ب20 الف لون و20الف اللون التاني اما الخيط اشري وحدة كاملة لانو انا قالولي تتباع بالرولو كامل يعني ماكانش بالميترا فهمتيني كي تشري قوليلي نساعدك في خدمتو
فيه بنات ماشاء الله
واكيد يساعدوك
الورشات مازال شوي باه نفتتحوها
لانو الكل مشغول في هاذ الوقت
بالتوفييق
اقتباس:
المشاركة الأصلية كتبت بواسطة asya84
ما قدرتش نحسبهم ههههههههههه المهم اشري بالميزان كيما انا شريت ب20 الف لون و20الف اللون التاني اما الخيط اشري وحدة كاملة لانو انا قالولي تتباع بالرولو كامل يعني ماكانش بالميترا فهمتيني كي تشري قوليلي نساعدك في خدمتو
|
شكرا شكرا لكن بغيت نسقسيك الخسط كي نبدا بيه نبدا بالرولو وﻻ نقس فيه و اﻻ بديت بالرولو ميغبنيش و كي شريتي المرجان هكاك زايداك وﻻ نو
أختي الخيط يتباع عند اللي يبيع لوازم الخياطة و بالنسبة ليا أنا شخصيا نسكن في مدينة ساحلية نشريه من عند اللي يبيعو لوازم الصيد.
بالنسبة ل les nappes et les napperons نشري 0.4 مم و بالنسبة للأشكال اللي نصنعها مجسمة نشري 0.6 بالنشبة للكريات الصغيرة نوعا ما و 0.7 و 0.8 بالنسبة للكريات الكبيرة اللي نخدم بيها أشكال كبيرة.
و العقاش نتي خيري اللون و الحجم اللي تحبيه.
باش تبداي لازم تشوفي الفيديوهات اللي في جوجل يعلموك العقدة الأساسية أو قناة سميرة أو حتي اللي وضعوها الأخوات في هذا المنتدى.
أما بالنسبة للحاجة اللي حابة تصنعيها قولينا واش تحبي نعطولك الحساب كحامل المناديل مثلا.
تقبلي مروري و راني في الخدمة
راني استفدت معاك هههههههههههههه
شكرا على الموضوع والاخوات لي فادونا
اقتباس:
المشاركة الأصلية كتبت بواسطة أسماء هبة الرحمان
أختي الخيط يتباع عند اللي يبيع لوازم الخياطة و بالنسبة ليا أنا شخصيا نسكن في مدينة ساحلية نشريه من عند اللي يبيعو لوازم الصيد. بالنسبة ل les nappes et les napperons نشري 0.4 مم و بالنسبة للأشكال اللي نصنعها مجسمة نشري 0.6 بالنشبة للكريات الصغيرة نوعا ما و 0.7 و 0.8 بالنسبة للكريات الكبيرة اللي نخدم بيها أشكال كبيرة. و العقاش نتي خيري اللون و الحجم اللي تحبيه. باش تبداي لازم تشوفي الفيديوهات اللي في جوجل يعلموك العقدة الأساسية أو قناة سميرة أو حتي اللي وضعوها الأخوات في هذا المنتدى. أما بالنسبة للحاجة اللي حابة تصنعيها قولينا واش تحبي نعطولك الحساب كحامل المناديل مثلا. تقبلي مروري و راني في الخدمة
|
اختي مفهمش هديك 0.8 يعني كيفاه
و بالنسبة لواش حابة نخدم راني دايرة للاخت لفوق هداك الناب السداسي و ممبعد نزيد نخدم نتاع الطراشين
شكرا ربي يعطيك ما تتمناي
اقتباس:
المشاركة الأصلية كتبت بواسطة منال 15
راني استفدت معاك هههههههههههههه شكرا على الموضوع والاخوات لي فادونا
|
الحمدلله انو مش انا وحدي لي راني رايحة نستفاد و العفو
0.8 و 0,7 iهو رقم الخيط.. كي تروحي تشري قوليلهم الرقم يعطوكي الخيط