أنا جيت هههههههههه
صباح الخير صديقاتي العزيزات
طولت عليكم شوية ؟ علابالي
راني حبيت نعطي فرصة للاخوات اللي يخدمو في ورشة لمة الاحباب اللي تشرف عليها حبيبتي كرونو باش يكملو الورشة تاعهم و يبداو معانا ورشتنا
و هكذا يتعلم الجميع و يستفيد
و بعد ما تم التصويت على الشال الاول
وهذا تطبيقي
درتلكم الخطوات الاولى بالشرح و الصور باش كل وحدة تكسل يديها و تبدأ في العمل
نبدأ بسم الله الرحمن الرحيم
اول خطوة هي الادوات ( ساهلة ماهلة ) : فورش- كروشي- وخيط صوف
نبدأ عمل الاشرطة بالفورش كما وضحته جيدا في اول درس و ها هي روابط جميع الدروس اللي درناها قبلا
https://www.djelfa.info/vb/showthread.php?t=1380576
https://www.djelfa.info/vb/showthread.php?t=1407089
https://www.djelfa.info/vb/showthread.php?t=1416122
https://www.djelfa.info/vb/showthread.php?t=1452706
https://www.djelfa.info/vb/showthread.php?t=1464404
يعني نتحصل على اشرطة طويلة على حسب طول الشال اللي حبيتيه
ثم نبدأ في العمل على احدى الحواف كالآتي :
يعني نترك 10 خيوط من شريط الفورش ثم نبدا العمل على الخيوط ال10 التالية حيث نجمعها بغرزة مشدودة( X )
ثم نعمل 8 عيون ثم نجمع الخيوط ال10 الاولى بغرزة مشدودة أيضا
ثم نعمل 8 عيون أخرى و نترك ايضا 10 خيوط و نجمع ال10 اللي وراءها
عندما نكمل العمل على الحافة الاولى للشريط ننتقل الى الحافة الثانية
نبدأ العمل على الخيوط ال10 الاولى ثم نعمل 8 عيون و نترك الخيوط ال10 الثانية و نعمل على الخيوط ال10 الثالثة
( علابالي مافهمتوش ههههههههههههه)
يعني باش يكون تقابل في العمل و باش يطلعلنا ال zigzag اللي في وسط شريط الفورش لازم يكون تعاكس في الخدمة ما بين الحافتين كما في الصورة
تخرج الخدمة هكذا
و هكذا نعمل جميع الاشرطة
و كاينة طريقة ثانية للربط انا خدمتها ( يعني من راسي هههه) هكذا
يعني في الحافة الاولى يكون العمل كيما شرحته يعني الخيوط ال10 اللي تركناها نخدموها فوق الخيوط ال10 اللي تليها
اما في الحافة الثانية امرر الخيوط ال10 اللي تركتها تحت الخيوط ال10 اللي تليها
يطلع العمل هكذا
ها هو الفرق بين العملين و انتوما خيرو اللي يعجبكم
و هاذي هي المراحل الاولى
رايحة نكمللكم طريقة ربط شريط مع شريط في الايام القادمة كي نكمل الشريط الثاني ان شاء الله
يتبع بإذن الله,,,,,,,,
صباح النور
راني جبتلكم الشرح بالنسبة للصوف الخشينة + بقية الشرح كيفاش نلصق الشريطين معا
بسم الله الرحمن الرحيم
و أخيرا ها هو الشال
واش رايكم ؟
يسعدني نكون اول من ترد بارك الله فيكي الدرس مفهوم جزاكي الله خيرا و ربي يجعلوا في ميزان حسناتك
صباح الخير يا أهل الخير
ربي يحفظك و يحفظلك كل العائلة و يعطيك كل ما تتمني
و تأكدي بلي كل ما تعاوني شخص بحب ربي يرجعلك هذا الحب مضاعف
كنت حابة نبدا معاك بصح راني عاد حاصلة مع الأخت أوتار
كي نكمل معاها نشوف اذ انقد نلحق بيكم
ربي يعاونكم
بارك الله فيك archioui ونفع بك
اقتباس:
المشاركة الأصلية كتبت بواسطة kahramana 
يسعدني نكون اول من ترد بارك الله فيكي الدرس مفهوم جزاكي الله خيرا و ربي يجعلوا في ميزان حسناتك
|
الله يبارك فيك اختي كهرمانة
ان شاء الله الدرس يكون واضح لجميع الاخوات
يا اختي ارشيوي كي شفت الصور خلعت …………….تقول نعاود في الباك ……………لازم نركز معاه ونفهمو………………شكرا اليوم نجرب نبداه …………بصح قوليلي قداه من كبة خاطر عندي في الدار و خايف نبدا و ما تكفينيش
بارك الله فيك على المجهود الجبار
اقتباس:
المشاركة الأصلية كتبت بواسطة abassia81 صباح الخير يا أهل الخير
ربي يحفظك و يحفظلك كل العائلة و يعطيك كل ما تتمني
و تأكدي بلي كل ما تعاوني شخص بحب ربي يرجعلك هذا الحب مضاعف
كنت حابة نبدا معاك بصح راني عاد حاصلة مع الأخت أوتار
كي نكمل معاها نشوف اذ انقد نلحق بيكم
ربي يعاونكم |
الله يبارك فيك اختي عباسية
و ان شاء الله تكملي ورشة الاخت اوتار و تبداي معانا الشال
بالتوفيق
اقتباس:
المشاركة الأصلية كتبت بواسطة وليد مولودية بارك الله فيك archioui ونفع بك
|
الله يبارك فيك اختي العزيزة
و ان شاء الله تكوني معانا في الورشة
اقتباس:
المشاركة الأصلية كتبت بواسطة abir chemss يا اختي ارشيوي كي شفت الصور خلعت …………….تقول نعاود في الباك ……………لازم نركز معاه ونفهمو………………شكرا اليوم نجرب نبداه …………بصح قوليلي قداه من كبة خاطر عندي في الدار و خايف نبدا و ما تكفينيش
|
مرحبا بك اختي عبير
الباك صح الخلعة تاعو وحدها بصح زمان
اليوم عادت الناس الكل تنجح و مابقاتش الرهبة تاع الامتحان
حتى الشال كي تشوفيه يبان صعيب بصح راهو ساهل
غير تبعي الخطوات و رايحة تفهمي كلش
و بالنسبة للصوف انا نحب الشال يكون طويل باش يدور على رقبتي و على هاذا ندير كل كبة بشريط فورش ( اذا كانت الكبة معمرة مليح ) . يظهرلي 15 كبة تكفيك ملييييييييييح و اذا بقى منها شوية ديريها ريحيات رانا في الشتاء
و في عنابة الصوف تتباع هايلة و يمكنك اختيار اللي تحبيها و اللون اللي تحبيه
انا راني نحاول في راجلي باش يديني لعنابة نشري ماشينة تاع الصوف و ماحبليش 
:
بالتوفيق ان شاء الله
بارك الله فيك أختي archioui ليتثبيت
اقتباس:
المشاركة الأصلية كتبت بواسطة janino بارك الله فيك على المجهود الجبار
|
الله يبارك فيك اختي و مرحبا بك معنا
اقتباس:
المشاركة الأصلية كتبت بواسطة crono بارك الله فيك أختي archioui ليتثبيت
|
صباح النور حبيبتي كرونو
ان شاء الله تكوني بألف خير
شكرا لك على التثبيت و التشجيع
و الله يبارك فيك
اقتباس:
المشاركة الأصلية كتبت بواسطة ورد الأقحوان مشكورة الشرح واضح
|
مرحبا بك حبيبتي ورد الاقحوان
هيا هيا الى العمل
بالتوفيق ان شاء الله
