من فضلكم حبيت نسقسي الطاولة تاع الفصالة تشريوها واجدة ولا تخدموها عند النجار
و هل تكون من الخشب ؟؟؟
و شحال القياسات تاعها و بكم
يا ريت اللي تعرف أي معلومة و لو صغيرة تجاوبني و ربي يجازيكم خير
السلام عليكم
شوفي ختي انا راني غير كيما سقسيت قالولي 1.70 على 2مترات.على حساب حجم المحل.
المهم العرض المناسب هو 1.70 باش انتي تقدري تخدمي مرتاحة و الطول كيما تبغي 2.3.4…………………….
واما على شكلها يصنعولك la planche الفوقانية و الرجلين يخدمولك des tubes
هذا الي قالولي عليه.نتمنى الي يعرف يفيدك ويفيدنا.
بارك الله فيك أختي
و إن شاء الله يزيدو يفيدونا أكثر
انا نعرف وحدا موديليست شوفت عندها طاولة مستطيلة الطول تسحقيه اقل شيء 3 مترات باش كي تفصلي مثلا حجاب او فستان تحطيه في الطول والعرض دايما كي تخيطي القماش يكون مطوي ولهدا العرض على حساب المكان 2مترات متلا انا نقولك بالتقريب انا ماقستهمش والاحسن الطاولة مصبوغة وتكون ناعمة اما رجلين طاولة حديد مسوديين ولازم تكون عندك طاولة أخرى كل حطب تستعمليها عند اخد الباترون بالجرارة و ان شاء الله نكون افدتك ولو بالقليل
|
انا نعرف وحدا موديليست شوفت عندها طاولة مستطيلة الطول تسحقيه اقل شيء 3 مترات باش كي تفصلي مثلا حجاب او فستان تحطيه في الطول والعرض دايما كي تخيطي القماش يكون مطوي ولهدا العرض على حساب المكان 2مترات متلا انا نقولك بالتقريب انا ماقستهمش والاحسن الطاولة مصبوغة وتكون ناعمة اما رجلين طاولة حديد مسوديين ولازم تكون عندك طاولة أخرى كل حطب تستعمليها عند اخد الباترون بالجرارة و ان شاء الله نكون افدتك ولو بالقليل
|
بارك الله فيك أختي
ما فهمتش اللي باللون الأحمر
في بعض الحالات تجدين مودال فستان في كتاب بوردا مثلا في هدا الكتاب يوجد ورقة كبيرة فيها الباترون باش تنقليه في ورق أخرى يجب تستعملي الة جرارة كي تستعمليه على طاولة تفسدهالك على بيها لازم تكون عندك طاولة اخرى من الحطب تستعمليها لهدا الشيء وكدلك تكون عندك مشترية دايما عندك كي ديريلها الباترون لازم مدريش فيه modification تنقليه في ورقة اخرى بالطريقة لشرحتهالك والباترون الاول خبيه باش ماش كلما دير عندك فساتين اخر تعودي ترسمي الباترون راهو يدي الوقت ان شاء الله نكون افدتك
اختي لازم تكومونديها من عند النجار او ادا عندك طاولة مهملة فالبيت لازم تشري لها بلونشا كبيرة يعني قطعة لوح كبيرة تعمل 4000 دج
ا
راهم ما قصروش لبنات بالتوفيق
بارك الله فيكم جميعا
موفقة اختي
نقره على هذا الشريط لتكبير الصورة
