مساء الخير الشاطرات تاع المنتدى سحقيتكم تعاونوني وتنصحوني واش ندير عندي وحدة فامي تاعي راح دير التهنية تاعها حبيت نديرلها حاجة تتقدم مع العصير فكرت في لي صالي و قلت لا لانه في طهور خوها خدمت ليها فوليفون ضرك حايرة بين لقراوش و لا كيما نقولو لقراقش و نوع تاع قاطو بالصح ما عنديش نوع خاص غير بالعصير و يكون شكله مليح و ما يديش وقت نستناكم دبرو عليا
اختي ننصحك بالبنيون ديري 2باكيات بيمو و 2قوفريط و حلوة الترك و كاوكاو مطحون خشين و باكي مرغرين تع 250غ و العسيلة اطحني البسكويت وفي اناء خلطي المرغرين طرية مع حلوة الترك مليح ممبعد ديري نصف الكمية تع البسكويت فالمرغرين هذيك وحلوة الترك واعجنيها مع العسيلة حسب الحاجة والنصف الاخر من البسكويت ديريلو شوكولا تع نيوزيلا او شوكولا عادية ذائبة ممبعد حلي بالحلال العجينة الاولى وعي فوقها العجينة الثانية واطبعيهم باي طابع يكون شباب ممبعد ضعي القليل من الطلية البيضاء وزينيها كيما الميلفاي . يجيوك ديكور شباب وبنة تاني وبالتاكليها بالصحة
ااااااااااااااااههههههههههه
يا رحيق انا راني هنا او نعطيلك واحد الوصفة والله غير تولي تدعيلي مي اصبري عليا اليوم نديرها او نحطلك المقادير والصور ان شاء الله
ايا رحييييق هدا في خاطرك هاكي علابالي بلي اليوم عيد ميلادك
كل عام وانتي باف خير ختيتي
صحا رحيق راح نعطيك واحد لاغوسات ساهلة و بنينة و نشاله تعجبك بويسك لي يذوقها يهبل عليها هيا ما نطولش عليك
مقادير العجينة: 2 بيضات + 250 غ سكر عادي +3 ملاعق عسل +11 ملعقة حليب +1 فاني +2 خميرة +ملعقة زبدة مذوبة +450 غ فرينة مغربلة و تضرب هادي المكونات بمضرب يد حتى نكونو عجينة طرية ( كيف الجينواز) و ندخلوها للفرن و كي تطيب نخلوها تبرد و مباعد نقصوها مربعات صغار و نغطسوها في القلاصاج و مباعد نرمدوها بالقوفرات المرحية
مقادير القلاصاج: 500غ زبدة عادية +450غ سكر ناعم +3 ملاعق بودرة الكاكاوو + 2 ملاعق حليب و تذوب هاذي المكونات على النار
و كما ذكرت تغطس الحبات في هذا القلاصاج و ترمد في القوفرات
ملاحظة : كي يجمد القلاصاج عاودي سخنيه شويا على النار
