الوسم: المنزل

السلام علبكم ورحمة الله وبركاته

بعد السلام حبيت اليوم نحطلكم وصفة الجبن اللي نعمل بيها ودوقها مثل دوق كيري تماما وهدا بشهادة الجميع والحمد لله انا جربت عشرات الوصفات لكن لم ترضني في الدوق تاعها وساعات تجي نلشفة بزاف تبعي الطريقة مليح راهي مشروحة بالصور مرحلة بمرحلة

نبداو على بركة الله بالمقادير بسيطة جدا : 1لتر حليب البقر او حليب عادي او حليب لحظة +1علبة ياؤورت طبيعي +ملعقة شاي سكر +نصف ملعقة شاي ملح +2مغارف كبار لحظة

التحضير : تبعيني للكوزينة نقولك كيفاه
تبداي في الاول تحطي الحليب يفيظ ونزعي منو lمقدار ربع كاس حطيه بجنب لكن قبل ما يفيظ خلاص اطفيلو النا غير يدير الفقاعات من فوق برك انزعيه من فوق النار

اتركيه يرتاح لمدة 10دقائق

من جهة اخرى حطي الياؤورت الطبيعي مع الحليب اللي خليتي

ضيفيلو حليب لحظة ادا ستعملتي حليب لحظة استغناي عليه وايضا حليب البقر تقدري تستغناي عليه لكن انا انا نحب نضيفو وادا استعملت حليب عادي حطي 4 مغارف بدل 2

ضفي السكر تقدري تضيفي اكتر

والملح

وامزجيهم مع بعض حتى يختفيو الكتل

فرغي الخليط فوق الحليب تاعك وهو مازال سخون وخلطيهم مع بعض بالملعقة وفرغيهم مباشرة في علب

درك وصلنا للصح في الحقيقة لازم الحليب تاعك يبقى محافظ على السخونة تاعو حطيه كما نحطو انا فوق الشوفاج لمدة 2ساعة ومبعد نزليه وسنديه مليح ليه وادا ما عندكش الشوفاج لفيه بالمنشفة وقربيه للفورنو لانو لازم يبقى سخون في الساعتين الاولين باش يساعدو يتخمر يقعد16ساعة

لما تمر 16 ساعة تلقايه اصبح

شوفي كيفاه من داخل

الان فرغيه في كسكاس مغلف بشاش نظيف لكن اختي ما تفرغيهش مباشرتا هزيه بملعقة كبيرة باه ما يدقدقش

خليه يقطر نصف ساعة في الكسكاس فقط لمي الطرف تاعك من فوق واربطيه

مبعد دلك انقليه الى مصفاة صغيرة وغطيه من فوق فقط بالشاش

ادا حبيتيه يكون كريمي قطريه لمدة 2 ساعة وفرغيه في صحن وخلطيه بالملعقة مليح حتى يصبح مثل الكريمة الكمية ادير 2علب مثل اللي في الصورة

وادا مثل تاع القطع خليه يقطر 6 ساعات فقط من الاحسن تخليه يقطر في الثلاجة رايحة تتحصلي على هدا الجبن الرائع امممممممممممممممممم وشحال بنين

نرجعو للبن

الكل يحب اللبن الي يتباع في الاسواق ونحبو طعمو ولانوخاتر وتقيل الحمد لله نجحت تجاربي وصلحلي وطعمو احسن من تاع المشرة

التحضير : نفس مقادير الجبن لكن نستغناو عن السكر والملح ونستعملو فقط نصف علبة ياؤورت لكن التحضير بنفس الطريقة ولما نفرغوه في البرطمانت نحطوه فقط في مكان في مكان دافئ طوال الليل وغدا امزجبه بالملعقة مليح حتى يصبح سائل انت لما تتركيه طوال الليل كي نقول طوال الليل يعني ديريه مثلا الصباح وتخليه حتى الغدوى لانك مش رايحة تحطيه قدام السخانة فقط في مكان دافئ رايح يتكتل بصح ما يصفيش الماء بزاف غير القليل فقط من فوق
للاسف الانترنت تقيلة ما حبوش يتحملولي رايحة نعاود مبعد نحطهم ان شااء الله
ملاحظة :اللبن هدا يقعد حتى الاسبوع في الثلاجة ما يصرالو والو على قد ما يقعد يصبح الد

جربيهم على ضمانتي واكيد رايحة تفرحي عائلتك بجبن ولبن من صنع يديك
والى الملتقى في وصفات اخرى ان شلء الله

هده صورة اللبن وكاين منوماركات بزاف مش هادي برك

هده بعض الحلول ادا كان منزلك بارد قومي بختيار حل من هده الحلول

يا اما تحطي كوكوط وفيها ما دافئ الى سخون مش غالي وتحطي العلب تاعم في نصفها وتغطيها وفاقديها من الةقت للوقت لما تلقاي الماء برد زيدي بدليه باخر سخون
والى حطيه في علب تاع الزجاج يتحملو السخانة وبقطي الفرن على 150 فقط يسخن لمدة ربع ساعة وطفيه ولمي العلبي تاعك في منشفة ودخليهم للفرن ولما يبرد خرجيهم زيدي عاودي نفس العملية مرة اخرى حتى يجمدلك
والا حطي العلب تاعك في الرف االاوسط للفرن وجيبي قدرة فيها ماءغالي وحطيها تحتهم في الرف السفلي خلاص وقفلي الفرن واكيد كلما يبرد الماء زيدي بدليه بماء غالي اخر راح يكون في وسط دائما سخون وهده الفكرة تصلح ايضا في الربيع لما ما يكون الحال لا سخون ولا بارد
المهم انو هو مهما يطول راهو يجمد في الاخير
ادا استعملتي احدى الطرق اخدميه صباح ولما يجهز ولو تخليه يقطر في الليل في التلاجة راح تتحصلي على نفس النتيجة
وهدهى طريقة درتها لبارح ماتحطيه لا فوق الشوفاج لا والو لما تفرغي الحليب في العلب وهما سخونين حطيهم في كيس بلاستيكي وقفلي حطي العلب تاعك داخل كوفيرتا تكون تقيلة واقفلي عليه المهم تحافظي عليهم واقفبن [IMG][/IMG]

ملاحظة اخيرة الحليب اللي تستعمليه تشتريه من عند اللبان يعني حليب بقر طبيعي ليس تاع الساشيا وادا استعملت تاع الساشيات لازم تقليه بحليب لحظة والا مش راح يجمد مليح يعني اساس الجبن حليب تقيل وعلى قد ما يكون تقيل يعطيك نتيجة افضل

امممممممممممممممممممممممم يعطيك الصحة حبيبتي يسلموووووو وبارك الله فيك على الوصفة

اقتباس:

المشاركة الأصلية كتبت بواسطة ريتاج تيارتية امممممممممممممممممممممممم يعطيك الصحة حبيبتي يسلموووووو وبارك الله فيك على الوصفة

يا مرحبة وفيك بركة

vraiment des bonne recettes merci…good luck.

موضوع رائع اختي يعطيك الصحة

يعطيك الصحة اختي نحب بزاف الفرماج

راااااااااااااااااااااااااائع جدا تقريبا نفس طريقتي مع بعض الاضافات واكيد نجرب تاعك
ولك احلى تقييم

ربي يبارك فيك اختي وصفة جد رائعة راح نجربها انشاء الله

سلمت يداكي حبيبتي
فكرة هائلة وتستحق التجريب
بوكتي

جزاك الله خيرا

يعطيك الصحة يا الفحلة شحال نحب خدمة الدار من غير مواد حافظة و على نظافة لكن من الاحسن عدم استعمال أواني بلاستيكية و علب عند ما يكون الاكل ساخن او دافيء لانو مضر جدا جدا الأواني الزجاجية آمنة ،
حبيت نسالك سؤال الوصفة الثانية لبن او رائب لانو الرائب هو اللي لحليب يبقى في جو دافئ و يخلق الخمائر و يولي رائب ، اما اللبن يتمخض ، انا نحكم لحليب نحطو في زجاجة و نبقى نمخض فيه مدة حتى يولي لبن و يخرج الزبدة ، ماعلاباليش اذا كنت غالطة حنونة فقط قتلك واش نعرف

هايل وصفة رائعة جزاك الله خيرا

اقتباس:

المشاركة الأصلية كتبت بواسطة أم ملك هايل وصفة رائعة جزاك الله خيرا

شكرا اختي على المرو ر نتمنى جربيها

اقتباس:

المشاركة الأصلية كتبت بواسطة زينب 83 يعطيك الصحة يا الفحلة شحال نحب خدمة الدار من غير مواد حافظة و على نظافة لكن من الاحسن عدم استعمال أواني بلاستيكية و علب عند ما يكون الاكل ساخن او دافيء لانو مضر جدا جدا الأواني الزجاجية آمنة ، حبيت نسالك سؤال الوصفة الثانية لبن او رائب لانو الرائب هو اللي لحليب يبقى في جو دافئ و يخلق الخمائر و يولي رائب ، اما اللبن يتمخض ، انا نحكم لحليب نحطو في زجاجة و نبقى نمخض فيه مدة حتى يولي لبن و يخرج الزبدة ، ماعلاباليش اذا كنت غالطة حنونة فقط قتلك واش نعرف

اهلا بك يا عيني والله الامراض اللي رانا نسمعو بيها خلاتنا نخافو من كل شئ وخاصة الواد الحافظة نحوسو نديرو كل شئ في المنزل وعلى هده انا جربت عدت مرات نحول اللبن اللي نخدموه في المزل باه يجيني متل تاع المشرة لكن بدون فائدة بصح هده صلحتلي وهدا مشرائب الرائب حنا ما نفيضوهش حليب يكون طازج ونخليوه يروب فقط ولك ا ن حبينا نرجعوه لبن نمخضوه تكسرو يديا وتهراو كتافي من كتر لمخيض بصح ملي جرلت هده خلاص تهنيت والحمد لله وزيد راهو صحي الزبدة اللي في الحليب كامل تحافضي عليها والله انا مديتو لبزاف اشخاص داقوه وحتى اكدولي بلي راهو مثل اللبن تاع المحلات باش حطيتو والوصفة مجربة عشر أت المرات
بالنسبة للعب ساعات نحط في هادو ساعات في التاع الزجاج وطليت عليهم لقيت مكتوب pp
مشكورة حبيبتي على السؤال والملاحظة

السلام علبكم ورحمة الله وبركاته

بعد السلام حبيت اليوم نحطلكم وصفة الجبن اللي نعمل بيها ودوقها مثل دوق كيري تماما وهدا بشهادة الجميع والحمد لله انا جربت عشرات الوصفات لكن لم ترضني في الدوق تاعها وساعات تجي نلشفة بزاف تبعي الطريقة مليح راهي مشروحة بالصور مرحلة بمرحلة

نبداو على بركة الله بالمقادير بسيطة جدا : 1لتر حليب البقر او حليب عادي او حليب لحظة +1علبة ياؤورت طبيعي +ملعقة شاي سكر +نصف ملعقة شاي ملح +2مغارف كبار لحظة

التحضير : تبعيني للكوزينة نقولك كيفاه
تبداي في الاول تحطي الحليب يفيظ ونزعي منو lمقدار ربع كاس حطيه بجنب لكن قبل ما يفيظ خلاص اطفيلو النا غير يدير الفقاعات من فوق برك انزعيه من فوق النار

اتركيه يرتاح لمدة 10دقائق

من جهة اخرى حطي الياؤورت الطبيعي مع الحليب اللي خليتي

ضيفيلو حليب لحظة ادا ستعملتي حليب لحظة استغناي عليه وايضا حليب البقر تقدري تستغناي عليه لكن انا انا نحب نضيفو وادا استعملت حليب عادي حطي 4 مغارف بدل 2

ضفي السكر تقدري تضيفي اكتر

والملح

وامزجيهم مع بعض حتى يختفيو الكتل

فرغي الخليط فوق الحليب تاعك وهو مازال سخون وخلطيهم مع بعض بالملعقة وفرغيهم مباشرة في علب

درك وصلنا للصح في الحقيقة لازم الحليب تاعك يبقى محافظ على السخونة تاعو حطيه كما نحطو انا فوق الشوفاج لمدة 2ساعة ومبعد نزليه وسنديه مليح ليه وادا ما عندكش الشوفاج لفيه بالمنشفة وقربيه للفورنو لانو لازم يبقى سخون في الساعتين الاولين باش يساعدو يتخمر يقعد16ساعة

لما تمر 16 ساعة تلقايه اصبح

شوفي كيفاه من داخل

الان فرغيه في كسكاس مغلف بشاش نظيف لكن اختي ما تفرغيهش مباشرتا هزيه بملعقة كبيرة باه ما يدقدقش

خليه يقطر نصف ساعة في الكسكاس فقط لمي الطرف تاعك من فوق واربطيه

مبعد دلك انقليه الى مصفاة صغيرة وغطيه من فوق فقط بالشاش

ادا حبيتيه يكون كريمي قطريه لمدة 2 ساعة وفرغيه في صحن وخلطيه بالملعقة مليح حتى يصبح مثل الكريمة الكمية ادير 2علب مثل اللي في الصورة

وادا مثل تاع القطع خليه يقطر 6 ساعات فقط من الاحسن تخليه يقطر في الثلاجة رايحة تتحصلي على هدا الجبن الرائع امممممممممممممممممم وشحال بنين

نرجعو للبن

الكل يحب اللبن الي يتباع في الاسواق ونحبو طعمو ولانوخاتر وتقيل الحمد لله نجحت تجاربي وصلحلي وطعمو احسن من تاع المشرة

التحضير : نفس مقادير الجبن لكن نستغناو عن السكر والملح ونستعملو فقط نصف علبة ياؤورت لكن التحضير بنفس الطريقة ولما نفرغوه في البرطمانت نحطوه فقط في مكان في مكان دافئ طوال الليل وغدا امزجبه بالملعقة مليح حتى يصبح سائل انت لما تتركيه طوال الليل كي نقول طوال الليل يعني ديريه مثلا الصباح وتخليه حتى الغدوى لانك مش رايحة تحطيه قدام السخانة فقط في مكان دافئ رايح يتكتل بصح ما يصفيش الماء بزاف غير القليل فقط من فوق
للاسف الانترنت تقيلة ما حبوش يتحملولي رايحة نعاود مبعد نحطهم ان شااء الله
ملاحظة :اللبن هدا يقعد حتى الاسبوع في الثلاجة ما يصرالو والو على قد ما يقعد يصبح الد

جربيهم على ضمانتي واكيد رايحة تفرحي عائلتك بجبن ولبن من صنع يديك
والى الملتقى في وصفات اخرى ان شلء الله

هده صورة اللبن وكاين منوماركات بزاف مش هادي برك

هده بعض الحلول ادا كان منزلك بارد قومي بختيار حل من هده الحلول

يا اما تحطي كوكوط وفيها ما دافئ الى سخون مش غالي وتحطي العلب تاعم في نصفها وتغطيها وفاقديها من الةقت للوقت لما تلقاي الماء برد زيدي بدليه باخر سخون
والى حطيه في علب تاع الزجاج يتحملو السخانة وبقطي الفرن على 150 فقط يسخن لمدة ربع ساعة وطفيه ولمي العلبي تاعك في منشفة ودخليهم للفرن ولما يبرد خرجيهم زيدي عاودي نفس العملية مرة اخرى حتى يجمدلك
والا حطي العلب تاعك في الرف االاوسط للفرن وجيبي قدرة فيها ماءغالي وحطيها تحتهم في الرف السفلي خلاص وقفلي الفرن واكيد كلما يبرد الماء زيدي بدليه بماء غالي اخر راح يكون في وسط دائما سخون وهده الفكرة تصلح ايضا في الربيع لما ما يكون الحال لا سخون ولا بارد
المهم انو هو مهما يطول راهو يجمد في الاخير
ادا استعملتي احدى الطرق اخدميه صباح ولما يجهز ولو تخليه يقطر في الليل في التلاجة راح تتحصلي على نفس النتيجة
وهدهى طريقة درتها لبارح ماتحطيه لا فوق الشوفاج لا والو لما تفرغي الحليب في العلب وهما سخونين حطيهم في كيس بلاستيكي وقفلي حطي العلب تاعك داخل كوفيرتا تكون تقيلة واقفلي عليه المهم تحافظي عليهم واقفبن [IMG][/IMG]

ملاحظة اخيرة الحليب اللي تستعمليه تشتريه من عند اللبان يعني حليب بقر طبيعي ليس تاع الساشيا وادا استعملت تاع الساشيات لازم تقليه بحليب لحظة والا مش راح يجمد مليح يعني اساس الجبن حليب تقيل وعلى قد ما يكون تقيل يعطيك نتيجة افضل

امممممممممممممممممممممممم يعطيك الصحة حبيبتي يسلموووووو وبارك الله فيك على الوصفة

اقتباس:

المشاركة الأصلية كتبت بواسطة ريتاج تيارتية امممممممممممممممممممممممم يعطيك الصحة حبيبتي يسلموووووو وبارك الله فيك على الوصفة

يا مرحبة وفيك بركة

vraiment des bonne recettes merci…good luck.

موضوع رائع اختي يعطيك الصحة

يعطيك الصحة اختي نحب بزاف الفرماج

راااااااااااااااااااااااااائع جدا تقريبا نفس طريقتي مع بعض الاضافات واكيد نجرب تاعك
ولك احلى تقييم

ربي يبارك فيك اختي وصفة جد رائعة راح نجربها انشاء الله

سلمت يداكي حبيبتي
فكرة هائلة وتستحق التجريب
بوكتي

جزاك الله خيرا

يعطيك الصحة يا الفحلة شحال نحب خدمة الدار من غير مواد حافظة و على نظافة لكن من الاحسن عدم استعمال أواني بلاستيكية و علب عند ما يكون الاكل ساخن او دافيء لانو مضر جدا جدا الأواني الزجاجية آمنة ،
حبيت نسالك سؤال الوصفة الثانية لبن او رائب لانو الرائب هو اللي لحليب يبقى في جو دافئ و يخلق الخمائر و يولي رائب ، اما اللبن يتمخض ، انا نحكم لحليب نحطو في زجاجة و نبقى نمخض فيه مدة حتى يولي لبن و يخرج الزبدة ، ماعلاباليش اذا كنت غالطة حنونة فقط قتلك واش نعرف

هايل وصفة رائعة جزاك الله خيرا

اقتباس:

المشاركة الأصلية كتبت بواسطة أم ملك هايل وصفة رائعة جزاك الله خيرا

شكرا اختي على المرو ر نتمنى جربيها

اقتباس:

المشاركة الأصلية كتبت بواسطة زينب 83 يعطيك الصحة يا الفحلة شحال نحب خدمة الدار من غير مواد حافظة و على نظافة لكن من الاحسن عدم استعمال أواني بلاستيكية و علب عند ما يكون الاكل ساخن او دافيء لانو مضر جدا جدا الأواني الزجاجية آمنة ، حبيت نسالك سؤال الوصفة الثانية لبن او رائب لانو الرائب هو اللي لحليب يبقى في جو دافئ و يخلق الخمائر و يولي رائب ، اما اللبن يتمخض ، انا نحكم لحليب نحطو في زجاجة و نبقى نمخض فيه مدة حتى يولي لبن و يخرج الزبدة ، ماعلاباليش اذا كنت غالطة حنونة فقط قتلك واش نعرف

اهلا بك يا عيني والله الامراض اللي رانا نسمعو بيها خلاتنا نخافو من كل شئ وخاصة الواد الحافظة نحوسو نديرو كل شئ في المنزل وعلى هده انا جربت عدت مرات نحول اللبن اللي نخدموه في المزل باه يجيني متل تاع المشرة لكن بدون فائدة بصح هده صلحتلي وهدا مشرائب الرائب حنا ما نفيضوهش حليب يكون طازج ونخليوه يروب فقط ولك ا ن حبينا نرجعوه لبن نمخضوه تكسرو يديا وتهراو كتافي من كتر لمخيض بصح ملي جرلت هده خلاص تهنيت والحمد لله وزيد راهو صحي الزبدة اللي في الحليب كامل تحافضي عليها والله انا مديتو لبزاف اشخاص داقوه وحتى اكدولي بلي راهو مثل اللبن تاع المحلات باش حطيتو والوصفة مجربة عشر أت المرات
بالنسبة للعب ساعات نحط في هادو ساعات في التاع الزجاج وطليت عليهم لقيت مكتوب pp
مشكورة حبيبتي على السؤال والملاحظة