السلام عليكم
كاين اخوات حبو يعرفو المستلزمات لي استعملناها في الشامسة الزرقاء
نبداو بسم الله
اولا المستلزمات
القماش تع الشامسات تشري قندورة و الفيزلين با تلصقيه من تحت
شرينا الحجرات زرقاءو بيضاء
الشعير (عنق حمام) يتلاون بالازرق
العدس صغير و مسطح ازرق اللون
عدس كبير شوية (عادي) ازرق و يتلاون بالوان مختلفة
القصب قصير (ابيض)
السمسم ( ازرق يتلاون)
ثانيا طريقة عمل الاوراق(الوردة)
ندخل الابرة من جهة الورقة و نحط 6 سمسم و ندخل بحيث تكون شويه مقوسة يعني خارجة
و نكمل بنفس الطريقة حتى تنتهى الريشه الو الورقة
طريقة عمل الورده
نتبع الخط و ندورها بالسمسم بحيث ندخل كل مرة 6 سمسم او 8 و نعاود ندخل الابرة في النصف تع ال6 او 8 و نحكمها بالخيط
كي نخلصو نحكمو شعيرة و سمسمة و ندور بيها الوردة
و اخيرا نعمر الوردة بالعدس الازرق الكبير
و ان شاء الله نزيد نكمل الاوراق الاخرى و اللواي
وهذالصدر انتهينا منو