السلام عليكم يا لبنات
الغلاصاج راهو مهبلني دايما يخرجلي قاصح كنت ندير طريقة قديمة كانت عندي ندير بياض بيضة ونطلعو بالباتوغ ونزيدلو فعيلقة تاع عصير ليمون باردة ومببعد نزيد سكر غلاص ونضرب او مام تو المنظر شباب مي قاسح في الاكل
واحد الجيرواز قاتلي انا نسلكك وعطاتني غلاصاج السيرو مي ماحابش كامل يخرجلي وهي ما عاودتش تلاقيتها كامل
ربي يخليكم فولولي اسكو هادو هما لي موزور ولا راني غالطة
125غ سكر عادي مع 1/2 لتر ماء نديروه فالنار كما شاربات
كي يبرد نزيدولو بيضة كاملة + سكر غلاص
ونخلطو حتى يولي كريمة
مي انا كي درتهم درت 2 كيلو تاع سكر غلاص وبقالي غير كي الماء
الله يخليكم قولولي اسكو هادس هي الطريقة ويلا لالا نطلب منكم تعطوني طريقة تاع غلاصاج ناجحة 100% يغيروني هادوك لعرايش مي معرفتش نعدلهم بالغلاصاج
راني نسناكم بلييييييييييييييييييييييييييز.
شكرا
انانا تان ندير قلاصاج السيرو ويجيني هايل وما ييبسليش خلاص اندير السيرو (2كيسان ماء +كاس سكر) من بعد انطلع بياض البيض شوية وننزيد بشوية السيرو بارد ونبقي نخدم بالاتور ونصيف السكر قلاصي بالتدريج وشوية ماء الزهر حتي نتحصل علا واه نحوس .هده طريقتي وان شاء الله تخرجلك
اقتباس:
المشاركة الأصلية كتبت بواسطة *أم كوثر*  مشكورة اختي
|
راكي عليا انا ام كوتر هههههههههههههه لا شكر علي واجب اختي
اخواتي ديما القلاصاج صعيب و الكل تقريبا يشاطرني الراي انا عن نفسي افضل 2 طرق لعمله وهما اولا وهي الاضمن كيس سكر قلاصي نزيدو معه 4 الى 5 ملاعق ماء زهر ونعجن الكل جيدا وبعد مدة تقريبا 10 دقايق نضيف بياض بيضة ونخلط الكل ونزيدو الليمون حسب الحاجة ونجرب بحبة من الحلوى المراد تغليفها … اما الثانية هي 250غ سكر عادي + 1/2 ل ماء نضعهم على النار مدة 15 دقيقة بالضبط وبعدين نضرب بياض بيضة ونزيد عليه السيرو وهو ساخن ونبقى في الضرب هههههههههههههه حتى يبرد الخليط ونزيد الليمون تقريب عصير ليمونة وان شاء الله ينجحو معك
رانا في نفس المشكل
انا كنت ندير بياض بيضة نضربها عادي و نزيد 1/2 كاس شاء ماء الزهر مع الماء و بضع ملاعق عصير الليمون و نبقى نخلط و نزيد سكر القلاصي كان يجيني عادي ما قاسح ما رطب و من بعد رحت نشطار و درته بالباتور الشكل جاني يهبل بصح قاسسسسسسسسسسسسح و كنت سقسيت الأخت ياراسمين26 و اعطاتني المقادير راه في الموضوع المثبت
العجز ما حطيتش الرابط حوسي عليه درك تصيبيه مي مازال مجربتهش
السلام عليكم : اليك اختي طريقة سهلة وسريعة ومضموتة مجربتها وتنجحلي دائما : بياض بيضة واحدة + 400غ سكرقلاص المرجان +ملون ابيض ونعجن براحة اليد ثم نزيد في كل مرة السكر قلاصي حتى نتحصل على خليط رطب متماسك بعدها نضيف مقدار كاس تاي عصير القارس +قطرات ماء الزهر اذا كان كاسح اونصف فنجان اذا كان ضعيف ونزيد نعجن باليد وكل مرة نضيف السكر حتى نتحصل الخليط المتجانس في الخير نضيف مغرفةاكل زيت .ولا حبيتي تلوني ضيفي ملون حسب الذوق .
sahitou lbnet rayha nseyi nchallah kemel toro9 li9oltouli 3liha wlitjini chebba wsehla neb9a deymen ndirha
wallah ya3tékoum assaha rakou nahitouli l3o9da te3 lgalaçage
merciiiiiiiiiiiiiiiiii
