السلام عليكم
اليوم جبتلكم طبق تبانلي اقتصادي
درت كرمب محشي بالروز
نحتاج لهذا الطبق
طراف دجاج الي موجود المهم يطلق البنة
كرمب فنجان روز بصلة ثوم جزر توابل ( ملح فلفل اسود كمون كسبر رند )
ملعقة طماطم
الطريقة
نغلي اوراق الكرمب او نفورهم انا نضل نغليهم خمس دقايق
نجيب الروز تاعي نحمص شوية في مقلة
مبعد نحيه ومبعد نجيب بصلة مقطعة نذبلهافي شوية زيت مع الثوم
كي تذبل نضيفلها جزرة مرابية
ونخليها تذبل شوية الجزرة ومبعد نضيف الروز تاعنا ونتبل بالملح والفلفل الاسود وشوية كمون
وهكذا تكون الحشوة جاهزة
من جهة نوجد المرقة تاعنا نقلي طراف الجاج في شوية زيبت مع بصلة والتوابل وورقة الرند و حبة جزر مقطعة دوائر
ومبعد نمرق ونضيف ملعقة الطماطم
والباقي بالصور
هنا كي توجد المرقة نفرغها على الكرمب ونغطي
ونخليها على نار هادية حتى يطيب الروز
وهنا الطبق جاهز نزين بالدبشة وحبات زيتون وقطعة ليمون
اسمحولي اذا كاعرفتش نقدم الطبق واي سؤال انا حاضرة
مممممممممم تاع الصح يشهي
يعطيك الصحة ’’
رائع اختي حسيبة اشهي يعطيك الصحة
مشكوووووووووووووووووووووووووووورة
تبارك الله عليه طجين روعة مشكورة تاكلوه بالصحة
يشهي يعطيك العافية
و طريقة تقديمو كذلك هايلة
و طريقة عرض الصور كذلك هايلة
طبق يشهي يعطيك لعافية على الوصفة الرائعة
جمييييييل يعطيك الصحة عزيزتي
نشتي اي طبخة بلكرمب
مممممممممم تاع الصح يشهي
يعطيك الصحة ’’
بارك الله فيك اختي ماشاء الله
يعطيك الصحة
من المقادير يبان يشهي
إن شاء الله نجربه ونحطه في التطبيقات
بارك الله فيكم كامل على تنوير الصفحة وان شاء الله اللي تجرب الطبق ينجح معاها
السلام عليكم بارك الله فيك اختي ماشاء الله