السلام عليكم*
من زمان كنت نشوف امي كيفاش كانت تعطر في الفراشات والملابس كانت تستعمل الفلفل الاسود مع الكافور والملح لتعطير وحماية الفراشات من*
الحشرات اللي تخربهم * وفكرة البرتقال والليمون لحماية الافرشة وتعطيرها وفكرة *اصرار البخور اي الرزمة
انا والى حد اليوم باقية على خطاها كاين في الاسواق معطرات وغيرهم لكن نحب نخدم حاجة بيدي من جهة ومن جهة اخرى *كاين البعض من المنتجات ما نقدرولهاش انا و ولدي ماهر على خاطر عندنا الحساسية
الطريقة الاولى
نحتاجو الى*
ونبدو *نرشقو في القرنفل في البرتقال *ساااهل بصح الليمون استعملو حاجة باش تعملو ثقوب
وفي الاخير تتحصلو على
وحطوهم في الخزانة انا صراحة نحطهم في خزانة المفروشات على خاطر ما عنديش الوقت نخرجهم دايما للشمس
ورايحين تقولو ويا درا ما تتعفنش *اكرمكم الله
السر بسيط القرنفل قاتل للجراثيم والبيكتيريا
اما عني انا استعمل هذه الطريقة جربوها ورابحين تدعووولي
استعملي اي عطر مميز عندك وتحبيه او حتى جل دوش مثلي انا اروع منو ما فيش سعرو حوالي 2024دج بصح يستاهل
او بخور مميز وريحة حلوة انا عن نفسي نطلب من وحدة في بلاط زوجي تخدمولي واحدة ثقة تعملولي بخامات اصلية وكي نبخر بيه داري سيمانة والريحة تدور فيها
ونحتاجو الى هذه. قرافوز ومناديل او سرافت ورقية وقطن
حطي كمية من البخور في الورقة
واطويها
ثم اطويها بالعكس واقفليها بالقرافوز
ويمكن وضع القليل من جل الدوش في قطنة
ووضعها في الورقة
ونغفلوها
ونثبتها بالقرافوز
ونفس الشي مع البارفان
وفي الاخير نتحصلو على
انا عن نفسي نحب نحط تاع البخور في وسط بجاماتي وفساتين البيت وتاع البارفان في خماراتي وملابسي تاع الخرجة
وتقدري تحطيهم بين الابسة او فقط بجنبها او تثبتيها في الخزانة والنتيجة واحدة كل ما نفتح باب الخزانة نشم الريحة الحلوة والخفيفة وااااو نزهى ونحس روحي درت حاجة مفيدة
وتحبي تستعملي اي حاجة مثلا اوراق الخزامة او قشور البرتقال او الليمون مجفف. او ورود جافة ……….. انت والذوق تاعك
دمتم في حفظ الله الى مواضيع جديدة من قلب الحدث
هههه بيتي ومملكتي
جزاك الله خيراانا نحط صابون بالمو ليف بين الملابس
جزاك الله خيرا على مشاركتك لنا إياها
كل الشكر لك ولجهودك الرائعه
بارك الله فيك
بورك فيك اخت ام عبودة افكار نيرة
انا كدلك من المشجعات على استعمال البخور
لان ريحتو تدوم فترة اطول وماهيش مقلقة مثل المعطرات الاصطناعية
يعطيك الصحة ام عبودة طريقتك رائعة
واكيد رايحة نعتمدها وكل مانفتح الخزانةونشم الروايح الزينة ندعيلك
بارك الله فيك ام عبودة انا تجربتي اني نحط صابون dove بين القش
بارك الله فيك ام عبودة
يعطيك الصحة الحاجة ام عبودة
بارك الله فيك راح نجربها إن شاء الله
بارك الله فيك راح نجربها إن شاء الله
*-*
بارك الله فيك و عطر الله ايامك بحب الله و طاعته
ربي يجازيك يا الشاطرة
نجربها باذن الله و نردلك بالخبر