الوسم: الجلبانة

بعد بسم الله السلام عليكم
التحضير:
تحضري طاجين جلبانة مرقة بيضا بالدجاج ولبولات عادي
بصل + دجاج او لحم +معدنوس + ملح وفلفل اكحل وقرفة + زيت قليهم مليح مرقي + جلبانة وديري لبولات تاع لحم مرحي وضيفي لبولات مغرف كسكس يابس عوض الروز وكوريهم يجو هايلين غير جربوهم ثم خليهم يطيبوا.
لما تطيب الجلبانة صفيها من المرق ونحي لبولات جانبا وهذيك المرقة عقديها شوية وخليها باش تسقي بيها فيما بعد.
تحطي الجلبانة + جبن مقطع + 4 الى 5 بيضات مضربين وشوي مرق قليل وخلطي الكل

ثم في مول كيك يكون مغلف بورق الالمنيوم نضع خليط الجلبانة

وتحطي بولات فوقهم

ودخلي لبولات مليح في وسط الجلبانة يولو ميبانوش

ثم ضعيه في حمام مائي

ودخليه يطيب فلكوشة حتى يجمد البيض ويتحمر ثم نقلبوه

وتقطعيه وتسقيه بالمرق وشهية طيبة.

تبارك الله عليك

يعطيك الصحة جاك هايل

بصحتكمممممممم رائع

هااااااااااااايل هدا الطبق اختي ياسمين تبارك الله عليك تقريبا نفس الوصفة الي عندي بصحتكم

بارك الله فيكن مشكورات على المرور الرائع

بارك الله فيك ياسمين
فقط مفهمتش تحطي حفنة طعام مشي طايب مع لحم مرحي؟
كيفاش مفهمتش

يعطيك الصحة جاك هايل

اقتباس:

المشاركة الأصلية كتبت بواسطة نينا الجزائرية بارك الله فيك ياسمين فقط مفهمتش تحطي حفنة طعام مشي طايب مع لحم مرحي؟ كيفاش مفهمتش

يبارك فيك حبيبتي نينا
تحطي مغرف طعام يابس في اللحم مرحي في عوض ديري روز ديري طعام يابس وخلطيه وديري كويرات وديريه يطيب يجي هايل جربيه

اقتباس:

المشاركة الأصلية كتبت بواسطة المعتصمة بالله 78 يعطيك الصحة جاك هايل

الله يسلمك منورة

بارك الله فيك عزيزتي ياسمين

اقتباس:

المشاركة الأصلية كتبت بواسطة bachira2 بارك الله فيك عزيزتي ياسمين

يبارك فيك اختي بشيرة تحياتي

يعطيك الصحة جاك هايل

امم باين بنين يعطيك الصحة

الف شكر لمروركم العطر احلى سلام لكن

السلام عليكن

من فضلكن يا حبيباتي كيف أحفظ الجلبانة ( البزلاء ) في الفريزر إلى شهر رمضان إن شاء الله

ما هي الطريقة الصحيحة ؟ هل تطبخ نصف طبخ أم تحفظ دون طبخ ؟ أريد بالتفصيل من فضلكن وبسررررررعة

مساء الخير اختى والله انا نغسلها مليح ثم نقطرها من الماء حتى تجف ثم اضعها فى اكياس تاع التجمبد او هناك طريقم اخرى نغلى الماء ثم ارمى الجلبانة فيها لمدة دقيقة تم انزعها ونحطها مباشرة فى الماء الجامد حتى تبرد نصفيها من الماء ثم نحطها فى اكياس ونجمدها عادى بالتوفيق ات شاء الله

السلام عليكم ورحمة الله تعالى وبركاته
بالنسبة حفظ جلبانة بالنسبة إليا احفظها مباشرة بعد تنقيتها دون غسلها في اكياس واثناء استعمالها اغسلها
هناك حسب نوعية جلبانة اثناء حفظها تبقى كما هي طرية وهناك تزيد قصاوة في قشرتها من احسن اطهيها على بخار المائي اثناء استعمالها في الاكل
وفيه طريقة الثانية استعملتها زوجت عمي في حفظ جلبانة وهي بعد تنقيتها وغسلها اسلقيها في الماء مدة 3 دقائق فقط ثم اتركيها تقطر وبعد ان تبرد ضعيها في فريزر لكن بعد ذلك اصبحت تحفظها في فريزر بدون سلقها

فوريها شوية ثم صبي اعليها الماء البارد و حطيها ف الفريزر

اختي الكريمة قشريها وماديريلها والو حتى ماتغسليهاش وادا غسلتيها تخليها تنشف مليح ديري الكمية لي تحبيها في اكياس و جمديها لوقت الحاجة

يستحسن تعقميها بالماء الساخن او تفوريها غير 5 دقائق ومن بعد حطيها في قارورات بلاستيكية تاع المشروبات الغازية او الماء مغسولة مليح راهي تبقالك شهور وشهور

اختي الكريمة تغسل البازلاء ثم تقطر جيدا ثم مباشرة ضعيها في قارورة من قارورات الماء الى الكونجيلاتور فهي تبقى على حالها.

هذه طريقتي

اغسلي جلبانه قطرها و فورها لمدة دقيقة واحدة يصبح لونها زاهي مباشرة انزعها و كبيها فى ماء مثلج اتركها دقيقة ثم قطرها فى كسكاس مليح تبرد ضعيها فى اكياس ادخلها مجمد
تحياتي

شكرا لكن حبيباتي

أختي اليك طريقتي الخاصة في تجميد الجلبانة وهي أنك بعد ما تقشريها مباشرة دون غسلها تدهنيها بالزيت جيدا وتجمديها تبقى حتى السنة جربت الطرق الاخرى للتجميد لكن صدقيني هذه أحسن طريقة

اليك طريقتي الخاصة في تجميد الجلبانة وهي أنك بعد ما تقشريها مباشرة دون غسلها ضعيها في قارورات الماء المعدني تكون فارغة من الماء ثم الى الفريزر مباشرة وعند الطبخ اغسليها وللقدر مباشرة والنتيجة رائعة