بسم الله الرحمن الرحيم
شوفو معايا هذي التارتة لي عملتها لعيد ميلاد ابن أختي يا رب تكون نعجبكم وطبقوها ان شاء الله تطلب شوي دقة في العمل والصير
أولا لازم تشوفو شكل التارت الاخير لكي تفهمو الخطوات
الآن نبدأ بمقادير وصفة الكيكة أنا درت وصفة الكيك وجربوها كيك وتخرجرلكم روعة وناجة
المقادير : 300 غ زبدة
كوب سكر
9 بيضات
2 باكيات خميرة كيميائية
500 غ فرينة
zeste de citron أو فاني
نخلطوالمقادير في الخلاط ونشغلو الفرن 180° وأذا عندك صينيات صغيرة خير أنا قسمت الخليط على 3 درت 2 صينيات متوسطة و وحدة كبيرة وبعد ماطيب خرجيها وخليها تبرد شوي
الان رح نحتاج 3 دائرات صغار 15 سم عرض الدائرة وحطيهم جانبا أنا حطيت صحن صغير وقطعت بالسكين
ونحتاج أيضا 3 دائرات كبيرة 25 سم عرض الدائرة درت نفس الطريقة لكن الدائرة كبيرة
الحواشي خليهم راح نسحقوهم
ثانيا : نستعملو la pate feuilletée نفرد العجينة ونطبع بالصحن الصغير لي طبعنا بيه مع الاول ندير 2 دائرات صغار و 2 كبارنطبعوهم بالصحن الكبير او بالصينية لي طيبتي فيها وكي نطيبوهم نقلبو الصينية نحطو دائرة ونزيد نحط صينية فوقها فارغة باش طيب مليييييييح وتحكم شكلها ونكمل نطيبو كل الدائرات
الان نبدا بتلصيق الطبقات نحتاج الى la crème au beurre وشوكولا فينيتي أو نوتيلا
كريمة الزبدة : كيلة زبدة . كيلة سكر ناعم . فاني واخفقيهم مليح او اعتمدي كرينة الزبدة لي موالفة ديريها فيها انواع عديدة
الان نحضر معانا الدوائر الكبيرة كلها ناخذ دائرة كبيرة من العجينة المورقة وندهن فوقها شوكولا ونحط دائرة من الجينواز وندهن كريمة الزبدة ونكمل نحط طبقات الجينواز في 3 وندهن كريمة الزبدة طبعا وآخر طبقة نحطها ندهن الجينواز بالشوكولا ونحط دائرة من العجينة المورقة وكي نخلص نلبس أ ندهن الكعكة كلها بكريمة الزبدة ونحطها في الثلاجة
والدوائر الصغيرة نعاود نفس الخطوات نتاع الدوائر الكبيرة و نلبسها بكريمة الزبدة ونحطها في الثلاجة يجمد شويييي الكريمة
والان نبدا نعمل الحذاء
نحتاج ورق نرسم باتباع الاشكال لي في الصورة ونقص
ونحتاج عجينة سكر مشرية وملونات غذائية { أبيض و ازرق } او الالوان لي تحبي ديريهم
وشوي من الحواشي الجينواز لي خليناهم على جنب لحشو الحذاء ولكي تساعد عجينة السكر تحكم شكل الحذاء ويبقى متماسك
نلون عجينة السكر كلها بملون أبيض ونعجنها ملييييح ونقسمها نخلي كمية لاباس بيها لتغليف الكعكة وكمية للحذاء ونقسم كمية صغيرة نلونها بالازرق ونفرد العجينة لي باللون الابيض ونحط الورق رقم 1 وونقطعها بالسكين باتباع شكل الورق
الشكل 2 و 3 نديرو بالعجينة الزرقاء ونشكلها بنفس الخطوة الاولى
ونحط الشكل 1 وفوقو شوي جينواز من الامام ونحط الشكل 2 فوق الجيينواز ونلصقو بشوي مع التعديل ونكمل نحط الشكل 3 بالراحة وجيبي كوردون واثقبي الحذاء من تحت وزيدي شوي جينواز لحشو الحذاء لكي ياخذ شكل جميل الخطوط لي عبارة على خياطة الحذاء استعملت قلم لتحديدها
نقطع شرائط من العجينة البيضاء ونشكل بيهم رباط الحذاء
خلصنا الحذاء نحطو في الثلاجة ونجبد الكعكات في 2 ونبدا نغلفهم بعجينة السكر
1/ نحتاج للعجينة البيضاء نفردها بسمك 0,5 سم ونغلف بيها الكعكة الكبيرة
2/ وبالنسبة للكعكة الصغيرة نغلفها بالعجينة الزرقاء نفردها بسمك 0,5 سم ونستعمل طرف بلاستيك لتمليس العجينة وتعديلها من الشوائب ونقطع الاطراف التحتية نفس الشيئ للطبقة الكبيرة
3/ نحتاج لكمية قليلة من العجينة البيضاء ونلونها بالاصفر ونحتاج البيضاء كذلك نفردهم ونطبع البيضاء بنجوم كبار والصفراء بنجوم صغار ونلصقهم فوق بعض بكريمة الزبدة وثم نلصقهم في الكعكة الصغيرة على الجوانب
والان نحط شوي من كريمة الزبدة في مركز الكعكة الكبيرة ونحط فوقها الكعكة الصغيرة ونثبتها شوي وراح تلصق مع الكريمة
نجيب بقايا عجينة السكر{ البيضاء الزرقاء الصفراء } ونكورهم كويرات صغاااااار
ونحطهم بين الطبقتين للإعطاء شكل جميل ولتغطية اي شوائب تكون
الان نجيب ورقة بيضاء نرسم و نكتب فيها بالمقلوب ونحتاج شوكولا بيضاء لتعبئة الفراغ وكذلك ملون غذائي وشوكولا بنية للكتابة
ندخل الورقة في حافظة لتسهيل عملية نزع الشوكولا بعد تجميدها بالطبع في هذه المرحلة لك حرية التزيين
كي تجدم الشوكولا ننزعها على الحافظة نلصقها على الكعكة بكريمة الزبدة أو بشوي شكوكولا الباقية
وها هي جـــــــــــــــــــــــــــــــــــــــــــــــاه زة الكعكة بالحذاء تقدري ديري طبقة واحدة تجي هايلة
يا رب تكون عجبتكم وراني عدلت الصور يابنات
أين الردود يا بناااااااااات
عيد ميلاد سعيد لاختك
الطورطة هايلة
بصح قوليلي اختك اسمها اسحاق
يعطيك الصحة عنوان غريب؟
هههههههههههههه آسفة اخطأت ابن أختي اسمه اسحاق
allah yebarek w yatik saha
machaa allah
3id milad sa3id
بارك الله فيك
بارك الله فيك اختي ….
مجهود تشكرين عليه لكن يا ريت كتبتي اسمك في الصور .
ان شاء الله نولي نحط بطاقة فبها اسمي و مدونة الجيريا
بارك الله فيك اختي ….
راهي تحفة ابعثيلي شوية
44444444444444444444444444444444444444444444
ما شاء الله تحفة
مليحة يعطيك الصحة
ممكن تزيدي تشرحيلنا طريقة الكتابة
مفهمتهاش
سلام
ما شاء الله تحفة
و عجينة السكر اللي زينتي بها ما تيبسش ؟؟؟؟
كم المدة اللي تبقى فيها طرية؟؟؟
]
