السلام عليكم
من العنوان راكم عرفتو الموضوع
جامي لاخدمت بساط و شريت القماش و راه مكدس
حبيت نسقسي على الكادر شحال فيه؟؟؟ علابالي بلي طولو مترا و تمنيين لكن العرض لي ماعنديش فكرة
مترا؟؟؟؟؟؟
و تان الطول تاع القماش لي نركبو عليه زوج مترات و الكادر فيه مترا و تمنيين كيفاه يجي القماش طايح للتحت؟؟؟ و كي يتطرز يوقف مع الكادر ولا كيفاه
راني شفت مواضيع لوجين يعطيها الصحة،بصح مازالني حابسة فنقطة الكادر
ربي ينوركم
مساء الانوار اختي انا ما نخدمش بالاطار مي نقولك الاطار فيه واحد متر و80 سم طول والعرض80 وانت القماش قلتي 2 متر كي تبداي ترتبي في القماش والبونج كيما تعرفي قماش للواط تم بونج ت للواط تم قماش تحكمي مليح مع الاطراف تاع اللوح//الاطار //بالمسامر وتبداي التطراح وادا دخلت الاخت لجين تفهمك اكتر او ممكن كاش اخت عندها فكرة بالتوفيق
طريقة خياطة البسطات بلونين
أولا : لازم يكون عندنا إطار من الخشب (حوالي 1م 80سم) على هذا الشكل
إسفنجة كبيرة يساوي حجم الإطار الخشبي
ثالثا
بطانيتين ( كما نسميها في الجزائر " زورة" ) تكون على طول وعرض الإسفنجة.
رابعا
قماش نسميه ملاس حيث يمكن لنا أن نشده.إختاري لونين مختلفين
لون يكون 2م (مثلا الأبيض) أما اللون الثاني يكون 2م من الأعلى و 2م من الأسفل ( مثلا الأخضر)
خامسا
بطانيتين ( كما نسميها في الجزائر " زورة" ) تكون على طول وعرض الإسفنجة.
سادسا
خيط خشن وإبرة
الطريقة
نضع الإطار ونضع فوقه قماش ( أضع اللون الأخضر ويكون 2م )
*ثم بواسطة المسمار والمطرقة أمسك جميع جوانب القماش على الحواف الاربعة للإطار
*ثم بواسطة المسمار والمطرقة أمسك جميع جوانب القماش على الحواف الاربعة للإطار
ثم أضع فوق القماش الأخضر بطانية وفوقها الإسفنجة ثم البطانية الثانية .
* ثم أضع القماش الأبيض 2م وأشده على المسامير الأولى التي مسكت بها القماش الأخضر للحواف الأربعة.
* ثم أضع القماش الأخضر الثاني 2م وأشده على نفس المسامير الأولى.
ثم بواسطة الخيط الخشن واللإبرة أخيط حافة البساط بإدخال الإبرة من الفوق وإخراجها من الأسفل
على كامل الحواف الأربعة .
* ثم أرسم الرسم الذي أريده وأقوم بخياطة الرسم
بإدخال الإبرة وإخراجها
حتى ينتهي كل الرسم
اضغط هنا لمشاهدة الصورة ذات الأبعاد الحقيقية 960x1280px والحجم 181KB.
* بواسطة المقص
أبدأ بقص قماش اللون الأخضر بحذر شديد حتى لا أصل لقماش اللون الأبيض
اضغط هنا لمشاهدة الصورة ذات الأبعاد الحقيقية 720x960px والحجم 90KB.
أحصل على النتيجة التالية
اضغط هنا لمشاهدة الصورة ذات الأبعاد الحقيقية 720x960px والحجم 56KB.
أحصل على النتيجة التالية
اضغط هنا لمشاهدة الصورة ذات الأبعاد الحقيقية 720x960px والحجم 56KB.
للامانة الموضوع منقول فشكرا لها ولمساهمتها
اهلا فيفي
شفتي و الله غيبة دارو فيا الزكارة ماخلصوش التيليفون
يعطيك الصحة على الرابط
كنت شفتو من قبل ، انا لي مافهمتوش هو عرض القماش ميترا و عرض الكادر تمنيين سنتيم يعني نخرج عشرة سنتيم من كل جيهة؟؟
يعطيك الصحة اختي حورية
و قوليلي ، و بلا كادر الخدمة تجي ساهلة شوي ولا بالكادر خير
هادي اول مرة راح ندير البساطات
بواش تنصحيني ؟ الكادر ولا بلاش
ان شاء تتوفقي و تخدميه بالصحة والهناء
اقتباس:
المشاركة الأصلية كتبت بواسطة حورية38  |
سلامي ليك اختي حورية
ربي ينورك على النصيحة
و خدمتك هااااااااايلة ما شاء الله و متقونة يا ريتني نولي كبما انت الله يبارك
كمعلومة لبنات
و القماش ماجيت نلفاه حتى شبت/وين نروح نسقسي على القماش تاع الكريستال ولا المالاس يقولولي ماكاش
حتى هاد الخطرة كي وصفتلو واش يديرو بيه قالي وسمو عبد الرؤوف
يعني الاسم يختلف من ولاية لولاية
الله يخليك حنونة نتمنالك التوفيق
والقماش صح من ولاية لولاية يختلف الاسم //
اقتباس:
المشاركة الأصلية كتبت بواسطة lynda10
ان شاء تتوفقي و تخدميه بالصحة والهناء
|
ربي يخليك اختي ليندة
اقتباس:
المشاركة الأصلية كتبت بواسطة حورية38 الله يخليك حنونة نتمنالك التوفيق
والقماش صح من ولاية لولاية يختلف الاسم //
|
مشكورة اختي
اختي انا عن نفسي جاني بلا كادر اسهل لانو الكادر يعطل وانت واش يساعدك بلاك المرة الاولى يجيك صعب لكن من المستحسن بلا كادر احسن والله اعلم
[/ur
[/ur 
