الوسم: الباك

امنيتي فقط بدخول العام الجديد اليوم نجيب الباك فقط االيوم اول ايام السنة درت اكسيدون الله غالب انا حابس دخل فيا كاميون لاحول ولاقوة الا بالله راسي راح يوجع مفهمتش علاش صرالي هكا فاول ايام العام واش معنتها زهري مسود من بدايتها

ياربي صبرني

السلام عليكم اخي متقولش هكا فلعله خير شوف الا نتا راك حاب تجيب الباك على ربي انشاء الله راح تجيبوا تسلح بالارادة و اعزم و لازم تمر بمرحلة الشك اللي راك فيها مهما يصرى خليك واقف و جاهد لاخر نفس في حياتك

اهلا اخي حمزة

لالا ماشي زهرك مسود والناس كامل عند ربي سواسية وماكانش منها واحد يديرلو الزهر ولاخر ومايديرلوش

ثبت روحك برك ونتا تنجح

مهم على سلامتك من الحادث

حتى نتا بلاعقل كي تسوق ااااو

ربي يسترك ويوفقك

بارك الله فيكم خاوتي والله كرهت حياتي وجاني الكوشمار

ربي يكون معاك

اقتباس:

المشاركة الأصلية كتبت بواسطة Hamza touazi05521763 بارك الله فيكم خاوتي والله كرهت حياتي وجاني الكوشمار

khoya matakrah ma walo ana l’anne passé kont bac w hamdollah nja7te avec montion w kant wa7da ta9ra m3aya daret accidon 9bel el bac b 15 youm w datou avec montion malgré kant mata9da dir walou
dir el khir fi 9albek tal9ah
bon courage

بارك الله فيكم

لالا اكل نقولو ماعندناش الزهر بصح لازم نقراو باش نديو و لاكسيدون ما هي الا اختبار من الله ليك وانشاء الله ما يكون غير الخير و نديو اكل اميييييييين

انشاء الله خاوتي بارك الله فيكم المورال راهو طالع شوي اليوم

اخي نحن كلنا امنيتنا نديوا الباك انشاء الله

yaaaaaaa rab nchalah kamel nadiw lbac

امين يارب العالمين

شكرا للكل عالمرور

ياااااا ناااااااااااس راني خطات كي كنت نسجل في الباك كي جيت نكتب رقم الهاتف نسيت نكتب الصفر في البداية كتبتوو بدون صفر وكي استلمت الوثيقة شفتها واااش نديير

الصفر ميبانش في بداية الارقام

و زيد هذي مش تسجيلات نهائية تقدري تغلطي قداه من مره و تعاودي تسجلي المهم الاستمارة لي تطبعيها في النهاية تكون صحيحة

السلام عليكم

صلوا على الرسول صلى الله عليه والسلام

من فضلكم اريد النصائح في مواد خاص بشعبة اداب وفلسفة

كيف ادرس فلسفة هل احفظ المقالات ام دروس

انا لم احفظ اي مقالة

كيف افعل مع الاجتماعيات وشريعة

+وقت الدراسة وحفظ

وباقي مواد

انا راني فهم بعض الدروس

لاتسوا الدعاء الصالح في الغيب

مساعدة بارك الله فيكم

وانا كذالك نفس السؤال لاني تايهة بصراحة ومش عارفة منين نبدي

جمعة مباركة يا اخي وصل الله على الحبيب المصطفى
متخاف يا خويا ماوالو الفلسفة لازم عليك تحفض المقالات حتى انا مزال محفضت اي مقالة انا بديت بالاجتماعيات راني نحفض في المصطلحات والشخصيات الدروس يا اخي والله غير ساهلين هوما يبانولك بزاف بصح كي تقرا يولو ساهلين ماشي كيما المصطلحات بزاف وشوي يتخلطولك انا معيدة بكلوريا والعام لفات بديت بدروس وخليت المصطلحات ومكفانيش الوقت وطفرت فيا بصح هدا العام صححت الغلطة نتاعي وبديت بالمصطلحات والشخصيات والشريعة يا اخي اسهل المواد تمنيت كون جاو المواد لخرين كيما الشريعة كون تزير روحك شوي سمانة ولا15 تكملها متخاف ما والو مزال الحال ان شاء الله نكون افدتك ولو بلقليل وان شاء الله النجاح اللجميع

مثلما قالت اخت سهيله وانا تانى نطبق فيهم اذا خليت حوايج تع حفض كيما مصطلحات في لخلر ولله متلقا روحك وسهلوها تسها ل

ربي يوفقك

امين

ربي يوفقك ويوفق الجميع

يا خويا متتقلقش برك راه المورال يلعب دور كبير في هذه المرحلة بالذات لان هذه الفترة تاع دراسة واليك بعض النصائح وارجو ان تتقبلها مني :

أنا اخوكم محمد ميلودي اجتزت الباكلوريا السنة الماضية …
أريد أن أوجه بعض النصائح العامة للطلبة نظرا لخبرتي البسيطة في الباكلوريا
في مادة اللغة العربية… اياك ثم اياك أن تختصر الاجابة في البناء الفكري فالمصحح ينتظر اجابة كافية شافية باسلوبك الخاص و الابتعاد عن النقل الحرفي للجواب من النص الا اذا تم طلب ذلك منك في السؤال و هذا مستبعد
استخدم ما استطعت اللغة الادبية الراقية عند اجابتك على اسئلة البناء الفكري و تذكر انك طالب أدبي و ينتظر منك الكثير في الاجابة
في البناء اللغوي حاول دائما ان تعطي المصحح اجابة واضحة و محددة و منظمة بجدول او فراغات بين اجابة و اخرى و اذا لم تكن متاكدا من الاجابة الصحيحية فاياك ان تضع اجابتين للسؤال الواحد فهذا يجعل المصحح يشك في زادك المعرفي و قد ياثر على تصحيحه لك توكل على الله و اختر واحدة من الاجوبة
في البناء النقدي تذكر ان تبدأ الاجابة بتمهيد بسيط يليه عرض تتطرق فيه للاجابة عن اسئلة البناء النقدي المطروحة ثم تختم بحوصلة بسطية

مادة الاجتماعيات : اياك الاطناب في تعريف المصطلحات و الشخصيات فالمصحح يكره التفاصيل الغير هامة كتاريخ ميلاد الشخصية و غيرها من التفاصيل يكفي ذكر من هو و اهم ماقام به و دوره في الوحدة التعليمية المدروسة
المقال التاريخي و الجغرافي في غاية الاهمية يجب بداه بمقدمة تتناول فيها الفترة التاريخية الموضحة في السؤال او الموضوع المثار حوله التساؤل ( الموضوع الجغرافي ) ثم تترك فراغا و تنتقل الى العرض فتجيب عن الأسئلة المطروحة على شكل عناصر و نقاط و ابتعد عن اللغة الادبية او النسق الادبي
الخرائط و الاعمدة البيانية يجب ان تكون في غاية التنسيق و الجمال باستعمال الالوان و الاقلام السوداء و تجنب الشطب
الفلسفة : حاول ان تستخدم اللغة البسيطة جدا في التعبير عن افكارك و شرح المذهب و الحجج و اكثر من التفصيل في الحجة و تبسيطها الى اكبر قدر ممكن
وظف في مقالك عدد من المقولات الفلسفية و حاول دائما ان تفصل بين المذاهب و بين الحجج و النقد اكتب المقولة بلون مغاير و لا تنسى ان تذكر انصار كل مذهب تتكلم عنه
نظم ورقتك و لا تتجاوز الثماني صفحات
االرياضيات : لا تهملها ابدا فهي المفتاح الذي يمكنك به الحصول على الامتياز
تذكر ان التمرين الاول عادة ما يتكلم عن القسمة الاقليدية و هو تمرين بسيط ياتي لك ب a و b و يسألك عن بعض الخواص كالقواسم المشتركة و قابلية قسمة احدهما عن الآخر
التمرين الثاني عن المتتاليات : راجع جيدا قانون الحد العام و المجموع و قانون حدين متباعدين
التمرين الثالث عن الدوال و في العادة الاسئلة الثلاثة الاولى اسئلة بسيطة تتكلم عن النهايات و جدول التغيرات
العلوم الشرعية : مصححو هذه المادة لا يريدون من الطالب " التفلسيف" و بلغتنا البسيطة يحبون الكوبي كولي ن الكتاب المدرسي فان لم تقم بالحفظ فلن تحصل على نقطة مرتفعة
اللغات : الله غالب جامي جبت فيهم المعدل
اخيرا دالدعاء و ثم الدعاء و خاصة رضا الوالدين و دعاويهم و نشالله نسمع بكل واحد قرا هذا الموضوع انو نجح
اذا كنت تريد الاتصال بي لطلب المساعدة انا موجود على الفيسبوك :

اخي الكريم 5 اشهر كافية لتحضير وانما تحتاج لتقسيم الوقت انصحك ان تقسم وقتك حسب اهمية المواد وان شاء الله انت من الناجحين

بارك الله فيكم وان شاء الله انتم من الناجحين

اللهم صلي وسلم على سيدنا محمد وعلى اله وصحبه اجمعين ربي يهدينا اخي انا متلك اداب وفلسفة ومترشح حر كما قالو الاخوة شويا حفاظة ومراجعة نروحو واجدين وبادن الله نجيبوه

مااااااا هو الحل

اريد منهجية تحليل نص لم استطع الحفظ ساعدوني
و اسكو كشم نحفظ في تحليل نص

النص على حساب الهدرة ما ينقطوش عليه مليح

لازم تفهميه مليح وتحلي كل جملة يقولها الكاتب وتعرفي الاتجاه او النظرية الي يتبناها باش تنقدي الراي تاعو
سما نتي حافظة حافظة

طريقة سهلة

اولا

طرح المشكلة
يندرج النص ضمن مشكلة ……..حيث يتناول جانب .ويرد فيه الكاتب على…………ومن هنا ……نطرح السؤال التلي :ما طبيعة………

محاولة حل المشكلة:

موقف صاحي النص:
يرى صاحب النص ان …………
الادلة
مبررا موقفه ب وما نجده في …………اضافة الى……..

النقد:
لقد وفق صاحب النص الى بعيد لكن من الناحية……….قد اهمل جانبا مهما الا وهو………….

التركيب:
الجمع بين الموقفن او التجاوز

الراي الشخصي:

من وجهة نظري ارى انه………..

حل المشكلة:
وهكذا يتضح ان………..

اي اشكل انا هنا للمساعدة إن شاء الله.

تحليل نص دايمن يكون هكا ؟؟

المقدمة:

تركيب وتقويم عام للأفكار والمواقف السالفة الذكر

اقتباس:

المشاركة الأصلية كتبت بواسطة براءة طفلة 2 المقدمة: يندرج هذا النص بشكل عام ضمن مجزوءة (اسم المجزوءة)، وبشكل خاص ضمن المجال الإشكالي لمفهوم (….)، و يتأطر النص داخل محور (….)، ويمكن صياغة الإشكال المرتبط بهذا الموضوع من التساؤلات التالية:…..؟…؟…؟. العرض: إن النص الذي بين أيدينا يحاول الدفاع عن فكرة مفادها (الفكرة التي يدافع عنها الكاتب في نصه)،وقد استعمل للبرهنة على ذلك أسئلة( الأسئلة التي ذكرها الكاتب ليبرهن عن وجهة نظره)، واستعمل لذلك أسلوبا حجاجيا (الأسلوب المعتمد في النص)، وينتهي صاحب النص إلى إبراز أن (الفكرة التي أراد الكاتب إيصالها)، و لمناقشة فكرة الكاتب نستحضر مواقف بعض الفلاسفة الذين يؤيدون فكرة الكاتب أمثال(المواقف المؤيدة لصاحب النص)، ومن جهة معارضة نجد إن الفيلسوف(اسمه) يخالف صاحب النص حيث انه اعتبر أو قال (…..). أما في حياتنا اليومية نجد أن فكرة صاحب النص (إما تتحقق أو معارضة للواقع) . الخاتمة: تركيب وتقويم عام للأفكار والمواقف السالفة الذكر

حذاري هذه في السابق نظام قديم اختي لاتعتمدي عليها ….نصيحة وعليكم بتحميل التصحيحات النموذجية السابقة

نصيحة مني خويا اخطيك من تحليل نص قادر تخرج علئ الموضوع بكل سهولة و مايحطوش فيه كامل نقاط ملاح احفظ منهجية تع المقال خير و احفظ كاش مقالة مليحة خاصة تع الرياضيات ممكن تجيكوم و بالتوففيق ليكم كامل

بارك اله فيكم خاوتي

https://bacalg.voila.net/phi.htm لكن أنصحك يا أختاه بأن لا تختاري النص لأن التصحيح فيه عسييييييييييييييييييييييييييييييييييييير