حبيباتي هادا اول موضوع ليا معاكم تعلمت بزاف بزاف امالا قلت وعلاش ما توريلهمش حويجه من كوزينتك بالاك تعجبهوم بصح كاينا حاجة لازم تشجعوني
زعمه راح نبدا كيما يقولو هادوك تع التلفزيون ههههههههههه
نبداو باسم الله نحتاجو 2سمك روجي ماشي شرط فري انا نستعمل الكونجلي و تاني اي نوع تع سمك تحبيه بصح بالروجي والله روعه نقيوه مليح با لموس من الحراشف راكم علابالكم من بعد نسحقوا 2 حبات بصل مقطع رقيق مع سنينات ثوم 2 حبات زروديه شوية بسباس حبيبات طماطم لفت كي يكون كاين و نحتاجو باقه نتاع اعشاب القصبر معدنوس زعيتره ماشي زعتر و رند نحكموهم بخيط و شوية زعفران راس الحانوت
فلفل اسود شوية كمون زيت ملح و طماطم مصبره
خلاص راكم معايا دوك نجيبو طنجره نحطوا الزيت و البصل يتقلاو من بعد نزيد الخضره تاعي مقطعه مربعات مع السمك تاعي و باقه الاعشاب رند و التوابل الملح الطماطم نخليهم يتقلاو مليح على نار قليله من بعد نزيد الماء مع مرق جومبو سمك كي تطيب الخضره و السمك نرحيوهم مع بعض بالاكو لعظام تع السمك رجعوهم للمرقه من بعد نحي الباقه تع الاعشاب من بعدعليك كل وحده و لمستها الاخيره عاده هاد الطبق يقدم مع خبر يابس محمص في الكوشة ندهنوه بشويه زيت زيتون و نحكوه بالثوم
واش رايكم حبيباتي ماكله تع 5 نجوم هههههههههه انا اول مره كليتها في مطعم في بجايه هبلت عليه من بعد وليت نطيبها ف الدار جربوه و رجعولي الخبر راني نستنى
ادا امكن توريولي كيفاش
وصفة ساهلة
شكرا اختي
مممم شهيتيني يعطيك الصحة بارك الله فيك
|
المشاركة الأصلية كتبت بواسطة نور القمر 07
 وصفة ساهلة
شكرا اختي |
ربي يخليك انشاء الله تجربيها و تعجبك شكرا على التشجيع
شكرااااااااااااا جزيلااااااااااااااااااااااااا
|
المشاركة الأصلية كتبت بواسطة soriaalg
مممم شهيتيني يعطيك الصحة بارك الله فيك
|
وفيك بركه حبيبتي نورتيني بمرورك شكرا
|
المشاركة الأصلية كتبت بواسطة fati13
شكرااااااااااااا جزيلااااااااااااااااااااااااا
|
بلا مزيه حبوبتي مادابيا نقدم ليكم حاجه تعجبكم كيما قدمتولنا و علمتونا شكرا حبيبتي
شكرا وصفه هايله كنت نحوس عليه
|
المشاركة الأصلية كتبت بواسطة OMGHANO
شكرا وصفه هايله كنت نحوس عليه
|
بلا مزيه حنونتي بصحتك
:dشكرا حبوباتي على مروركن
على الرحب و السعه نورتيني حبيبتي صابره
شكرا لك وصفة هايلة
شكراااااااااا لك غاليتي و يعطيك الصحة
بورك فيك
barak ellah fik bel hout rougie majich fiha zafarat elhout wanzidelha hadjra srira ta3 elmaska elhora ta3tiha riha ou bena dirha tatkla fe zit m3a louwal hata doub oumamba3dnzid elmakadir li dertihoum bsahtek
