اتمنى ان تكونوا اخوتي في الله في صحة جيدة
و مهيئين لإمتحان الفصل النهائي -باك 2024 –
بلغ السيل الزبى ولم يبقى للنفس مكان
فقد ضاقت دنياي(اعلم ستقولون اذكري ربك وصلي صلاتك)
والله لا اعلم فعلا من اين سأبدأ
لكنني سأكتب هنا بكل صراحة لأنني فعلا أبحث عن حل
رنيم تلميذة بكالوريا : كانت من المميزين والاولى على ثانويتها في جميل الفصول في كل من السنتين الاولى والثانية ثانوي
ثم تمرض لتصبح الدوخــة رفيقتها
لم تترك طبيب في مختلف اقطار الوطن وبمختلف التخصصات
ولا طبيب قاالي وش مرضي
تعبت
وكاين الي يقلي ارهاق
انا كنت نقرا عادي حسب نظري ..اعشق الدراسة لا يمكن ان تمر معلومة ولا تكون لي فكرة عنها
فكانت الانترنت رفيقتي-هذا لا يعني انها لصيقتي- ألجأ اليها للبحث عن أي معلومة وجدتها في كتاب قالها الاستاذ وفيها لبس
والحمد لله على هذا احمده حمدا كثيرا
وأخذ التعب يظهر على وجهها كل سنة تنحف عن السنة الماضية فاصبحت اليوم لا تتعدى 50 كلغ
يا جماعة والله تعبت
انا ضرك الباك والله العظيم راح نبدا انريفيزيلها في الاسبوعين هادو الي بقو
في مختلف ايام السنة وفصولها كنت نقرا قراية ماشي تاع انسان ممتاز(والله ماشي تكبر وتباهي لكني نحكي بصراحه)
كيما موالفه النيفو هبط لــ 15
وكنت نقرا دون قاعدة يعني المعلومة نستقبلها ما تترسخش دماغي تعب صح
لدرجة اني ما نحملش انسان قاعد لجانبي يحكي فوق من 5 دقايق
وفي الدار لازم مكانش العياط-وراه عندي خويا صغير وتعرفوا لازم يبكي ويضحك بصوت عالي وحاجات كيما هك_
علابالي كاين فيكم الي راح يقولي: ‘ صحتك اهم وروخي ريحي وكي تبري اقري وجيبيها بمعدل مليح’
انقلهم: والله فكرت فيها وقالتهالي اختي مي ما يطاوعنيش قلبي كيفاه انعاود عامي غايضتني روحي-صدقوني ما يحس بيها غير الي مجربها-
وناس اخرى راح اتقلي-هيا فوتيها بلي تعرفي وخلي الباقي على ربي-
انقلهم: خممت تاني فيها مي والله اتعب وفيا طبع خايب لازمني التمرين كي يتحط قدامي ما انحسش بلي ماشني قادرة انحل بعضو او اني وليت انحل على قد العقلية وعلى بالي كاين الي راه فاهمني وش نقصد…على خاطر تجيني صعيبة وتغيضني روحي انقول جا نهار و وليت ما نعرفش انحل تمرين بكل والله ماشي تكبر مي قلتلكم نحكي بصراحه وش كاين في قلبي الي راح ينفجر
اتصوروا ليام هادو بديت نقرا فيزيا انعاود في السيريات تاع ليكور اتصوروا تمرين انجيب فيه من 6 حتى 9 ..10 تاع الليل
الطبيب قالي ما تزيديش اتقلقي روحك وعطالي دوا وقالي ارقدي ومشكلتي اني انشوف احلام قالي دماغك في النهار يخدم وزيديه في الليل مع الاحلام تعبتي تاع الصح وما حبش يقولهالي بلي راني منزيدش نقدر نقرا قالي انقلك وانتي على روحك اقري بشوي برك
انا را نهبل يقولولي بشوي راني نولي نخدم ع 10 يعني ننجح ولا لاء
اتصوروا من 18 لــ 10 ماشي تحرق القلب
صدقوني ادمرت ادمرت
نفسيتي في الحضيييييييييييييييض
وانا تاني حاولت ناخد كلام الطبيب كي انحس روحي تعبانه ما نقراش وليت ما نقراش خلاص على خاطر اليوم بكل تعباااااااانه
قولولي تعيييييشووووووووا وش راح اندييييييييييييييير
راح نهبل
اتصوروا وليت ما نقدرش حتى ناخد قرار نبقى بالساعة بالساعتين باه اندير شي
وليت متردده وثقتي بنفسي ماشية وترجع
ويعلم ربي اني معروفه بسيرتي الحسنة وقربي من الله -انعاود انقول ماشي تكبر وتباهي بالنفس-
تعيشوووووووووووووا راح نهبل والله يعلم بيا ربي
وانا مشكلتي ما نحكيش يمكن حتى كيما نحكي حالتي ما انوصلش بطريقة مليحه
مي صدقوني تعبت لدرجة ما تتصوروهاش
وزيدولها الضغط تاع هادو الايام لخيرة راه واحد مرتاح والخوف والقلق مابالك انسان كيما نا
ما نعرف الا فهمتوني وش انقول
وحسيتو بأختكم ‘رنيم’ فعلا
ممكن كاين أشياء ما ذكرتهاش نسيتها لأنو النسيان اصبح شبح يطاردني والله العظيم ننسى بطريقة غرييييبة جدا
_ ايه تفكرت شي_
الميكرو ممنوع والتيليفيزيون
يا جماعة عينيا فيهم السطر وودانيا راسي
يا عجابة نقرا المصحف نخزر فيه نقرا صفحة اتجيني الدوخة ووجيعة الراس وعينيا
-كلو الا المصحف ى خاوتي-
علابالي طولت عليكم مي صدقوني
ديما انحس انو كاين ناس عندها انسانية وديما تحب اتعاون وتمد يد المساعه
سيقول بعضكم :’ هادا وين فاقت المخلوقة باه تحكي موضوع كيماهك؟’
مي ديما عندي في حياتي مبادىء منحيدش عليهم ومن أهمها
‘ الشكوة لغير الله مذلة ‘
لكن اليوم اتخطيت احد المبادىء
على خاطر تعاااااااااااااااااااااابت والله العظيم تعبت
كرهت الدوا وكرهت الاطباء- وكان حلمي نكون طبيبة-
وكرهت لوبيطال ديما ونا طالعة هابطه
مليييييييييييييييييييييييييييت صح
والله مليييييييييييييييييييييييييييييت
قداه من مرة يحسابوني راني متت يتقطع نفسي
انا احيانا انشوفو عامل نفسي ومن بعد انقول يا مخلوقة الدوخة هادي والاعراض هادو..
اووووووووووووووووووووووووووووف
حرت حرت حرت
استغفر الله العظيم
يا ربي سترك وعفوك ورحمتك
وما تغضبش عليا كي حكيت هك
على خاطر قلبي ………………………………
أستسمحكم عذرا على ‘ التقلاق’ فقط اود ان تساعدوني كي انهض من هذه الازمة حتى وان كان الوقت شبه فات ولكن ان تصل مـتأخر خير من ان لا تصل أبدا
وأهم شيء دعواتكم لي بالشفاء العاجل
وتدعولي في صلواتكم
ونتمنى لكم من كل قلبي التوفيق والنجاح بتفوق في باك 2024
اختكم الوفية – رنيم –
والله كيف حالتك انتي كنت نحلم اني نولي طبيبة ومعدل17 اليوم والو مسلمه امري لربي نقوول لي جابه ربي هداك هو ادا هو مليح نكمل ادا مش مليح نعاود حرة وتصوري اختي واله ما حافظه حاجه ولا مراجعه حاجه والله نقول ربي يسهل هدا هو
| والله كيف حالتك انتي كنت نحلم اني نولي طبيبة ومعدل17 اليوم والو مسلمه امري لربي نقوول لي جابه ربي هداك هو ادا هو مليح نكمل ادا مش مليح نعاود حرة وتصوري اختي واله ما حافظه حاجه ولا مراجعه حاجه والله نقول ربي يسهل هدا هو |
حاسة بيك عزيزتي
مي تعرفي انا كي انقول مانيش حافظة كامل يقولوا تكذب كيفاه مولات 17و 18 للضرك ماشي واجده للباك؟؟
ربي يهدي
وربي يوفقك حنونتي
وشكرا على المرور الطيب
وسماعكــِ لقصتــي الـــ…
تحياتــي
السلام عليكم ورحمة الله تعالى وبركاته
ــ
يعجز اللسان عن الحديث الذي كثيرا ما يخذلني خصوصا في هذه المواقف
ليس لي ان أقول
قال تعالى :
وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الأَمْوَالِ وَالأَنْفُسِ وَالثَّمَرَاتِ وَبَشِّرِ الصَّابِرِينَ
كان الله معكـ’’ـ
بالتوفيق
و السلامــ’’ـــ
أختي رنيم ، أنت سديتي الطريق في وجهك ورديتي جميع الحلول الممكنة غير مناسبة معاك ، أنا الحل اللي نخمم فيه نلقاك تكلمتي عليه ومانفعش معاك
والله حيرتيني ، ربي يكون في عونك
أنا في رأيي أنت حالتك ماشي تاع طبيب ، وعلاش ماتجربيش الرقية ، ماكانش حاجة تنفع الانسان كيما القرآن الكريم ، قادرة تكون بيك عين ، حسدوك مثلا على لقراية تاعك ماشاء الله ، والله ماتكذبي في حاجة كيما هاذي لأن العين حقيقة ومذكورة حتى في القرآن
جربي الرقية الشرعية وربي يكون الخير
| السلام عليكم ورحمة الله تعالى وبركاته ــ يعجز اللسان عن الحديث الذي كثيرا ما يخذلني خصوصا في هذه المواقف ليس لي ان أقول قال تعالى : وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الأَمْوَالِ وَالأَنْفُسِ وَالثَّمَرَاتِ وَبَشِّرِ الصَّابِرِينَ كان الله معكـ’’ـ بالتوفيق |
بارك الله فيكــِ عزيزتي
دائما تعليقاتك مشجعه
ونعم بالله
وبوركتــ على البصمة
| أختي رنيم ، أنت سديتي الطريق في وجهك ورديتي جميع الحلول الممكنة غير مناسبة معاك ، أنا الحل اللي نخمم فيه نلقاك تكلمتي عليه ومانفعش معاك والله حيرتيني ، ربي يكون في عونك أنا في رأيي أنت حالتك ماشي تاع طبيب ، وعلاش ماتجربيش الرقية ، ماكانش حاجة تنفع الانسان كيما القرآن الكريم ، قادرة تكون بيك عين ، حسدوك مثلا على لقراية تاعك ماشاء الله ، والله ماتكذبي في حاجة كيما هاذي لأن العين حقيقة ومذكورة حتى في القرآن جربي الرقية الشرعية وربي يكون الخير |
والله اختي جربت كلشي
زعما منرقيش؟؟
راني رقيت اكثر من مرة قالك سحر
ومن بعد كي خرج مني بقى نفس الشي
واعذريني عزيزتي قلقتك معايا
واشكرك على رحابة صدرك و استمرارك في قراءة الموضوع
وربي يوفقك في الشهادة حنونتي
كل احترامي لك غاليتي ‘منال’
| ضيعتي وقتك وانتي تكتبي في هذا الوضوع … |
هذا رأيك واحترمه أخي
ملاحظة:لم اجبرك على الدخول اخي الكريم
تحياتي
أختي رنييم
أنت لست وحدك
أنا لوكان نحكيلك
واش صايرلي ما تصدقيش
ممكن حالتي تشبه لحالتك نوعا ما
المهم حبيبتي الله يكون في عونك وعونا
أ
اللهم إني أعوذ بك من العجز والكسل والهرم والجبن والبخل وعذاب القبر اللهم آت نفسي تقواها وزكها أنت خير من زكاها أنت وليها ومولاها اللهم إني أعوذ بك من قلب لا يخشع ومن نفس لا تشبع وعلم لا ينفع ودعوة لا يستجاب لها. رواه مسلم
| أختي رنييم أنت لست وحدك أنا لوكان نحكيلك واش صايرلي ما تصدقيش ممكن حالتي تشبه لحالتك نوعا ما المهم حبيبتي الله يكون في عونك وعونا |
اذا اعانني الله واياكــ عزيزتي
وبوركت على اللفتة الطيبة
وفقك المولى
تحياتي
| اللهم إني أعوذ بك من العجز والكسل والهرم والجبن والبخل وعذاب القبر اللهم آت نفسي تقواها وزكها أنت خير من زكاها أنت وليها ومولاها اللهم إني أعوذ بك من قلب لا يخشع ومن نفس لا تشبع وعلم لا ينفع ودعوة لا يستجاب لها. رواه مسلم |
بارك الله فيك اخي
حديثك دائما اتذكره واردده
راني حاسة بيك اختي راهو امتحان من عند ربي متفشليش ديري لي عليك مراهيش نهاية لعالم ادا عاودتي صح صعيبة راني مجربتها ربي يكون في عونك و ينجحك
اذا ضاقت بك السبل وانغلقت الابواب فاعلم ان مع العسر يسرا
الان بعد قصتك راح طرطقي البـــــاك بمعدل ماشاء الله
كثير من الطالبات يصبن بالدوار والدوخة والـــهذيان ولربما فقد للطاقات لكن النتيجة صاعقة في معدلهم
لم يبقى الكثير فابشري بالخير
السلام عليكـ يا اختي الله يصبرك ويكون معاك انا نقولك متقلقي روحك موالو ارتاحي واتهلي في صحتك خرجي الافكار السلبية من راسك وخليك ايجابية ودائما قوي ثقتك بنفسك واستعيني بالله هو لن يخيب ظنك فيه ____________ادعوا لك باشفاء العاجل ان شاء الله __والنجاح في الباك بمعدل يرضيك ان شاء الله _____في انتضار اخبارك اختك في الله……….
