السلام عليكم
أخواتي الكريمات هذه الصفحة للحلويات البسيطة و المجربة
قدمي وصفتك أنت أيضا
من فضلك لا نريد وصفات من الكتب أو من منتدى آخر نريد اللي جربتيها
واحدة من أجمل و أبسط قاطو من طريقتي
حلوة الكحلوشة
المقادير :
250 غ زبدة
كأس سكر
كأس شاي زيت
كأس نواد كوكو
حبة بيض
ثلاثة ملاعق كاكاو
كيس خميرة
فرينة
للتزيين :
كيلة نواد كوكو
كاكاو
عسل
طريقة التحضير :
حطي المارغرين في وعاء أضيفي السكر حركي الكل حتى يذوب السكر و يصبح الخليط على شكل كريمة أضيفي الزيت واصلي التحريك ثم أضيفي كأس النواد كوكو و ضفي البيضة و الكاكاو حركي جيدا إذا لاحظتي الخليط أسود لا تزيدي الكاكاو أما إذا شفتي لون بني فاتخ أضيفي الكاكاو حتى يصير أسود أضيفي الفرينة و الخميرة حتي تتحصلي على عجينة متماسكة
شكلي حربوش و قطعي مقروطات متوسطات الحجم (لا تنسي راح تزيد تكبر مع الخميرة لما تطيب )
ضعي الحلوة في صينية مدهونة و مرشوشة بالفرينة خليها تطهو
من جهة أخري نحظر خليط التزيين إذا قومي بوضع النواد كوكو في مقلات ناشفة حطيها فوق النار و حركي حتى تتقلا كليا و يختفي اللون الأبيض ( قليه مثل ما تقلي التشيشة) ثم نحيه من على النار و أضيفي له الكاكاو (غبرة /poudre) حتى يصير اللون أسود
سخني العسل و قومي بغطس المقروطات (تكون طابت و بردت ) ثم لفيها في النواد كوكو الأسود حطيها في ليكيسات و قدميها
ها هي الصورة الأخيرة في الرابط
Photos-0012.jpg
أي إستفسار أنا في الخدمة إنشاء الله تنال إعجابكم
أضيفي أنت أيضا حلوتك اللي جربتيها
أدعولي بالنجاح في الدراسة
Raouia
شكرااااااااااااااااااااااااااااا
شكرا لك وبارك الله فيك
myam yami chokran ana na3ref wasfa presque kima hak semouha katifa bessah mafihach zit we nelsgohom 2 par 2 be la créme
شكرا لكم أخواتي إنشاء الله تجربوها
السلام عليكم
كل هاذ المشاهدات و ما في رد وش وقيلا ما عجبكمش
أضيفي لمستك أختي بوصفتك هيا معا
Raouia
جزاك الله خيرا
يعطيك الصحة و ربي ينجحك
راهي مجربة وهايلة
سلااااااااااااااااااااااااااااااااااااام
يعطيك الصحة حبيبتي
السلام عليكم
يعطيك الصحة أختي……..
شكرا لك ننتظر جديدك
الله يعطيك الصحة
