السلام عليكم
كيف حالكم غالياتي ان شاء الله كامل بخير
سبق وحطيت قاطو الجلجلانية باللوز صراحة هاااايل واليوم جبتلكم وصفة جديدة لقاطو الجلجلانية بالكاوكاو والبيمو ساهل في التحضير ذوقه رووووعة ويحمر الوجه في المناسبات.
قبل مانحط المقادير نقولكم ان الكيلة المستخدمة هي كاس نتاع250مل وهذا الكمية تقطع حوالي30حبة على حسب الحجم
المقادير:
زوج كيلات كاوكاو محمص ومدشش
كيلة بيمو مرحي
نصف كيلة سكر احرش
فنجان صغير زبدة ذايبة
زاست حبة قارص،م ص خميرة الحلوى،فاني
البيض نستعمل بيضة مقابل زوج بياض حتى تتلم العجينة
جلجلانية
عسل
https://
نخلط الكاوكاو+بيمو+السكر+الخميرة+الفاني+الزاست+الزبدة الذايبة ونبدا نضيف البيض نضيف بيضة+2بياض حتى تتلم العجينة اما اذا ضاعفنا المقادير راح نضاعف كمية البيض
نشكل كويرات بنفس الحجم
نغطسها في بياض البيض ثم في الجلجلانية ونحطها داخل لي كيسات
وندخلها للفرن تطيب على درجة متوسطة لازم نراقبها لان الحلوى مافيهاش فرينة راهي ساهلة في الطياب
من جهة نكون سخنت العسل وضفتلو شوية ماء الزهر
غير تخرج الحلوى من الفرن نسقيها بالعسل نحط حوالي م ك لكل حبة
نسخن لاجولي وندهنها من فوق باه تبقى تلمع وشكلها يجي شباب ونزين كل حبة حلوى بنصف حبة سوريز كونفي و من الاحسن نغير لي كيسات ونقدمها وهذا شكلها النهائي
عن قرب امممممممم
صدقوني ذوقها هاااايل نتمنى تعجبكم الحلوى
لاتنسوني غالياتي من صالح دعائكن ولكن بالمثل
في امان الله
رااااااااااااااااااائع جدا يا ام اماني كالعادة مميزة وحلوياتك قمة الاتقان ماشاء الله عليك اختي ربي يخليك
الله يبارك باين بنين يعطيك الصحة و العافية
رووووووعة بارك الله فيك
اكيد ذوقها هايل تسلم الايادي وتبارك الله
شكرااااا سعدت بمروركن
اكيد رائع من يديك
Bayan bali bnan bazaf
hayla yatike el saha meliha hata fi el monasabatte alfe chocre okhti
اممممممممم يهبل يعطيك الصحة
يعطيك الصحة ام امانى دائما وصفاتك فى القمة انا تعجبنىبزاف
الحلوى هايلة انا نجربها ان شاء الله فى مول السليكون بارك الله فيك
شكراااوالف شكر حبيبتى كالعادة دائمااا متالقة ننتضر منك المزيد خاصة حلويات المناسبات
رووووووعة بارك الله فيك