السلام عليكم و رحمة الله تعالى و بركاته
اقدم لكم وصفة بسيطة و سهلة للسردين
المقادير
3حبات بصل
4حبات طماطم
1كيلو سردين
كاس روز
التحضير
- نبرش البصل و نحطو يتقلى في شوية زيت مع شوية ملح و فلفل اسود
- كي يتقلى البصل نزيدلو الطماطم مرحية و نخليهم 10دقائق تم نضيف شوية ماء
- من جهة اخرى نرحي السردين ونزيدلو خبز يابس مرحي ,ملح و فلفل اسود و الروز (يكون طايب)و ندير كويرات صغار
- ثم نضيف الى الصلصة شوية روز و كويرات السردين و الطماطم المصبرة ونخليهم حتى تطيب السردين (يمكنكم اضافة المعدنوس و حبة بيض الى كويرات السردين و الزعتر الى صلصة الطماطم )
انصحكم بتجريبها فهي شهية جدا 
و بالصحة و العافية
بارك الله فيك…………………………………
تنقص التوابل من فلفل عكري، كمون، فلفل أسود و ثوم
