السلام عليكم ورحمة الله وبركاته
اسمحولي لطولت عليكم
هذا رابط الموضوع
https://www.djelfa.info/vb/showthread.php?t=860147
نبداو على بركة الرحمن
قبل ما نبدا نقولكم راني خدمت مثال صغير باه تهزوا الطريقة ماهوش صدر حقيقي
اولا عندنا نوعين من الخيوط نستعملوهم conton لخشين الكبة تاع 50 وتخيري اللون لتحبي على ان يكون من بين الوان السمسم المختارةوcoton 16
السمسم تخيري 3 الوان والابيض لازم ديما يكون حاضر (هذي هدرة الاستاذة لعلمتني في الجمعية)
انا خدمت بالحرج الخشين باه تبانلكم الخدمة والسمسم معرةف هو هذا
اولا نعملوا سلسلة بالعرض تاع الرقبة لراكي حاباتو
ثم تعمريه ب les brides والعدد تاعهم هو 300 brides (الترقيم ضروري جدا)
ملاحظة ضرورية هنا لازم تتولهي هنا كيتجي تسكري بلي ماهوش ملهوث لازم يكون مستوي
هنا تجي المهمة الصعبة من وجهة نظري وهي كما تدخلي السمسم في الخيط وهي تدخلي 12 حبة سمسم من كل لون بالتدريج مثلا ابيض ثم احمر ثم برتقالي يكونوا 12.12.12 وتحسبي 75 مرة من 12 حبة سمسم
ونبداو على بركة الله
هدوك 12 حبة نهزوهم 6 ,6 وهدوك الستة تهزي بالزوج وتسكري عليهم بالكروشي كما هو موضح في الصور
وتسكري في نفس العين لبديتي منها ثم تنتقلي الى العين الاخرى وهنا تكوني خليتي عين بناتهم وتقومي بنفس العمل وتسكري في نفس العين ثم ال6 الموالية وتسكري في نفس العين وتخلي عين ثم تنتقلي الى العين الموالية وهكذا
نكمل العمل على طول الحلقة لعملناها
ويكون الشكل هكذا من الامام ومن الخلف
ثم باه نكملوا السطر الموالي هذوك الستة الاخرين لعملناهم تطلعي فيهم للوسط ………… راهي تقلق شوي لانو الخيط يتلهوث بلعقل برك كما هو موضح في الصور
ونواصلوا العمل هذي المرة التسكار يكون في العين تاع 2 حبات سمسم الوسطانيين وتنتقلي للقدامها مباشرة تقومي بنفس العمل على كامل الصدر
هنا حبيت نوريلكم كيفاه يجيو واقفين مباشرة بعد ما تبداي السطر الموالي لانك مع البداية يجيو مهمش منظمين تقولي راني غالطو كما صرالي بصح هي كل ما تخدمي سطر يتعدل السطر لقبلوا كما هو موضح في الصورة
بعض الملاحظات عن العمل : كنت قلت من البداية بلي تدخلي 75 مرة من 12 حبة سمسم بالتدريج في خيط coton 16 في كل مرة دخلي 3 مرات من 75 ولازم تخلي فراغ كبير بناتهم وهو حق ما تدزي السمسم وتدري الكروشي لانو ياكل من الخيط يعني متحشريمهش
هي كل 75 تخدملك سطر وكما تدخلي 3 تديري 3 اسطر … حبيت نقول حابة تدخلي بالسطر وتخدمي من بعد تقطعي الخيط وتزيدي تدخلي 75 اخرى وتخدمي السطر الاخر كما تسهالك انا راني ننقل في هدرة استاذة بالحرف وانت كما ترتاحي
عدد الاسطر لتديريها هي 12 سطر
في الاخير تدريري كما هو موضح في الصور
السلسلة هديك ديري فيها 6 عيون
وهذا الصدر تاعي خيطتوا انا ……………كنت حابة كتان مورد بالبرتقالي والاحمر بصح ملقيتش درت هذا
ان شاء يكون الشرح واضح
واي استفسار راني هنا
شكرا
بالتوفيق للجميع
يعطيك الصحة وشكرا
يعني والله كارثة ……………..
طلبتو طريقة عمل صدر هذا ودرتلكم الطريقة مع انها دات من الوقت والجهد حقها
من بعد نلقى غير 2 ردود من 104 مشاهدة
.
.
.
.
.
.
عندهم الحق الاخوات كما يديروا اسبوع من قبل موضوعهم اذا كانوا حابين طريقة عمل حاجة ويطلبوا التشجيع والمشاركين
كما يشوفو رد فعل جيد يبداو
انا بديت مباشرة لم اطلب شيء
كنت فقط اريد بعض التقييم.
.
.
والله طاحلي المورال خلاص يعني منلقاش تقييم للمجهود تاعي يخليني منزيد ندير والوا
المهم ان شاء الله تكونو استفدتو من الطريقة وفهمتوها لاني منزيدش نشوف هذا الموضوع
.
.
.
سلام
يعطيك الصحة وشكرا
ما شاء الله عليك ربي يجازيك كل خير
vraiment je m’excuse mais ma fhamt fiha walou sarahatan m3a ana jdida fel krochet w tkila
ya3tik elssaha comme meme w baraka allahou fiki
بارك الله فيك 
بارك الله فيك بصح دخت انا نبغي نخدمهم مي مالقيتش اللي تعلمني الله يبارك راكي شاطرة
الله يجازيك كل خير حنونتي و ما تزعفيـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــش و يعطيك الف عافية
بارك الله فيك على كل حال و مشكورة على المجهود اريد سؤال اختى الصدر اللى راكى حاطتو فى الموضوع الاخر ما يبانش نفس الطريقة هل هو من الكريستال او les boulle و ما تزعفيش ربما لقلت الوقت مع الاولاد دخلو للمدارس و الدخة نتاع الادوات والكتب ما نحكيلكش
بارك الله فيك اختي على الشرح …نعم كيما سألت Afakmax هل من السمسم و لا الكريستال ؟؟ اذا كان سمسم سما يشد الوقت ؟؟؟؟
شكرا لك أختي و انا والله الآن وين شفت موضوعك هذا …ميغيظكش الحال أوكي ؟؟؟
تحياتي
السلام عليكم
متزعفيش اختي انا تاني و الله اليوم برك وين شفت موضوعك خاطر مندخلش بزاف للنت وما شاء الله عليك شرحك ممتاز ربي يجعل هاد العمل في ميزان حسناتك يوم القيامة و يجزيك الفردوس الاعلى تبارك الله عليك يعطيك الصحة و لكي مني احلى تقييييييييم
