سلام عليكم
ندخل طول في صلب الموضوع
اليوم اخدت الطعن ديالي الى الجهوي والطعن فيه كشف النقاط استخرجته اضافة الى نمودج الطعن كي دخلت للمركز لا حياة لمن تنادي مركز فارغ وجدت سوى المصلحة التي تخدم المتمدريس على مستوى مدخل المركز
المدير غائب تماما وموجود في عطلة ، وبعدما كنت اتجول داخل بهو المركز وجدت نائب المدير الذي تكلمت معه وقلت له باني اريد ان اضع طعن خاص بي فقال لي هل كتبوا لك في الكشف النقاط غائبة في مادة من المواد قلت له لا فقال لي ان تريدين وضع طعن حول نتائج الامتحان فهدا غير مقبول ولن نقبله من عندك فقلت له والحل قال لي الحل هو اعادة السنة وفقط ، بفففف طيحلي لمورال وكي جيت خارجة من المركز سقسيت رئيس المصحلة فقال لي لا تتعبي نفسك لاني قتلوا نبعثوا للعاصمة
ظرك هدي وش تسمى حقرة او حق
ياو حقرة ونص
راكي كيفي كيما قالولي انا
ايا بعت فالفاكس لدزاير
ممكن نعرف في أي مركز انت لان حنا عندنا في المركز تاعنا الجلفة درنا الطعون نورمال معلاباليش نتوما عندكم الصح ولا حنا قبلو الطعون برك باش منكسرولهم ريسانهم والله راكم شككتوني غدوة نعاود نروح ليهم
والله يا اختي ميمي ما حبو يحكموه اصلا نائب المدير قالي منحكموش عليك لانو مكانش قانون يقول بلي كاين طعون بما يخص النتائج الا فقط لمن حضر الاختبار وحطولو في الكشف غائب
أنا من خميس مليانة ( تابعين للشلف ) يعني الحل الوحيد هو الفاكس فقط
الاخ عماد انت اوما حكموه عليك انا محلبونيش خلاص يا اسكت برك دخلت لهداك المركز حق الله غير تقول كوري نتاع دجاج واحد مايسعا فيه غير رئيس المصلحة ونائب المدير لقيتو رايح يخرج من المركز مي تعبت في الباطل والله ربي وكيلهم
بقالنا الامل الوحيد هو الفاكس للعاصمة هوما اللي يحكموا وخلاص وااذا مفراتش نوكلو ربي برك على اللي حقرنا العام ليفات نجحت ب 13 والسنة 8 متدخلش قاع في الراس هذي
ةكيلهم ربي حقرة ونص وسعي خاطرك ختي نتي ابعتي طعون لكل جهة ديري لعليك وعندك الحق ترفعي طعن هادي بلاد ميكي من حق اي طالب تعطى له نتائج ويشك فيها ان يرفع طعن ختي متيئسيش سيي لاخر ثانية وربي يوفق
الله غالب ديما هك
أهلا وسهلا اختي
انا سوف اضع لك ردي ونتمنى ان شاء الله ما تكرهينيش هكذا اختي وما تقوليش بلاك نخدم معاهم ههه ….الخ
والله ماكن اللي كرهتم في حياتي فيما المركز الجهوي التابع له وهو مركز شلف لكن يا اختاه
انت قلتي حابة ندير طعن على حسابك انت من هب و دب يدير طعن امالا كل واحد ما نجحش يدير طهن يبقاو يخدمو جامي يريحو
انا اتفق مع نائب كي قالك عندك مادة غائب تدبلا طعن ولا كل المواد غائب كيما انا صرالي وتوجد مادة تقول ما اقوله انا ما رانيش نتكلم من الخيال
ونزيد ناكدلك بشيء وهو في ليكول عادي وما تقدرش تدير طعن باه تشوف ما بالك بالمراسلة الوراقي كامل مودرين
اخي ما عساي اقول لك الله يوفقك
ونتمنى ردي ما طيحلكش المورال
انا نجحت وفي اثبات المستوى 3 ثانوي لو يقولولي اعطيها لكاش واحد ارواحي نعطيهالك وقوليلهم لو يقبلو مستعد نعطيهالك
لان بلاد الخرطي ماشي تاع قراية
وانا ما نخدمش عند الدولة نخدم عن روحي كرهنا من طرافيك تاع لبلاد
والحمد لله على كل حال
يااخ medscd
حبيت نسقسيك انت نجحت فاثبات المستوى وهل نجحت فشهادة البكالوريا اخي ممكن تحكيلناااااااا
